عنوان الموضوع : عانيت..وبدي منكن تسمعن قصتي الطبيب يجيب
مقدم من طرف منتديات نساء الجزائر

عانيت..وبدي منكن تسمعن قصتي



السلام عليكم ورحمة الله وبركاته
كل عام وانتن بالف خير
بدي احكيلكن قصتي وحابة تسمعني لاني بجد عانيت
انا طالبة توجيهي خلصت امتحانات قبل اسبوع والنتائج بعد اسبوعين
انا مستواي متوسط بالمدرسة
الحمد لله الله اكرم علي ولأول مرة بحياتي بجيبها الاولى على صفي
الكل استغرب
الكل كان يحكي والله فلانة مش قليلة وجابتها الاولى
ونيالك علاماتك عالية وو
عانيت من العين
كنت اسمع عن المعاناه من العين والحسد في المنتدى بس بجد ما حدا بيعرف هالشعور الا المجرب
وان شاء الله ما حدا بيجربها
وقسما بربي كنت في عذاب عانيت كنت دائما اروح عند ناس يقرو علي باليوم الواحد اروح عند اثنين وثلاثة يقروو عليي
بس على الفاضي
كنت اعاني من الم في المفاصل
انا من النوع الي بيمشي وهوة بيدرس
كنت احس بوجع بكفي وباجري وما اعرف امشي وما اعرف ادرس وكنت لما اشوف الكتاب اعيييييييييييييط ما بدي اياه واعيط من قهري علي صاير معي
بس كنت اكابر
لاني بدي اوصل لهدفي واتمسكت بهالاشي بعد حرب غزة
انا من فلسطين
والصحافة حلمي بجد
عملت المستحيل والحمد لله الله استجاب لدعوتي وكان معي... بس هذي العلامة الي جبتها مش محسوبة عنا بفلسطين
يعني بتقدمي الامتحانات بالفصلين
واخر السنة بنقدم امتحان بالفصلين
وللأسف الي مش محسوب هوة الي زبطت فيه
اما امتحانات الوزارة حسيت حالي ما زبطت
ابوي ما بدو اياني ادرس صحافة <<ما بدو اياني ادخل بالسياسة
بس لو انتن بتأيدن رأيه
فانا ردي الكن انه كل مهنة والها خطورتها
وانا نفسي الله يمن علي واموت شهيدة
في احلى من انه اموت فدا وطني !!
والله شعبي يعاني وكلنا بنعاني من الاحتلال والفقر والظلم
وانا بشوف هذا وكيف ما بدي اسوي اشي!!|
الممهم
انا العين طولت معي الكل كان يستغرب ليش ما بتروح
الي بيقرين علي وانا بقرا على حالي بس ع الفاضي
كانت احيانا تروح وترد ترجع
والله تعبت
اهلي كرهوني على قد ما عملت مشاكل
والله كرهوني
انا كنت احتقر حالي على الي سويته فيهم
كيف همه!!!
بس والله مش بايدي
بعدت عن ربي
كنت لما اصلي اضلي اتثاوب
ما يجي على بالي اقرأ قران
وعلامات اصابتي بالعين كانت كثيررة وهذا مش موضوعنا
انا بدي منكن دعوة
الله يخليكن ادعيلي انه الله يرزقني معدل بالتسعين
ان شاء الله الله يعوضني خير على صبري وعلي مريت فيه
انا من بين الهدايا الي رح اوخذهن اذا جبت معدل بالتسعين اني اروح عمرة
واول دعوة رح ادعيها لما اشوف الكعبة لأنها دعوة لا يردها الله اني اموت شهيده
وثاني دعوة رح ادعي الكن ولكل واحد دعالي بالنجاح رح ادعي الله يفرج عن كل واحد دعالي ونلتقي معا في الجنة باذن الله
بطمع منكن بدعوة يمكن ابواب السما تكون مفتوحة وهذي دعوة لا يردها الله واحنا بالشهر الفضيل
دعوة صادقة يا خواتي
قال رسُول اللَّه صَلّى اللهُ عَلَيْهِ وسَلَّم : (دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم
امانة لا تواخوني طولت عليكن

>>>>> ردود الأعضـــــــــــــــــــاء على الموضوع <<<<<
==================================


الله يوفقك ان شالله ويبعد عنك كل عين حسود بس حبيبتي هذي نصيحة مني لا تقولي لأحد ابدا علامتك او اي شي يخص دراستك ولو سألوكي قولي مانزلت او ما اعرف .. يعني بس امك وابوكي يعرفو حتى اخوانك لاتقوليلهم p= لأنهم ممكن بالغلط يقولو لهم !!. المهم حبيبتي الله ينجحك يارب ويحققلك كل اللي تتمنيه ويفرج همك ويبعد عنك العين

تقبلي مروري حبيبتي ...


__________________________________________________ __________

ازيك حبيبتي هدفك نبيل جدا انك تحبي بلدك اوي انا جربت الحسد انا كنت شاطرة جدا كانوا بيسموني الالفة علشان كنت علطول بطلع الاولي لكن انا ماكنتش بخاف اوي من الحسد زيك اول ما يبتدي يحسد اقرء سورة الفلق 3مرات وبس ومخافش اذا استعنتي بالله تخافي لا طبعا ثانيا ليه قصرتي في صلاتك كده وفي قراءة القرءان خليكي قوية استعيني بالله مهمتك مش سهلة يا ست الصحفية ان شاء الله خليكي مع تقوي الله علشان يرشدك ويعينك وربنا يكرمك ياقمر


__________________________________________________ __________

أنا كمان من فلسطين
المشكلة في بلدنا إنه نتيجة الثانوية العامة ما حد بقدر يخبيها
يعني كل الأقارب بيعرفوا الدرجة إدا مو منك من طرق ثانية
بس يا عيني
أنا بأيد والدك إنه مجال الصحافة مو مرغوب عنا بالنسبة للبنات
لأنه خطر جدا بتعرفي وقت الحرب والأحداث كله ركض وجراي
وما أعتقد إنك كأنثى حتقدري على الشي هدا كله
لكن في تخصص عنا اسمه لغة عربية صحافة وإعلام
أنت ممكن تدرسي بعده دبلوم تربية
وهيك بتكسبيها يعني ممكن تصيري معلمة لغة عربية وممكن تحققي أمنيتك وتكوني صحفية


__________________________________________________ __________

يارب يشفيك من كل مرض او حسد أو هم أو غم
ويرقك النسبة العالية
ويحفظك من عيون الناس ....

غاليتي من شروط الشفاء بالرقية التيقن بالشفاء
يعني ماتقولي مافيه فايدة وكذا
قولي راح يشفيني ربي بأياته عاجلاً أو أجلا
وخليك مع الرقية والأوراد في الصباح والمساء

واقولك أنا من السعودية لكن بجد نحب فلسطين وأهلها الله يحررها من العدو ويحفظ أهلها

ولك دعوات مني في ظهر الغيب


__________________________________________________ __________

الله يشفيك وينولك اللي ببالك
يارب تجيبي النسبه اللي تبينها تأهلك
الله ينصركم يارب