عنوان الموضوع : مريضة نفسيا<<هل انا كذلك؟؟
مقدم من طرف منتديات نساء الجزائر

مريضة نفسيا<<هل انا كذلك؟؟



السلام عليكم
ابي ابدا بمشكلتي على طول..
انا بنت بثاني ثانوي
مشكلتي هي امي واخواني
لما كنت بالابتدائي كان اخوي الكبير ما يناديني الا مريضه نفسيا
وصارو اخواني الصغار وامي كذا بعد صرت مريضه نفسيا
حتى لما اروح بيت خوالي كانو ينادوني بهالاسم مريضه نفسيا كنت اتفشل واستحي منهم ويلا احاول اكتم دموعي ولما اجلس العب من بنات خالتي يجون اخواتي يقولون لهم ترا هذي مريضه نفسيا وبنات خالتي يضحكون علي كنت اقوم واروح ابكي بروحي ليه انا مريضه شسويت عشان اصير مريضه؟؟
والله اني كنت هاديه وشاطره حتى بالمدرسه المعلمه لما تقولي خطك حلوو كنت يلا اكتم دموعي صرت ماافرق بين المدح والسب
خالاتي نفس الشئ ينادوني مريضا نفسيا عشان كذا اللحين صرت اكرههم واكره بناتهم كره اعمى
ولما صرت بالمتوسط بالمدرسه البنات ينادوني فلانه تعالي اجلسي معنا تعالي افطري معنا كنت اقول لا لا ما ابي
كنت اجلس الحالي ما عندي صديقات كنت اخاف يقولون عني مريضه نفسيا
اخاف اتكلم معاهم اخاف اتفشل وياخذون عني فكره مو زينه
مرت الايام وهذي حالتي اروح بيت اعمامي واجلس بالزاويه الحالي حتى السلام اسلم وانا قلبي يدق بقوه
والعشاء ما ادخل على العشاء اخاف يشوفون علي شئ مو زين وياخذون عني فكره
فيوم من الايام جت بنت عمتي عندي يوم كنت ببيت اعمامي فلانه تعالي معاي انا والبنات جالسين ناكل آيس كريم تعالي حنا عازمينك خفت وقلت لا لا ما ابي ما اشتهي
والاسبوع اللي بعدها جت عندي عمتي فلانه ليش ما تقعدين مع البنات هم قالو لك لا تجين معنا قلت لا ما قالو شئ قالت اجل ليش بكل خميس جالسه بنفس الزاويه والحالك وما تتكلمين مع احد روحي اجلسي مع البنات اللي كبرك واذا ما رضو تعالي وقولي لي يا ويلهم مني قلت لا انا احب اجلس بالحالي ما ابي احد معي قالت طيب ليش مو زين كذا جلست ابكي غصبن عني جلست عمتي تهديني لين ما اسكت
بس بعدي انا ما تغيرت يوم صرت بثالث متوسط بصراحه طحت بحب بنت عندنا بالمدرسه هي كانت بالثانوي كنت دائما اجلس معها وتسولف معي اكثر وقتي ساكته وما اتكلم بس هي اللي تتكلم بعدين جتني وقالت شوفي يافلانه ترا انا مليت منك بصراحه ما تتكلمين بس ساكته وانا كاني مجنونه اكلم روحي خلاص من اليوم لا تكلميني
وتركتها وتركتني
وهالشئ خلاني اكره نفسي اكثر
دخلت الثانوي صرت اتكلم مع البنات بس بسطحية اتعامل معهم بحذر شديد
حتى المشاركه بالفصل ما كنت اشارك اخاف ياخذون عني فكره اني مريضه
والى يومكم هذا وينادوني مربضه نفسيا حتى امي تشجع اخواني وماتنهاههم لين صدق صرت اشوف نفسي مريضه نفسيا اخاف من اردى واتفهه الاشياء
وامي دائما تدعي علي وتقول لاخواني واختي الصغيره ترا فلانه تكرهكم وما تبيكم
وربي تعبت تعبت مو قادره اتحمل

سامحوني ع الاطاله واعتبروها فضفضه كثر ما هي مشكله
وشكرا

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة الا بالله
كيف اهلك يعاملوك كذا ويقولك مريضه حسيت من كلامك انك طبيعيه جدا لازم تقولي لامك واخوانك اتقوا الله فيني انا بنتكم ما المفروض تعقدوني كذا
ونا اقولك تفكيرك بأنك مريضه هذا هو اللي بتعبك كثير اول شي لازم تسويه انك تعرفي انك طبيعه وما فيكي الا العافيه ولازم تتكلمي وتختلطي بالناس لا تجلسي وحيده الوحده مو زينه
احتسبي الاجر عند الله هذا ابتلاء يا اختي واسأل الله ان يعوضك خير
ادعي صلي في الليل في الثلث الاخير وادعي الله وربي مجيب الدعاء


__________________________________________________ __________

ايش السبب بالبدايه الي خلاهم ينادوكي مريضه
بعدين هل رحتي للدكتور
تسلحي دائما بالايمان والعباده فهي نجاتك الوحيدة
لا اله الا الله


__________________________________________________ __________

حبيتي مبين من كلامك انو انتي انسانه طبيعيه وماعليك من اهلك يظنون ان هذا مزح وما عرفوا انه عقدك ... وانتي ياقلبي الحيين ماااا عليك ابدي صفحه جديده اذ سمعتي امك تقول كذا كأنك ما تسمعي عادي وكوني صداقات بالفصل من بنات تحسيهم عاقلات ووسولفي وعادي حتى مع بنات عمتك وكذا خليك طبيعيه وسولفي ولا تخافي واستغفرري وادعي الله يفكك من هالعقده << وحاولي تختلطي بالناس انا ماراح اقولك على طول لا حاولي شوي شوي خطوه خطوه اليين تتعودي ان شاء الله ويصير هالشي عادي
سووري طولت اتمنى تردي


__________________________________________________ __________

لا حول و لا قوة الا بالله خلي ثقتك بنفسك قوية و لا تجلسين وحدك حاولي تخالطي ناس عيشي حياتك طبيعية يعني لنت مقتنعة انك مريضة نفسيالا وقوليها لنفسك انا ماني مريضة انا بنت عادية و حاولي انك لما يقولون لك انك مريضة ما تعيريهم اهتمام زايد ضحكي و عيشي حياتك عاااادي و الله يحفضك حبيبتي


__________________________________________________ __________

حبيبتي انتي مافيك الا العافيه

انتي معقده عمرك ليه هاذي شي عادي

حنا من يوم حنا صغار والعائله تعير فينا خخخ
ام السعابيل جت ام السعابيل راحت
المفهيه ....الخ وتطول القائمه
عيشي حياتك تعرفي على صديقات صالحات
بعدين العيره شي عادي فلا تتعقدين حبيبتي كلنا مرينا فيها ومشينا

ولا تقولين مايحبوني وبيعيروني سولفي مع بنات عمتك اجلسي معهم

الله يوفقك واتمنى تغيرين فكرة انك مريضه نفسيا؟؟