عنوان الموضوع : ظلم وجور وعذاب واهانة (تعقيب) -لصحتك
مقدم من طرف منتديات نساء الجزائر

ظلم وجور وعذاب واهانة (تعقيب)



السلام عليكم خواتي
طبعا موضوعي الاول ماحد فيكم رد عليه وساعدني ، بس اترجاكم هالحين تقروه وتساعدوني

انا بقول لكم اللي صار البارح ..
طبعا كالعادة كنت مكملة يومي بالسجن والحكرة لا اكل ولا شرب ولا اشوف احد ورويحتي كانت شوي وتطلع من جسدي الحمدلله على كل حال

بالليل رجع زوجي ونام وطبعا ماعبرني كالعادة ولا كني موجودة بالشقة .. دخل الغرفة مباشرة وحط راسه ونام
انا كملت بكي وبعدها غسلت وجهي وتحممت وانقلعت الغرفة ونمت ، بالليل ع الساعة 2 وانا كنت نايمة حسيت بايده حاطها علي !!
استغربت ! بس قلت يمكن بالغلط !

شوي حسيته يتقرب مني ! هههه تفاجأت !!
لحد ما قرب مني وقام يحضن وكذا

انا وقتها ماسويت أي شي
خليته براحته ..

المهم بعدها ظل حاطني بحضنه ونام ..
والصباح جلس للدوام قرب مني باس راسي قبل لايطلع .

بصراحة الحين انا حدي مقهورة
صدق مالي احد بس مو قادرة انسى هالأيام المرة اللي عشتها

كان يعذبني ويهينني ويضربني ويكسرني ويسمعني اقسى العبارات وآخر شي سواه !!! تدرون ايش ؟؟

( اتهمني بالسرقة )

وانا ياخواتي مو قادرة انسى كل هذا
كلما اذكر اللي سواه واللي قاله يحترق قلبي واذبح حالي صياح وصراخ

مو قادرة مو قادرة ! اقسم بربي مو قادرة ..

والحين مادري اذا رجع من الدوام شاللي بيصير !
طول هالأيام عايشة لحالي متعذبة وشايلة همي بقلبي مادري شلون ابتحمله اليوم اذا رجع !

شوروا علي خواتي بسرعة
قولوا لي شاسوي شالحل لحالتي !!

كنت ابغى اتطلق بس مادري وين اروح بعدها .. بصفي بالشارع مالي احد

والحين اذا رجع ؟ شلون اتصرف ؟ شاسوي ؟ شاقول ؟

احس حالتي مالها حل ..

ادارة حبايب قلبي ارجوكم نزلوا موضوعي بسرعة
محتاجتكم الحين قبل بعدين

>>>>> ردود الأعضـــــــــــــــــــاء على الموضوع <<<<<
==================================


بما ان ماعندك احد بعد اللهه غير زوجك فاصبري

بس بيني له انك لسى زعلانة

رفع


__________________________________________________ __________

,,
موضوعك الاول للاسف ماشفتو.,
بس كوني قويةة..!!
وانسي الماضي
وكملي مع زوجك.,
يمكن تندم على تصرفة او انتي بكرمك معاه راح تخليه يتندم
لانك قابلتي السيئه بالحسنة..
الله يوفقكم.,
’,


__________________________________________________ __________

اتزيني لزوجك واطلعي مثل العروس
بس ما تحاكيه خليه هو يحاكيكي ويصالح
والله يصلح ما بينكم ويجمعكم بالخير


__________________________________________________ __________

يا اختي احتسبي الاجر عند الله وما تفكري كتير بالموضوع والله هاد الشيطان بظل يذكر فيكي ويحكيلك ما تنسي اوعك تسامحيه مجنونه عمل فيكي وسوا فيكي وصدقيني كل ما تحسي حالك بتفكري بالموضوع سبحي واستغفري وخليه الله يدبرلك الامور وقولي يارب وكلتلك امري انت ادري فيه


__________________________________________________ __________

حبيبتي انا رجعت لموضوعك الأول عشان افهم السالفة
بكل صراحه انتي الغلطانه من البدايه لأنك حسستي زوجك انه مالك احد غيره وسمحتي له يمد يده عليك كل هذا عشان أمك وأختك بطقاق اهم ما درو عنك المفروض دائماً تهددي زوجك إذا حاول يضربك انك راح تقولي لأهلك مو تستسلمي ويضربك وتجلسي كم يوم تبكي ومحبوسه وفي الأخير يجئ يحط يده عليك وتنخدعي انه يحبك وحنون وكلام فاضي المفروض انك ماقضيتي الأيام في بكاء على الفاضي ابكي اذا كان مو موجود وإذا جاء خليك ريلاكس وأهاديه ومتزينه وكأنك أميره خليه يحس انه الزعل مو مآثر فيك ولا همك فيه المهم هذا كله ما يفيد الحين
الحين هوه جاء عشان يراضيك اذا جاء طبعا لازم يشوف وجه حلو وابتسامة خفيفه مو تشقين وجهك ضحك اركدي وعاتبيه على الي سواه فيك وقليله مالك عذر أبدا وقليله انا تحملتك لأني ما أبي أخرب بيتي بس لو تكرر نفس التصرف راح أروح لأهلي وبيني له محاسنك انا وانا وإحنى الحريم ما يحتاج نمدح انفسنا وصدقيني الرجال ما يحب الحرمه الضعيفة الي تستعطفه بدموع يحب القويه ام لسان الي ما تسمح له يهمشها
والله أختي كانت مسويه لزوجها البحر طحينه وتسمع كلامه في كل شي وطفشنا وإحنى نقلها كذا غلط وهو صار يأمر ويتأمر لحد ما طفشت منه وصارت ما تهتم لكلامه والحين الحمدلله اتعدل معاها والله يوفقها ويسعدها ويوفقك ويسخر لك زوجك