عنوان الموضوع : هل اقدر انسى واكمل حياتي ؟؟
مقدم من طرف منتديات نساء الجزائر

هل اقدر انسى واكمل حياتي ؟؟



السلام عليكم ورحمة الله وبركاته

انا متزوجه من سنتين وعندي ولد الحمد الله زوجي كريم ومايقصر علي وحبوب بس من بداية زواجنا كان يحب الطلعات مرررره وكان كل ويكند يقولي تروحين عند اهلك تنامين عندهم وعلى ذا الحال لين صرت ارفض اقول لا اذا تبي تسهر اسهر بس خلني ببيتي يقول لا اخاف اتاخر عليك تروحين عند اهلك احسن من غير التاخير علي اذا طلبت شي وانا عند اهلي واذا كنت عندهم يسحب علي يخليني بالشهر اقوله خذني يقول لا خليك لبكره وكذا كنت ارفض لين توصل للضرب ويضربني من بعد ماضربني انصدمت منه لاني ماتوقعت هالشي يطلع منة وجبت ولدي ولا اهتم لي وانا بالمستشفى تعرفون النفسية اللي تجيك قبل وبعد الولادة كنت اتمنى يجي كنت ادق علية يايقولي بنام او يجي نص ربع ساعة ويمشي يقول انا مشغول بعدها ومنها بديت اشك ان فية شي جواله حاط فية رقم سري وعنده كاميرا سامسونق حاط فيها رقم سري رغم ان قبل مافيها رقم سري عادي اطلع عليها كنت اقول ليش تحط يقولي عندي قروب اصحابي في الشغل ويرسلون اشياء مالها داعي وكانت حياتي اغلبها مشاكل عن طلعاته وتاخيره عن البيت وكان الفتره الاخيره خلاص صرت اعصب وصار اذا تهاوشنا يمد يده واسكت لين المره الاخيره تاخر عن البيت يوم كامل وادق علية مايرد هينا انا انرفع ضغطي يوم جاء ليش تتاخر وكذاوكذا ومد يده بس بشكل قوي ومديت يدي انا بعد لين شوهني انا كلمت اهلي واخذوني بالغصب وهو ماكان يبغى اروح قلت خلاص ماابغى ارجع لك ورحت عند اهلي جلست شهر وجلس يحاول فيني ارجع وتذكرت ولدي ويوقول والله لاارضيك بس ارجعي والنهاية رجعت ويوم رجعت لقيت اشياء بسيطة متغيره بالبيت ماالقيت لها اهتمام بعدين لقيت روج ماهو لي تحت الكنب اخذته وسكت عن الموضوع ودعيت ربي كم مره ان كان فية شي يسويه من وراية ان يكشفة ربي وفعلا صار خرب جوالي وبعتة واعطاني الكاميرا قالي خذيها لين تشترين جهاز ثاني طقطقي فيها
حذف البرامج والاشياء اللي فيها حذف الواتس حقه وطلع جيت انا حملت الواتس عشان احط رقمي ويوم فتحتة طلعت لي رسايله الواتس كللللللللها شفت اشياء شلت اعصابي انهرت من اللي شفته بنات وكان يكلم مره متزوجة وانا احبك ومتى اشوفك وابغى اضمك وابغى اجيبك بيتي
واللي عرفته انا زوجي طلع يحشش ويسكر والمره هاذي نفس الشي ويتبادلون هذا الشي لبعض ويدبرونة لبعض والبنت الثانية كانت خويته من قبل الزواج كان يعرفها وكان يطلع معها وكان عندي خبر من زمان عن هالموضوع بس ماتوقعت هالدرجة خويته هاذي قالي عنها من فترره انها تتصل فيني وازعجتني قلت وش تبي قال تقول ني ارجعلها وليش تنبسط انت وانا لا لازم تتزوجني ومن هالكلام قال لها انا متزوج وعندي ولد مو حرام عليك الحرمة اللي معي وش ذنبها قالت مالي دخل بعدين قالي زوجي خلاص لاثشيلين هم تنا اعرف اصرفها وبقفل جوالي وفعلا قفل جواله فتره ورجعه المهم لقيت المحادثه في الواتس لها ومرسل لها صوره انا مصورته وصور ولدي وكلام حب واحبك واعشقك ووحشتيني وقريب هالكلام كلها يوم كنت عند اهلي يعني قبل اسبوع من جيتي عنده ولا لقيت شي يثبت كلامه انة بيصرفها وينقطع عنها بالعكس متوااااصل معاها المهم قفلت المحادثات ومسحتها كلها رجع من الدوام وجاء يدودد ويتقرب مني كالعاده قمت من عنده قالي وش فيك قلت انت تخوني ضحك قال لا ليش قلت ليش تستغفلني وتخون وش قصرت عليك فية قال وش فيك يابنت الحلال قلت لقيت روج ماهو لي تحت الكنب بعدين ضحك ضحكة طويلة قال ايييييه هذا خوي طلبني البيت تلقينه لخويته قلت انا شفت محادثاتك وشفت كل شي قال وش فتي قلت كذا وكذا وكذا قالي كذابه انكر قالي وريني عشان اصدق قلت مين اللي تجيبها بيتي وتبي تضمها بعدين تغير وجهه وانصصصدم وقام من عندي وانا اهزء فيه مدري كيف جاني هدوء وصبر ذاك اليوم قال انتي كشفتيني وانا سويت اللي مايتسوى واللي تامرين فيه انا حاضر مدري وش اقولك بس شكلة طاح الفاس بالراس قلت ليش تسوي كذا لقيت عندهم شي مالقيته عندي قال ابدااا والله بس انا من تزوجتك وانا كذا وتركتها ورجعت انتكست مره ثانيه وانا مع حريم واسوي حفلات وبارتيات وحريم ورجال وحشيش وسكر وانا اسويها يعني اسوي اشياء مايدخلها عقلك انا سويت اشياء حرام بس والله اني حاولت اني اتركها قبل لاتعرفين وبدا يبكي بكاء ياناس يحززن ويخبط بعمره تكفين تكفين لاتتركيني والله اني اسويها وانا مغصوب والله اناماهو بيدي وانا احبك مفروض توقفين معاي ماتتركيني وتطلعيني من هالوحل ويبكي ويشاهق انا اسف سامحيني سامحيني قلت وكلام الحب اللي قلته للمتزوجة قال والله مااحبها ولافكرت فيها بس اضطر اقول كذا عشان تدبر لي الحشيش ومدري ايش وجايبهم البيت عندي حريم ورجال وحفلات جلس يترجاني ويسلم على رجولي تكفين ماابغى احد غيرك خلاص انتي كشفتني وجاء اليوم اللي اتغير بس انتي ساعديني والله لااتغير لان هذا سبب بيخلني اتغير لانك عرفتي كل شي والله لااسوي كل شي تبينه والمهم انا قلت بسامحك في حالة وحده اذا تغيرت وصرت زي الناس والعالم اقل ابشري زبعدين حسيته صادق انه بيتغير وانا احبة والله قالي خلاص عطيني يومين بس واقطع علاقاتي كلها واغير رقمي واترك اخراب والحشيش وفعلا غير رقمه وترك الحشيش


المشكله الحين ماقدرت انسى كل ماتذكرت الكلام ابكي وانقهر اني سامحتك واقول خلاص ماينفع كذا بعدين اتذكر انه طيب ومايقصر واحبه وولدي اقول ماابغى اتطلق حتى هو يقول احس خلاص حياتنا خربت وماصار فيه ثقه واحس الطلاق احسن شي بس اتذكرك واتذكر ولدي واتراجع وشيبت من التفكير مدري وش اسوي هل بنجلس كذا الصراحه احس ماعاد فيه ثقه فيه يعني احد يدق اقول مين ووين بتروح وين يتجي اساله كثير

ومدري هل حياتي بتستمر كذا وهل فيه امل انسى وهل اللي سويته صح يوم سامحتة ؟؟

ادعولي تكفون الله يفرج همي ويصلح لي زوجي

>>>>> ردود الأعضـــــــــــــــــــاء على الموضوع <<<<<
==================================


والله معك حق انك ما تثقي فيه و لازم تكوني حذره دايما من تصرفاته وتراقبيه وانتي في المستقبل لما تشوفي انه انصلح واتحسن بتنسي كل اللي صار و بيكون ذكريااااات


__________________________________________________ __________

معاكي حق حبيبتي والي سواه مو شي هين وانتي نفسيتك تعبانه من تصرفاته بس دامك سامحتيه اعطيه فرصه 3 شهور اذا ما تغير ورجع زي ما كان اعرفي انه خلاص مافيه رجا ابدا والله يحفضلك ولدك يارب


__________________________________________________ __________

الله يسعدك حبيبتي دنيا واخرة
انا احس انو صاااادق في بكائه اظنه عنده امل يتغير هو يعرف انو الي يعملو حرام وهو مو راضي على الي يسوييه سااعديه شاهدي انتي ويااه فيديوهات عن شرب الخمر وعن ديننا واكثري من الاستغفار وصلاه الليل ان شاء الله بتنسين انا بغيت اساعدك عن جد بدي اوريكي شو بدك تعملي اول باول راسليني على الخاص ان شاء الله خيير


__________________________________________________ __________

خلاص افتحي صفحة جديده بحياتكم
وانسي الي صار كل الرجال بوقتنا يكلمون بنات
لا تهدمين بيتج وتضعين حياتج وولدج
الله يفرج همج ويسخر لج زوجج


__________________________________________________ __________

والله يا عزيزتي مدام انه متمسك فيك ويحبك الاشياء الثانيه وفاتح لك بيت وقايم بواجبته وما يقصر عليك في شي خلاص واقسم بالله في بنات اعرفهم يتكملون عن ازواجهم (ملتزمين ع اخر شي) ويكلمون بنات وكذا يعني واكيد انتي عارفه شهوة الرجل قويه والدين حلل للرجل اربع واكيد هذي حكمه من حكمها وبعدين شفي يعني انتي لو ما كشفتيه ما درتي عن الموضوع يعني تقدرين تمشين حياتك
فأنصحححك ادعي لزوجك في اخر الليل ولا تفكرين ابدا بالطلاق وخصوصا عنده ولد وربي يتشتت لا تقولين انه عادي انا اشوف وحده من خواتي صارت بينها وبين زوجها مشكله وربي يحجزززنون اذا جوا لامهم كل ما جاء احد من اخواني او رجال جلسوا يتمسكون فيه اللي يقول بابا واللي يقول خذني معاك البقاله واذا رجعوا لابوهم جوا حالتهم حاله محرقين وهزيلين
فليش الوحده تهدم بيتها وتخرب حياتها عشان حب او خيانه او شي اتفه من اللي بتعيشه ان شاءالله

وع فكرره ترراااك غلطانه نك فاتحتيه في الموضوع
لانها من اول كان حاسب لك حساب اخاف انه بعدين
ياخذ ع الوضع ويصير يكلم قدامك ولا يجيب خبرك..

اتمني ما تزعلي مني بس والله انقهر ع اللي تقدر تساير حياتها وتمشيها وبعدين تكابر وتغلط غلطه يمكن تجلس طول عمرها وهي ما تشافت منها ...

الله يصبرك ويثبتك ويهدي زووجك يياااارب ..