عنوان الموضوع : خطيبي لايهتم بي ماذا أفعل
مقدم من طرف منتديات نساء الجزائر

خطيبي لايهتم بي ماذا أفعل



مساء الخير أمهاتي و أخواتي

أبعرض لكن مشكلتي و أتمنى منكن النصيحة والإرشاد

مشكلتي هي اعلم جيدا أن خطيبي يحبني ويغار علي لكن مايهتم فيني !! ياا نااااااس شوو أسوي عشان أخليه يهتم ؟؟

شوفوا بخبركم من البداية

نحن في بداية خطوبتنا كان يكلمني 24 ساعة ويخبرني عن كل شي يصير له مع العلم أنه أنا وهو ندرس في بلاد واحدة وسبب استعجالنا بعقد زواجنا هو عشان يحميني في الغربة >>>وهذا رأي أمي

المــــــــــهـــم
كنا نتكلم كل يوم وانا اخبره كل شي وهو نفس الشي وكنا نطلع مع بعض و أحلى أوقات قضيناها مع بعض
بس بعدين صار بينا كم خلاااف ..وقررنا مانكلم بعض بس ماننفصل من بعض عشان مايقولون لنا شي أهلنا وبنفس الوقت ماتكبر خلافاتنا .
و كل واحد يعرف شكثر نحب ونمووت ف بعض المهم ماتكلمنا لمدة شهر تقريبا بعدين رجعلي وقاللي أنه ماتحمل بدوني وأنه مايصير اللي قاعد نسويه و أفضل دايما نتواصل مع بعض فأنا وافقته .

والحين رجعنا لبعض بس أنا صرت اللي اتصل وارسل وهو أحيانا مايرد علي ويقوللي ما أبيج تتصلين و أصدقائي معي حتى لو كنا مخطوبين ماابا أكلمج وهم معي ولاتتصلين أنا اللي بتصل
وصااار أبدا مايرسل الا لما ارسل
واول كان مايقدر ينام الا وهو سامع صوتي و أما الحين عااادي كله واحد عنده ولا كنه عنده خطيبه بذمة الله ورسوله !!!

أنا متأكدة أنه يحبني بس بنفس الوقت مب مهتم فيني

الحين شوو أسوي ويآآه ؟؟!!
ومابا أخبر اهلي ولا أهله ..لأنه دايما نوضح لهم أنه نحن مرتاحين مع بعض ونحن بالفعل مرتاحين مع بعض بس هو مب مهتم فيني !!

للعلم أنا صارحته بالموضوع وقاللي دراسة الماجستير صعبة ومشغول فيها وبنفس الوقت ماحب اكلمج وانا عند اصدقائي و أنا صرت أزعجه ارسلله دايما و اتصل له بالرغم اني عارفه أنه مايحب هالنوع من البنات اللي ناشبه بالريال !!
شــووووووووووووو أســــــــــووووووووووي ؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!

>>>>> ردود الأعضـــــــــــــــــــاء على الموضوع <<<<<
==================================


والله اللي اعرفه واسمعه انه الرجال بيمل من مرته بسرعه
فلو من الاول انتي ماسويتوا كذا
اتصالات ورسايل وطلعات ويومياا
كان مامل منج
طبع الرجل يحب الثقيلة مو الخفيفه
الحين هو متطمن عادي يقول هذي تموت فيني مهما طنشتها وجافيتها
تحملي طبعه
الله يسخره لج ان شاء الله


__________________________________________________ __________

اثقلي عليه فتره لا تكلمي ولا ترسلي له واذا بدكم تطلعوا مع بعض اعتذري
وشوفي كيف يرجعلك
ولا تزني عليه خلص خلي براحته
وفعلا هو يخاف عليكي ويحترمك لهيك ما بدو يتكلم معك واصحابه عنده هذا الصحيح
وان شاء الله يرجع مثل اول واحسن


__________________________________________________ __________

شوفي حنا إذا أن خطبت وحده من العايله ما تكلم خطيبها ولاشي ولا هو بعد لان لاحق عليها بعد الزواج اعرف كثير اللي مأكلمو بعض وحياتهم أحسن حياه ويحبون بعض لان إذا ماكلمتي خطيبك راح ياثق فيك بعدين عشان كذا اثقلي اشوي


__________________________________________________ __________

إن شاء الله بسمع كلامكن وبثقل عليه لأنه هو فعلا يحب البنت الثقيلة وحسيته تعود ع أهتمامي
واذا سألني ليش ما اراسله او اتصل فيه بقوله لأني اعرفك مشغول وابيك تهتم بدراستك..........وهيك يعني ^_^

جزاكن الله خير على النصايح في ميزان حسناتجن .


__________________________________________________ __________

الله يكملك معاه على خير وخليك ثقيله الثقل صنعه مو حلو البنت ترخص حالها والله زوجي ابدا ما ادق عليه الا لما يروح بس عشان اجهز الاكل تاعه افهمي واستوعبي