عنوان الموضوع : وبعدين مع حماتي (فضفضه)
مقدم من طرف منتديات نساء الجزائر

وبعدين مع حماتي (فضفضه)



مرحبا
كيفكو
بليز اداره فيكو تنزلو موضوعي

حماتي من لما خطبتني وهي كانت تلمح على طريقة كلامي ولبسي واسلوبي
هلا انا فيني دلع بس مو دلع مصطنع او بعمل حالي دلوعه يعني اصلا صوتي ناعم كتير طبيعه وحركتي خفيفه ورقيقه نعومه يعني ومحترمه نفسي كتير يعني لا بدلع عشان اعمل اغراء او اتمايع
زوجي عادي عندو وماعمرو علق وحماي كتير بحبني وهو اصلا بعرفني من قبل زوجي لاني اشتغلت معو وكتير كان يمدح باخلاقي وتعاملي مع الناس ولما عرفت زوجي عرفتو بصدفه مو عن طريق ابو ولا شي
وحبني كتير وتعلق فيا
المهم لما بكون بحكي مع زوجي قدامها بتقعد تحكي هاد الي خلاه ياخدك
ولما بنروح عندهم و بكون بغرفتي وبلبس لبس النوم اوقات بتكون امصان نوم عاديه يعني مو اغراء بدق بتسال ع ابنها وبتقلي هاد اللبس الي مطير عقلو
انا اول كنت اخد الشي عادي جدا يعني انها بتمزح وبتحكي هيك

لكن مره سمعتها والله بصدفه لا كنت بتجسس ولا شي بتحكي لزوجي مرتك كتير مدلعه شو هاد وبعدين هي بشتغل بمكان فيو رجال لازم تكون راكزه مو هيك

وكنت مره قاعده مع حماي بنحكي وبنضحك فحكت لزوجي سامع ضحكتها كيف كيف لو بمكان عام قلتها اكيد مارح اضحك هيك بمكان عام حكت شو قلنا بنمزح

ولما كنت راجعه من السوق ولقيتها عنا بتقلي خليني شوف شو شريتي وكانت معها بنتها بتقلي هاد اللبس لشغل كان فستان قصير شاريتو لبارتي رفيقتي قلتلها لا طبعا شو لشغل

ومابعجبها اقعد مع حماي ابدا مابعرف هي بتغار عليه او شو ولما مره اخت زوجي الصغيره كانت بدها تبات عنا عشان بدنا نزور متحف حكت لا انا بخاف على بنتي من شو بدها تخاف ع بنتها من انها تبات عندي يعني بدي اعلمها شي غلط

ومابتحب بناتها يختلطو معي كتير حتى المتزوجات
انا ماكتير بركز ع كلامها وبطنشها وعلاقتي مع حماي كتير ممتازه وهو بصفي دايما وحتى هو مابعجبها تعليقاتها علي بس ماكان يحكي

المهم من كتير ماصارت تعلق زوجي صار يغار ويغار كتير ويدقق كتير ويدايق من اشياء كانت تنعمل قدامو عادي بس من بعد تعليقات امو صار يدقق ولما بسالو هالشي كان عادي ليه صرت تنتقد بقلي صار يدايقني هالشي حتى طلعات وروحات بطل يخليني روح واطلع زي اول كاني عايشه بحصار طول وقتي



وصرت ماحب روح عبيت اهلو منها وما ازورها مع اني مابكرها وما بحكيلها شي وتعاملي معها جدا عادي بس مابعرف ليه مدققه علي كتير من دون الكل
ولما مابروح بتتصل بتقول وينك ليه زوجك اجى وانت ماجيتي ولا مابتعجبك قعدتنا احنا عجايز مش زيك يعني لا وانا بعيده ولا قريبه بسلم منها

بس هلا صارت مشكله انو كنا قاعدين بتقلي شو رايك تحولي مكان عملك ع مكان فلانه بتقصد بنتها لكبيره قلت لا مابناسبني حكت ليه يعني احنا مو قد المقام قلت مو هيك بس ليش حول شغلي وانا مرتاحه فيه حكت هيك اضمن واحسن واكتر امان لوضعك قلتها شو قصدك اي وضعك حكت حركاتك قلت شو مفكرتني وطبعا حماي انجن من كلامها وهزئها قدامنا زعلت وقعدت تبكي وحكت شو حكيت انا قصدي لان حركاتها بتنفهم غلط وقامت من المكان وزوجي ماعجبو وراح معها حكيت لحماي ليه هيك ماكان تحكي معها قدامنا حكى لانو هي كتير زودتها وكم مره كلمتها بالموضوع وقلتها مالك دخل فيهم وانا كنت شايف وساكت ومابدي حياة ابني تصير فيها مشاكل عشان تعليقات امو انت بنت ناس وماشفنا عليك شي استغربت كتير من ردت فعلو يعني كانو عارف شي ومابدو يحكي وانفجر مره واحده فيها

المهم انو من هداك اليوم انا مارحت معهم ومعاملة زوجي الي مختلفه زي كانو بلومني على الي صار
يعني كتير كتير الوضع زاد عن حدو انا حكيت الكو اشياء كتير قليله من لي بتعمها وبتحكيها

طيب انا شو عملت الها الله خالقني هيك انا والله مابمثل وبعمل حالي وحركاتي مابتنفهم غلط لاني بمشي مستقيم هي ليه مصره تعملي مشاكل معقوله تكون بتغار على حماي مني او ماكانت بدها اياني وبتعمل هادي الحركات طيب انا شو ذنبي بالموضوع وليه مصره تعمل حركات وقصص وتحاول تلعب بعقل زوجي خاصه انو كتير متعلق فيها زوجي كتير بحبني وبعاملني كويس بس هلا اختلف الوضع بالمره اديه الي ساكته عليها وعلى تعليقاتها وزوجي شايف وسامع ليه يعني يقلب علي وحتى مع ابو مو كتير انا مابعمل اغراء ولا مايعه ومابلبس لبس مو محتشم بشغل وقدام الناس
هلا انا محبوسه حبسه رسميه يادوب روح عند اهلي والشغل ومو حابه احكي او ناقش بشي وتكبر القصه من شي تافهه ماكان الو داعي

>>>>> ردود الأعضـــــــــــــــــــاء على الموضوع <<<<<
==================================


حبيبتي اوصليهالخ عشان صلة الرحم ولو المشكلع في الشغل غيري الشغل واكسبي زوجك ممكن يكون فعلا بتغار


__________________________________________________ __________

حبيبتي حماتك بتغار منك واضح هالشي

اكيد انتي ما ذنبك بس يمكن كان لازم من لبداية ماتسكتي

انا برأيي تتناقشي انتي وزوجك بالموضوع يا انتي بتقنعيه ياهو بيقنعك

وبالنسبة لزيارة حماتك خففي منها قد مافيكي

وحتى لو علقت انك ماعم تروحي لاتهتمي كل يوم طلعي حجه عم نضف لبيت عم مد سجاد عم اغسل لبرادي

وبس بدك تروحي لعندا البسي شي تتقبله هي ما مشان شي بس مشان ما نخليلا مجال تعلق

وحاولي تضلي ساكته لاضحك ولامزح خلي زيارتك رسمية


__________________________________________________ __________

من راي تزوري حماتك وتراضيها والموضوع واضح صراحه باين انها بتغار بس انتي سايرها مشان ما تصير المشاكل عليكي حوسه . قدامها تصنعي وخليكي زي ما بدها ومن وراها اعملي إلي بدك ياه وهيك او هيك رح تكون زياراتك قليله . الله بعينك ع الساعتين الي رح تقعديهم عندها .


__________________________________________________ __________

الله يكون بعونك


__________________________________________________ __________