عنوان الموضوع : استمر ام اتطلق محتاجة مشورتكم الطبيب يجيب
مقدم من طرف منتديات نساء الجزائر

استمر ام اتطلق محتاجة مشورتكم



السلام عليكم اتمنى من اصحاب العقول الحكيمة نصيحتي ومساعدتي الله يجزيكم خير
يابنات انا ضاقت فيني الدنيا و امحتاجتكم وياي لا تتخلون عني اعتبروني بنتكم او اختكم وانصحوني بالحل المناسب

انا يتيمة الاب اعيش في بلاد الغربة مع امي و زوجها واخواني تقدم لخطبتي شاب عمره عشرين وحالته المادية ضعيفة المهم قلت الحمل لله بستقل و برتاح من تسلط امي ومشاكلي معاها توكلت على الله وتزوجت بعدها بينت عيوب زوجي اول شي انا عايشة فغرفة اطبخ فيها واغسل فيها وانشر فيها واسوي فيها كل شي لان اهله ما يبوني اندمج معهم يكرهوني المهم قلت ماعلي منهم اهم شي الرجل تيخليو يا بنات ابوه اهو الي يسحب راتبه ويقوله اذا بغيت شي بعطيك وكل ما ابي شي انتظر لين ما يجيب من ابوه وزوجي بخيل والله العظيم يروح الخضار يشتري له فاكهة وحده ويقول لي ما ابي اضيع فلوسي و ما عنده احساس بالمسؤولية عمري ما طلبت منه شي وسواه ولا يعطيني مصروف مرة طلبت منه مصروف قال لي انا ما اروح اكرف عشان اعطيك .
واعترف لي انه قبل الزواج كان يروح لفنادق حق يفسد مرة لقيت فلابتوبه كلام وصخ بينه وبين واحد ومن ضمن البنات كاتب تعال ........... فالسيارة وقال لي مو انا لي واحد من الاهل كان يسوي مقلب فواحد ثاني وصدقته . مرة نزوله الشغل مكافئة كنا متفقين نشتري فيها اغراض ناقصتنا بس اهو خسرها ولا قال لي انهم عطوه الهم شي واكره شي انه كذاب لدرجة غريبة حتى على الاشياء الي ما تستاهل يكذب ويضربني وايد اول مرة نزل حملي من الضرب ويهددني اذا قلت حق احد من اهلي بيرجعني ديرتي وبضيع حياتي كلها لاني مالي احد هناك اهو حقير ادرجة غريبة وهمجي و قبيح شكليا ولا عمره راح شرى عطر ولا بنطلون ولا شي حق نفسه كل يهايت فالشوارع مع الصبيان وانطبعا كلمته و وخليت اهلي يكلمونه اهله ما لهم كبير و خواته كلهم مطلقات وامه كلمتها قالت لي اذا مو عاجبك تطلقي منه وسويت معاه المستحيل بس ما تغير فيه شي و ودي اطلق لكن الطامة الكبرى انا حامل وبيتنا ما بيقبلوني بحملي وين اروح وشلون اعيش ومن يصرف علي وانا ادرس فالجامعة اهو قال اذا تبين اطلقك ردي لي كل فلوس الي خسرت عليك والمهر وتنازلي عن كل شي

خواتي فالله انصحوني ساعدوني مالي غيركم بعد رب العالمين

>>>>> ردود الأعضـــــــــــــــــــاء على الموضوع <<<<<
==================================


حسبي الله ونعم الوكيل
لا انتي مرتاحه بعيشتك مع امك ولا توفقتي بزواجك

عليك بالدعاء يالغالية ادعي واستغفري ادعي ان الله يسخر لك زوجك
الله يجبر بخاطرك ويشرح صدرك
انتي قبل مع امك ماكنتي مرتاحه وانتي بنت كيف الحين وانتي مطلقة وحامل
وبرضو الحين اهل زوجك متسلطين والطلاق والله ماشوفه حل لانك ماراح تستفدين شيء
المفروض قبل الزواج استخرتي اكثر من مره ومن المفروض انك ماوافقتي لكن النصيب
اتمنى يساعدونك البنات
ربي يفتحها عليك ويجبر بخاطرك ويهدي لك زوجك ويحنن قلبه عليك


__________________________________________________ __________

والله حل اصعب من حل لو تطلقتي بترجعين امك والمشاكل وزوجها كل يوم مشكله وولدك بيعيش حياة عداب انا رايي تصبرين مع زوجك هو ارحم من غيره ممكن لما يشوف دناه يحن عليك ويتغير وادعي انه الله يهديه وتحملي عشان ابنك.لا يضيع زيك ويتيتم وابوه على قيد.الحياة استحنلي الين الله يفرجها الفقر والبخل والضرب والاهانة الله يفرج همك حبيبتي اللهم امييييييين


__________________________________________________ __________

ربي يفتحها عليك ويجبر بخاطرك ويهدي لك زوجك ويحنن قلبه عليك


__________________________________________________ __________

المفروض حبيبتي من اول ماسقط حملج الاول من الضرب تركتيه

ومشكلته بخيل

الله يهديه لج


__________________________________________________ __________

الحين صعبه لا تطلقتي وين بتروحين

انتي حاليــا اصصبري وادعي آخر الليل واسستغفري كثير لين ما الله يفرجها

اذا خلصتي دراســـه وتوظفتي ان شاء الله ممكن تتطلقين منه اذا ما حدث تغيير وان شاء الله بعد الله ما تحتاجين احد

الله يفرج همك يارب وييسر لك