عنوان الموضوع : مشكلتان أرجو المساعده مجابة
مقدم من طرف منتديات نساء الجزائر

مشكلتان أرجو المساعده




السلام عليكم خواتي

اخواتي عندي مشكلتين اتمنى الكل يساعدني بي يعرفه
وسؤال أو استفسار لخواتي السعوديات


المشكله الأولى
انا امراه متزوجه بعد 3 ايام نكمل سنه من زواجنا والحمدالله مافيه علاقتي مع زوجي تمام والحمدالله

بس من شهر تقريبا أي الشهر الي طاف زعلني مره من حركه سواها تضايقت من قلب كان على وقت شغلي
جهزت اغراض عشان بروح الشغل وسيده برجع بيت أهلي
كلمته على الواتسب في الشغل ابين له خطاه وسكرت الفون وخبرته لا ينتظر رجعتي بروح بيت اهلي
ويا نهايه دوامي لقيته ينتظرني تحت عند الباركات سويت نفسي ما شفته ركبت سيارتي ورجعت بيت ابويي كان يحاول يكلمني بس صديته

لحقني طبعا بس ما دخل بيت ابويي ضل يكلمني واتسب واترجاني ارجع البيت عشان بفهمني كل السالفه وويش الي خلاه يسوي هذه الحركه من خير ما يخبرني

بعد محادثه طويله رضيت ارجع البيت
أخذت اغراضي ورجعنا وفهمني كل شي ورضيت عنه بس للحين مو مصدقه الي سواه

بعد بسبوع من هذا الموقف صار ينزل عليي ماي كثير
صرت اخلي كوتكس الصغيره ( الكوتكس اليومين ) ضل سبوعين ووقف قلت الحمدالله

هذا الشهر كمان رد ينزل عليي ماي كثير

شنو سبب هذا الماي ....وليش ينزل عليي كذا... للعلم تتعب نفسيتي مره اذا نزل .. ويالمني كانها الدروه الي تنزل مو ماي بس اذا رحت اتاكد يطلع مجرد ماء ...وصدري يثقل كمان وبطني يالمني



المشكله الثانيه
كمان في الشغل (( للعلم اشتغل كيشر)) أي امينه صندوق
وأنا احاسب للزبون زلق من ايدي شي ثقيل وطاح على صبعتي الي جنب الخنصر تعورت صبعتي كثير بس قلت الم ويزول ما حطيت اهميه له

المهم هذا الصبع اذا لمسته ايدي تنام أي تنمل ما أقدر أمسك شي كويس في ايدي اليمين بسبب هالأصبع

أمممممم تتوقعون مجرد وقت واصير أحسن أو احتاج اروح مستشفى أكشف عليها ؟؟




السؤال لخواتي السعوديات
أخواتي انا تزوجت من سنه تقريبا واموت في شي اسمه طباخ خصوصا الحلويات ومطبخي توه جهز بعد سبوع أو سبوعين بجي اتسوق في السعوديه
أكثر الظن في الخبر أو الدمام وبجوف بعد كم منطقه

ودي تقولولي عن محلات يبيعو الأواني واغراض المطبخ الحلوة وبسعر معقول


اتمنى تنولون موضوعي بجد مره محتاجه ربي ييسر لكم ويفتح ابواب الجنه قدامكم أختكم في الله


>>>>> ردود الأعضـــــــــــــــــــاء على الموضوع <<<<<
==================================


والله ماعندي اي فكره ولا عن اي مشكله من مشكلاتك


__________________________________________________ __________

حبيبتي بالنسبة للمشكلتين الاولى والثانية راجعي دكتورة نساء وطبيب عظام والمشكلة الثالثة فاعذريني لا أعلم ان شاءالله البنات ما يقصروا


__________________________________________________ __________

حبيبي من ناااااحية مشكلة زوجك لاتكبري الساالفة
واضح ان زوجك يموت فيك وشااااااريك

اعذريه وعيشي حياتك

وبالنسبة لمشاكلك الصحية لازم ضروري ترووووحي طبيبة
الموياات لها اسباب كثيرة

واما الباقي يفيدوك الاخوات مايقصرون


__________________________________________________ __________

حبيبتي لازم تزوري طبيبه بالنسبة للماء وربي ييسرلك كل خير ولا يوجد بيت لا يخلو من المشاكل


__________________________________________________ __________

أختي تعاني من نفس مشكلتك الأولى واجد ينزل عليها ماي

يفضل تروحي المستشفى وتتاكدي