عنوان الموضوع : اصارحه ولا اسكت تكفون فزعتكم مجابة
مقدم من طرف منتديات نساء الجزائر

اصارحه ولا اسكت تكفون فزعتكم



خواتي تكفون ابي منكم حل والله تعبانه ومالي غيركم بعد الله
في البدايه انا بنت عمري 23 جامعيه جميله الحمدلله
بس من ولادتي اصيبت رجلي اليسرى بالخلع الولادي وسببت لي عرج العرج مو باين بس القصر
برجلي هو اللي باين وفيه اختلاف بين الرجلين
وطبعا اهلي اهملوني الله يسامحهم
وكبرت ووصلت لهذا العمر واشوف ناس كثير تتقدم لي طبعا من كلام الحريم وانوه فلانه حلوه ماشاءالله ومن هالكلام طبعا الكل يشوف مظهري سوى بالجامعه او بالزواجات حلوه
بس الحياة الزوجيه غير واذا تقدم لي أي شخص احس بالغصه واذا تفركش الموضوع ارتاح وطبيعتي حساسيه كثييييير وماحب احد يجرحني لان بعائلتنا مافيه نظره شرعيه مجرد الام تشوف البنت وتخطبها لولدها بس حرام اظلم ولد الناس معاي ولا اقدر افاتح اهل الخطاب بموضوعي واخاف من ردة الفعل وانهم يرفضوني

((بس المشكله الاساسيه واللي خلتني ادخل المنتدى واكتبهاا ))
انوه انا قبل اسبوع دخلت موقع للزواج كنت بس بشوف مواصفات الاشخاص وانه فعلا فيه ناس جاده ولا الكل يلعب
المهم كتبت صفاتي بس ماكتبت العيب اللي فيني لان هالموضوع يسبب لي احباااااااط
المهم تكلم معاي شخص والصراحه ارتحت له لان واضح من كلامه انسان جدي
المهم قالي مواصفاته وانو زوجته متوفيه ومعاه بنت وولد صغار والبنت دوبها بتدخل الروضه
انا حبيت حياته وحبيت اطفاله وحبيت صراحته قبل أي شيء
هو ملتزم وفيه الصفات اللي كل بنت تتمناها
المهم اظافني عالواتس واسلوبه معاي جدي كثير مايحب يلف ويدور ابدآآ
وشفت صورته وهناا الصراحه تعلقت فيه
وصور اطفاله وكل شيء عن حياته
ي بنات انا تعلقت فيه على انوه ماقالي أي كلمة غزل او شيء
بس على لسانه متي تبين اتقدم لك لانه بمدينه غير عن مدينتي
الطامه الكبرى شلون بقوله عن العيب اللي فيني مو عارفه اواجهه خايفه اذا درى عني يتركني
وبنفس الوقت مابي انزل نفسي عنده ويرخصني هو ماشاءالله شخص ثقه ومركزه حلو
واحسه مستعجل عالزواج ومتعلق فيني ودائم على لسانه اللي يجمعني فيك
وانا فيني العبره والدنيا ضايقه فيني وانا بفترت اختبارات واحسني مشوشه

ابي حل تكفون اصارحه بالخلع ولا اخليه ولا ايش اسوي

>>>>> ردود الأعضـــــــــــــــــــاء على الموضوع <<<<<
==================================


في رأيي ما احسن من الصراحة لانو ارمل وعنده اطفال ممكن لما تقبلي بوضعو هو كذلك يقبل بوضعك اعرف كثيير عندهم اعاقة ومتزوجين ومرتاحين الله يوفقك حبيبتي


__________________________________________________ __________

اصلا حالتك ماتعتبرإعاقه ابدا قريبتي عندهاخلع في رجولهاالثنتين وماشاالله متزوجه وعندهاعيال ولاضرهاالخلع ابدا وهوباين عليعاالعرج بس ربك الرازق الله يوفقك لخيري الدنيا والآخرة


__________________________________________________ __________

صارحيه‏*‏‏*هذا زواج مو لعب واحتمال كبير يتزوجج ليش لا بس انتي صارحيه لاتبنين حياتج ع كذبة


__________________________________________________ __________

فيه فرق بين الاعاقه والخلع والحمدلله اانا اللي معاي اهون يعني خلع فقط
يعني تتوقعون يتقبل وضعي ولالا ؟؟


__________________________________________________ __________

فيه بعض الرجال يتقبلون ليش تايسو من رحمه الله صدقووني ماتاخذي الا القسمه اللي ربي كتبها لك
قايمه وقاعده قولي الحمدلله يابنت فيه ناس كثير يتمنون يمشو الارض ويحسو بالحياه انتي عندك خلع بسيط او اعاقه شايله هم الرجال خليك واثقه بنفسك قولي هذا نصيبي وانا راضيه فيه وبي اقتناع وكلي امرك لله وصدقيني ربي مطلع علي مافي القلوب