عنوان الموضوع : ما أصلي , حتى في رمضان!!!!!!!! -تم الاجابة
مقدم من طرف منتديات نساء الجزائر

ما أصلي , حتى في رمضان!!!!!!!!




السلام عليكم
بنات اناا انسانة في حياتي ما صليت أكثر من 3 أسابيع !
يعني أطول مدة صليت فيها متواصل (مع تأخير للصلوات بعد) هي 3 أسابيع او أقل!!

وربي اني أحب ديني

- دايم يوم تكون عندي مشكلة وابي اصيح ما الجأ إلا لله, أناجيه وأصيح ثم أحس براااحه ..
- أتصدق حتى لو كنت محتاجة للفلوس
- ما كنت أسمع أغاني (قبل سنتين خربوني ناس وتركتهم ووقفت أغاني بس ماكنت أصلي أصلا في ذاك الوقت)
- في حياتي ما تلفظت بألفاظ بذيئة
- ما أحش في خلق الله أبداً

لكن الحين رجعت أسمع اغاني + ما أتصدق ولا أسوي شيء
ليه؟ لاني أقول دامني ما أصلي خلاص مب محسوب لي أي شيء من اللي اسويه !
فليه ما اسويه دامه مب محسوب ؟

الصلاة بالنسبة لي ثقيييييييييييييييييييييييييييييييييييييييييييييييي ييييييييييلة
أثقل من كل شيء تتخيلونه بالحياة ويوم أخلصها اقول ما بغيت اخلص استغفرالله

امنيتي في الحياة تدرون وش هي ؟
هي اني احافظ على الصلاة واخشع فيها + أكون داعية لله وقدوة للناس!!
هذي امنيتي الكبرى والله العظيم اني اتمنى هذا الشيء من كللل قلبي اكثر من اي شيء ثاني
وأهم عندي من كل الأمنيات اللي أتمناها تحصل في الدنيا

والحين وصلت فيني المواصيل اني ما اصلي في رمضاااان !!!!!!!!!!!!!!
تخيييييلوا اني اصوم بدون ما اصلي!!!!!!!!!!!!!!!!!!!!!!!
ادري انه ما ينحسب صيامي حتى وصلت فيني اني افكر افطر !!!!!!!!!!!
بس ضميري يأنبني ! انا مصدومة ورب الكعبة من نفسي انا ليه كذا !؟؟؟؟؟؟؟؟
ماكنت كذا والله !!!


ارجوكم وش الحل انا تعبت ورب الكعبة أبي أصلي
حاولت اخوّف نفسي واقرا كلام عن عقوبة تارك الصلاة وشفت مقاطع
وماااااااافي فااايدة ما أثر فيني شيء أو حتى لو أثر اصلي يوم يومين وأقطعها
ودعيت الله ودايم ادعيه انه يساعدني أحافظ على صلاتي حتى في الحرم يوم رحت مكة دعيييت من قلبي وكانت هذي اكثر دعوة ادعيها لله ..
وأسأل من الله الاستجابة

تبت أكثر من مرة ورجعت , وعدت الله أكثر من مرة إني ما أترك الصلاة أبداً وأخلفت الوعد استغفر الله

حياتي خربانة بدون صلاة احس حياتي مالها قيمة وش الحلل تكفووون أبي أتوب قبل مايخلص رمضاااان!! ويا ريت محد يسبني انا احاول اتوب بس ابي الحل منكم وجزاكم الله خير

>>>>> ردود الأعضـــــــــــــــــــاء على الموضوع <<<<<
==================================


أرقي نفسك بالقرآن ..
يمكن عندج مس أو قرين أو شي من هالقبيل ..
الله أعلم ..
بس حافظي ع الاذكار والرقيةة الشرعيةة ,
لأني بجد أحس فيج خير كبير
بس في سبب مجهول يمنعج من هالخير ..


الله يهديج ويصلحج ويجعلج من داعيات الامة الاسلاميةة
قولي آمين ..



__________________________________________________ __________

إقعدي مع نفسك
اغلب المشاكل في حياتنا تجي من عدم التفكر !
فكري مع نفسك .. وش فايدة حيااتك اذا ماصليتي ؟
ولا شيء .. لا أهل ولا صديقات ولا شي راح يدوم
كل شي بلحظظة ممكن ينتهي ! وش بيبقى لك ؟ محد !
راحت حياتك هباءاً منثورا .. عشانك بس ماصليتي !
الحين رمضان فرصتك لتجديد حياتك كلها ..
تخيلي ان الناس كلها تعتق من النيران الا انتي ؟ اعوذ بالله ماتقدرين تتخيلين صح ودك انك معهم ..
صلي واغصبي نفسك ! اقنعي نفسك ان الصلاة خفيفه لاتقولين بنفسك ثقيله ومتكاسله خلاص بعدين اصليها ! لأ .. اقطعي هالتفكير وصلي بخشوع .. وبعد الصلاة اقنعي نفسك انها خفيفه ولاتعبتي ولا أخذت منك شي وغير كذا إرتحتي واخذتي اجر وصيامك ان شاءالله مقبول !
ادعي وانتي تصلين اللهم اجعلنا من المصلين القانتين
كل ماتركتي صلاه .. اجلسي مع نفسك ولحالك بهدوء وأنبي نفسك واستشعري الندم الي يخنق قلبك عشان كل ماتتهاونين تتذكرين هالإحساس المر

الله يوفقك


__________________________________________________ __________

شوفي حبيبتي انتي فيك خير
وانتي اكيد تعرفي انه الصاه عمود الدين
واول شي يحاسب عليه العبد دايم خليك على وضوء
واول ماياذن تعوذي من الشيطان حاولي استمري
وانذري حياتك كلها لله
وبعدين انتي احمدي ربك لانه انتي بك ضمير
والله اذا يحب عبد جعله واعظ من نفسه
يفرح لحسنه سواها ويندم على سيئه
استعيني بالله تعوذي من الشيطان لمن تجيك الوساوس هذي
الله يساعدك


__________________________________________________ __________

المشاركة الأصلية كتبت بواسطة الـؤعـد بكـرهـ
أرقي نفسك بالقرآن ..
يمكن عندج مس أو قرين أو شي من هالقبيل ..
الله أعلم ..
بس حافظي ع الاذكار والرقيةة الشرعيةة ,
لأني بجد أحس فيج خير كبير
بس في سبب مجهول يمنعج من هالخير ..


الله يهديج ويصلحج ويجعلج من داعيات الامة الاسلاميةة
قولي آمين ..

احتمال وارد وازيد على كلام اختي اقرأي كل يوم سورة البقره

وشوفي مقاطع لخالد الراشد عقوبه تارك الصلاة وسماع الاغاني رائـــع

والله يااختي انتي ما تدرين متى تموتين فسسارعي بالتوبــه وجااهدي نفسك

اسأل الله ان يهديك ويصلحك


__________________________________________________ __________

حبيبتي انتي فيك خير
ع الاقل غيرك مايصلون وعادي عندهم

والله لو فكرتي فيها الصلاة مو ثقيله ابدا
لو حسبنا ان الصلاة الوحدة بتاخذين فيها 10 دقايق (وهذا كثير)
10*5= 50 دقيقة

يعني اقل من ساعة من 24 ساعة في اليوم!!
ما بتخلين هالساعة الوحدة ع الاقل لربك ؟

الله يهديك ويكون في عونك