عنوان الموضوع : ضائعة بين زوجي واهله
مقدم من طرف منتديات نساء الجزائر

ضائعة بين زوجي واهله



انا سيدة متزوجة من 3 سنوات زوجي يحبني ويحترمني ومرتاحة جدا معه برغم الخلافات فان ثقافتنا ترتقي عنها ونتجاوزها بالنقاش بس مشكلتي اهلو خواتو ما بحبوني وحكولوا نحنا ما بنحب مرتك وانا والله منيحة معهم وبساعدهم قد ما بقدر ومن الصدمات صرت رسمية معهم لاني انصدمت منهم وتاذيت كتير وكانو يسببولي كتير مشاكل وحدة منهم تبلت علي اني بكره اخوها التاني وما بحب الو الخير وحلفت بصحتها والله مرضها ولهلا بتتعالج انا اول ما تزوجت كتير منيحة معهم ولهلا رغم كل شي بساوو معي بيتهموني اني بحرض زوجي عليهم وانا وبخاف الله وبحسب الو حساب بكل شي والله اني بدافع عنهم بيني وبين زوجي المشكلة انا بغربة وما الي حدا هون غير الله وهما اسلوبهم كيد وترماية حكي يعني ما بيجو بيحكولك الي مدايقهم منك مباشرة لا بصيرو فجأة كلهم مكشرين وبعدين بجيبو قصة بتشبه الموقف الي صار وبتصير ام زوجي تدعي على صاحبة القصة وهما بيصيرو يسبو ع اساس انو هاي قصة يعني اسلوب ضغط نفسي زوجي مل من المشاكل مافي شي ملموس يمسكو عليهم وانا تعبت نفسيا والبي صار يوجعني وصرت ازا مر يوم من غير ما يدايقوني بحسو شي غريب اهلي ما بحب ازعجهم واخوفهم علي لاني بعيدة عنهم يعني بشيلهم همي انا ساكنة معهم بحكم الغربة هما بالطابق الارضي وانا بالتاني ولازم انزل كل يوم عندهم وفي اليوم اكتر من مرة وازا ما نزلت ما بسلم منهم وبساعدهم بالشغل وبشتغل اكتر منهم وياريت عاجب ام زوجي بحسها بتكرهني ولا عمرها عاملتني زي بنتها مع اني بناديها ماما وعمي ودني معهم معهم عليهم عليهم انا مدايقة من الضغط النفسي واسلوب التلميح وازا طلبو مني ادخل بمشكلة او قضية بحكي رايي بكل صدق وبحكي الي فيه الخير بنقلبو علي وبصيروا يحكو اني بشبك وبفسد بينهم علما اني رسمية جدا وما بحشر حالي بينهم ابدا شو اعمل والله البي صار يوجعني وبحس بتقل ع صدري ودايما ببكي شو اعمل احكولي كلمة حق وانا مو ضعيفة شخصية بس هما اكتر من 7 يعني لو كل واحد رمى كلمة وجرحك رح تموتي من الزعل ارجوكم انصحوني شو اعمل

>>>>> ردود الأعضـــــــــــــــــــاء على الموضوع <<<<<
==================================


انت لهجتك كانك من بلاد الشام "من عنا يعني "
المهم علاقتك انت وزوجك منيحه شو بدك فيهم بعرف اشي بغيز بس حاولي تتجاهليهم وان شاء الله بنات حماكي كلهم بتزوجو لتخلصي منهم


__________________________________________________ __________

الله يعينك ياقلبي مثل ماقالت الاخت تجاهليهم وكوني باردة
معهم
بس كثري من الدعاء ياقلبي وخصوصا هالدعاء من تجربه
حسبي الله لا اله الاهو عليه توكلت وهو رب العرش العظيم


__________________________________________________ __________

واضافه لذلك اقراي كل يوم سوره المومنون
وان شاء الله بتتصلح احوالك يارب
بس لاتنسي تتدعي لي اذا
تضبطت احوالك


__________________________________________________ __________

الله يعينك ياقلبي


__________________________________________________ __________

اتبعي حكمتي القائلة طنش تعش تنتعش