عنوان الموضوع : كيف اتصرف مع ناس اغلطوا علي
مقدم من طرف منتديات نساء الجزائر

كيف اتصرف مع ناس اغلطوا علي



السلام عليكم


اخواتي انا متزوجه وعندي اطفال ولله الحمد وساكنه مع اهل زوجي

زوجي اجنبي وانا مواطنه فانا الحمدلله راتبي اقوى واعلى لكن مستوى اهل زوجي اقل

لكن انا ولله الحمد ماعرف التكبر والغرور ومتواضعه

الموضوع ومافيه اني رحت السوق مع خوات زوجي الصغار بس متزوجات وشريت من محل كم دراعه للخدامه عشان رمضان

ولما رجعنا البيت رحت انا فوق لغرفتي وعطيت الخدامه ملابسها فقامت الام زوجي نادت الخدامه وقالت ابي اشوف شنو شرت لج المدام

واكتشفت انا وحده من الدراعات نفس دراعه بنتها الي شارتها من نفس السوق

وللعلم بالسوق كل واحد مشى بطريقه يعني انه ماشفت شنو اشتروا

فقامت الاخت الكبيرة المتزوجه تصارخ وبالصدفه نزلت وسمعتها تتكلم عن هالشي

انا ماحبيت اتدخل فقلت لريلي انزل شوف الموضوع وفهمهم شنو الي صار

المهم نزل ريلي واشوف الكلام بدا يكثر فنزلت وللاسف كنت ابكي ماكنت ابي ابين ضعفي ورحت للخدامه وجريت الملابس منها ورحت لاخت ريلي قلت لها ترا هالملابس ماتوسا عندي شي واحلف بالله الخدامه ماراح تلبسهم

ورحت فوق ويات ام زوجي وبنتها الصغيره تعذر مني وتبوس راسي

وعقب كم ساعه يات الكبيره تعتذر مني


الحين انا عقب الي صار للحين بقلبي شي

ماابي اشوفهم صراحه ولاابي احتك معاهم لكن انا موساكنه بروحي وصعب جدا اقعد بغرفتي طول الوقت

ترا مب اول مرة تصير مشاكل لكن كل مره مااوجهه اتم ساكته الا هالمره لان اسءوا الظن فيني وانا ساكنه معاهم من5سنين

القهر اني ماقصرت معاهم حتى وحده منهم سويت لها عشا بمناسبه نجاحها ولابين في عينها

والله ترقيت ولاسمعت حتى مبروك منهم مدري هم فيهم غيره مني ولاشنو سالفتهم

ورمضان جاي ولاودي اخذ اثم بسببتهم


بشنو تنصحوني

>>>>> ردود الأعضـــــــــــــــــــاء على الموضوع <<<<<
==================================


تحسبي في وجيهم وقولي انا مب مسامحتكم لا دنيا ولا اخرة الله يحق قلوبكم مثل ما جرحتوني وغلطتوا علي ..


__________________________________________________ __________

حبيبتي سوء تفاهم يصير بكل العوائل وترا يااختي اغلب العائلات كذا مع زوجات عيالهم
بصراحه انا كنت كذا اتصيد لزوجة اخوي مو اكرها بس كنت احس كل شي تسويه تقصدني فيه
صح هي عليها حركات بس الفرق اول ماكنت اتقبل الحين صرت اتفهمها واعذرها بكل شي
والي يشوفنا الحين اكثر من الخوات الكل مستغرب كيف انا وهيا صرنا كذا الله لايغير علينا ويسعدها
يعني لا تحطي عقلك بعقلهم سوي كأنو مافي شي صار واذا صار هالموقف مره ثانيه ببساطه خذي
الدراعه وقوليلها ماكان قصدي وتصير كثير بس ولاتزعلي ذي الدراعه برجعها

وحابه انبهك بشي يمكن مانتبهتيله لما سحبتي الملابس من يد الشغاله كسرتي بخاطرها
لأنها كانت اكيد فرحانه فيهم اذا رحتي السوق جيبيلها بدالهم


__________________________________________________ __________

المسامح كريم .. انسي هل شي وافتحي صفخة جديده
وسامحيييهم وخلاص هم ان شااااء الله تابو واعرفو الغلط من الصح ..
وعرفو غلطهم وان شاء الله ما راح يعيدونها وبينتبهون اكثر

الناس تتعلم من اخطائها اختي .. كل ما تصير مشاكل واخطاء انا عن
نفسي اتعلم منها واشوف الغلط .. علشان ما اعيده مره ثانيه
وان الله مع الصابرين .. اللهم اجعل كل ماحصل وسوف يحصل ويحصل الان
خيرا لي ولان فـ الدنيا و الاخره ..


__________________________________________________ __________

خلاص جاوا واعتذروا سامحيهم وخلي عنك الحقد رمضان راح شيء افتحي صفحة معهم وانسي


__________________________________________________ __________

اسفة غلطت بكلام اقصد رمضان جاي على الابواب سامحيهم واذا تكرر دافعي عن نفسك لاتسكتي
بس من غير ماتتجاوزي