عنوان الموضوع : اكرهه حيآتي
مقدم من طرف منتديات نساء الجزائر

اكرهه حيآتي



السلام عليكم
مششكلتي بالنسبه لي مصيبه
احنا 6بنات وولد خواتي الكبار متزوجات فيه 3اكبر مني
وانا عمري 18 واحنا بالبيت باقي ثلاث بنات وولد اصغر مني كلهم
احنا امي دايم تشوفنا اسوأ ناس ماعمرها مدحتنا قدام احد دايم تمدح الناس وتبين ان احنا اقل من الناس كلها
هالشي سبب لي خوف من امي اخاف منها
انا بالشرقيه وادرس في الرياض حبيت اغير تخصصي ورحت كليه ثانيه
وربي توقعت تقول كل شي عني الا هالكلمه اصدمتني امس تتكلم تقول اكيد تركضين ورى واحد شايفته وقاعده تلحقينه من كليه لكليه بناتي واعرفكم
وانا وربي مو مثل هالبنات بخاتي ماكان لي علاقه برجال حتى الدكتور بالكليه انزل عيني بالارض
انا مادري ليه امي كذا مع انه متعلمه ومثقفه وموظفه بعد
قهرتني باللي قالته
دايم تقول ان احنا غير بنات خواتها مع ان احنا مرره نساعدها يوم راحت الخدامه وننظف ودايم بارين فيها واذا رحنا مكان وماراحت معانا نتدكرها ونجيب لها هدايا ودايم نبوس راسها في الطلعه والدخله
بس انا مادري ليه هالمعامله
جربنا نتكلم معاها قامت تعصب
يعني انا وحده ما اقعد من النوم الا على صوت امي دايم تصارخ ع كل شي لدجة مره صحتني من النوم وضربتني مع اني ماسويت شي
تكفووون نزلو موضوعي بسسسرعه ابي حل

>>>>> ردود الأعضـــــــــــــــــــاء على الموضوع <<<<<
==================================


حبيبتي

واضح من اللي ذكرتيه انج مربايه ومسنعه ماشاء الله عليج
لذلك بوضحلج كم شغله وان شاء الله اقدر افيدج

مهما سوت فيج امج تظل امج
والتربية اللي تربيتيها بفضل الله ثم بفضلها هي و ابوج
اللي لازم تفهمينه انها مابتسوي شي ولا بتقول شي بدون سبب
"لكل فعل ردة فعل تساويه"

انا ما اعرفكم شخصيا ولكن بوضحلج الاحتمالات المتوقعه
وانتي حاولي تلاقين حلول تناسب شخصية امج الله يحفظها

بالنسبة للي قالته لج و صدمج
بصراحة معاج حق وهي غلطانه باللي قالته
بس تظل امج ولازم تحترمينها
يمكن قالت جي لانها شافت شي ع وحده من خواتج و خافت على الباقيات ( مع احترامي ، مجرد احتمال )
او يمكن سمعت عن بنات الكليه وتبي تنصحج بطريقة مب مباشرة
او مايشابه ذلك

اذا تكرر الموقف 'لاقدر الله' رمسيها بكل هدوء
قوليلها ( انتي اللي مربيتني ! في حد يشك بتربيته ؟ اذا انتي تتوقعين اني اخون تربيتج فانا اقولج مستحيل اضيع تعبج فيني 18 سنه ! )

هي جي بتفهم انج فاهمه الحياة ومقدرة تربيتها وان شاء الله تثق فيج

وبالنسبة انها ماتمدحكم جدام حد ، وتقارنكم في بنات خواتها
على ما اظن ان لازم تغيرين فيج شي

مثلا طريقة معاملتج وياها
قوليلها اشيا تبين لها حبج
لاتقولين انج تستحين ، لانج اذا تستحين عمرج مابتغيرين نفسج للافضل
وهذي امج ، مافي حد يستحي من امه !
واذا بتقولين مابتتقبل او بتجرحج او غيره
ماعليه انتي حاولي وجربي !

مثلا اذا كنتي قاعده معاها وماعندكم سالفه قوليلها
" ان لم تكوني امي لتمنيت ان تكوني امي "
ووضحيلها ، مثلا قوليلها اشوف امهات ربيعاتي يعاملون بناتهم بطريقة مب حلوة وانتي تعاملينا باسلوب حلو . . . الخ

جي بيترسخ في مخها ان لازم تعاملكم بطريقه احلى من معاملتها لكم
( طبعا هالكلام مدروس جيدا )

او مثلا اذا قالت ريلها او يدها يعورونها ( لا قدر الله ) قوليلها بسويلج مساج !

حاولي تبينين لها حبج بابسط الشغلات
لاتحاولين تكلمينها بطريقه مباشرة لان احتمال كبير ماتتقبل
رمسيها باسلوب غير مباشر
واستخدمي طريقة المدح فيها

في النهاية اعتذر على الاطالة
واسمحيلي عالامثلة ان لم تكن كافية
واذا مافهمتي شي قوليلي وبوضح
والله يحفظها لكم ويحفظكم لها


__________________________________________________ __________

انا متفقه مع الاخت انعم انثى
الله يهديها ويصلحها


__________________________________________________ __________

ماعليه اختي هذي امج تحمليها واكيد هي تقولكم هالكلام عشان تحفزكم تبيكم احسن الناس كل ام تطمح لعيالها المستقبل الافضل والله يرزقج برهااا ان شاءالله


__________________________________________________ __________

عاد والله الامهات هذولي ما اعرف كيف نتصرف وياهم , يعني نجي بليمين , يجوا بليسار والعكس هو الصحيح
انا امي بعد مرات تعصب علي من غير سبب
بس بقيت كله بارده , بنظره لها نظره ببرووووووووووووووووووووووود ولا كأنها معي , وربي بقيت ما بشعر باي شيء تقوله لي ,
يلا الله يهديهم ويصبرنا نحنا ان شاءالله
والله يعينج حبيبتي تري مب وحدج !


__________________________________________________ __________

مو بس انتي انا امي مثلك بضبط اختها تمدح بناتها حنا تحطمنا صارو خوالي مايحترمونا بس جد امج شكاكه الله يشفيها