عنوان الموضوع : أقولهم حرام ويقولوا لا حلال!! اللي تقدر تفيدني ارجوكم الطبيب يجيب
مقدم من طرف منتديات نساء الجزائر

أقولهم حرام ويقولوا لا حلال!! اللي تقدر تفيدني ارجوكم



السلام عليكم

خواتي الفاضلات بسألكم سؤال ديني يااااريت اللي تفهم بالأمر ودراسه
او تعرف حد يفتي بالأمر تفيدني جزاها الله خير ويحرم وجهها على النار

في شخص بيفتح مكتب توظيف
هالشخص ماعنده رأس مال
فأتفق مع رجل من كبار الشخصيات وهالرجل صديق له ولكنه غني جدا
فاتفق معه انه ياخذ منه مبالغ ماليه كقرض وانه رح يرده لهم بعد فتح المكتب لاحقا
ويربحهم له كمان يعني كأنه يتاجر له في رأس هالمال وبعد فتره اتفقوا عليها ومهله قابله للتمديد يعني مو في وقت محدد لا حسب الشغل والسيوله بالمشروع تسدد
الرجال الغني ماتفرق معاه وحب يساعد خويه


المهم هالرجال المحتاج الفلوس
له اخ له معمل نجاره
يعني يصنعوا خزانات ومكاتب
نجار وله معمل
فقال لأخوه يصنع له في منجرته المكاتب والخزانات والأثاث المكتبي
وانه يطلع له فاتوره بقيمه مبلغ أكبر من المبلغ المطلوب
لاجل يستفيد هو او يستفيد اخوه والله ما اعرف مين بياخذ الزياده من المال

الفكره انه طلب من اخوه يطلع الفاتوره بملغ اكبر ومايطلعها بإسم شركته هو مالت النجاره
حتى مايثير شكوك الممول الغني

انا اريد اعرف حكم الفلوس اللي بياخذها هو او اخوه
شو حكمها!!!
احس انه فلوس حرام
وهو يقول لا مو حرام لو بنسويها بشركه نجاره ثانيه بتكلف تقريبا نفس السعر اللي حطيناه مابتفرق كثير!
وانا افيد اخوي احسن من افيد الغريب
بس ردءا للشكوك انا قلت له طلعها بإسم شركه نجاره ثانيه!

بس يعني هو يقول له لأخوه حطلي سعر المكتب بثمن 8000 ألاف وسعر ما اعرف شو حطه بهالمبلغ
زين لو حقيقه الأمر ليش يقول لأخوه السعر هو !!
ليش ما اخوه يقول له انه السعر بمنجرتي كذا وكذا

واحس استغفال يستغفلوا الممول اقولهم حرام كذا
لأنك تقدر تجيب هالمكتب من منجره ثانيه وتفاصل بالسعر وتجي ارخص!
وانت تريد تربح اخوك على حساب هالإنسان اللي وثق فيك وقالك اي مبلغ تحتاجه للمكتب انا اددفعه جيب الفواتير واي شي انا مستعد له

يعني استغفال

وهالمال مو حرام
وأكل المال الحرام شو عقوبته

وإذا ماكان مال حرام وصح اللي سوه سؤالي مايعتبر هذا غش وخداع!

وهل لو فيما بعد من الأرباح اعطى الممول مبالغ ماليه ترد قيمه الشي اللي تحايل عليه في هل هذي تحسب له توبه يعني هو يقول مو حرام اللي اسويه ولو حرام باكر لا ربي يفتحها علي برد له المبلغ اللي تظني انه حرام وازيد منه
بس الحين انا محتاج اغطي المصاريف
وهو مابيدفع إلا بفواتير!


ارجوكم اريد حد يساعدني ويدور على جواب للفتوى او لو وحده دارسه الأمر وتعرف الحكم تفيدني الله يجزيكم الغير
عن الحكم
والعقوبه
والكفاره
ثلاث اشياء ضروري الله يرحم والديكم
كله إلا اكل مال بالحرام الله لايبلى حد

>>>>> ردود الأعضـــــــــــــــــــاء على الموضوع <<<<<
==================================


حبيبتي اجراكم على افتوى اجراكم على النار شوفي موقع خاص للفتاوى لان الامر معقد يستوجب اجتهاد


__________________________________________________ __________

هذي سرقه

وعض لليد الي انمدت له بالمساعده والمعروف

وهذا انسان غدار وماعنده قيم

اسألي مفتي

عن هذا القرف الاخلاقي

اسفه بالتعبير بس فعلاً كلام يثير الاشمئزاز

شخص يمد له يد العون يستغله بهالشكل المزري

اعوذ بالله من حثالات البشر

والله الي يسوي لي معروف اشيله فوق راسي طول العمر

واخلص له واحبه اكثر من نفسي

مو اتأمر عليه مع الناس من وراه

اخوه ابو منجره الحرامي الثاني ليش ماساعد اخوه

بدل م يمصون هالطيب الغافل

الله يوعيه وينقذه من شرذمة اللصوص هذول

الي ماتستاهل مساعده


__________________________________________________ __________

حسب كلامك ما تحتاج فتوى هذه سرقه واضحه ضوح الشمس ومال حرام وخداع وغش وكله مع بعض خساره الراجل يعمل خير يلاقي شر


__________________________________________________ __________

اسألي مفتي


__________________________________________________ __________

امممم والله الإفتاء مو سهل
انا مابدي افتيك ويفضل مفتي او شيخ يفتيك او وحده عندها علم
بس بوجهة نظري انه غش ولكن مابعرف كيف اوصفلك
يعني هو رح يرجع الفلوس هاي نهايتها صح ؟؟؟
يعني لو زاد بسعر فاتوره المكاتب والأشياء
بالنهايه رح يسددها !!!

بس هو اخذ المال بإستغفال
يعني هو طلب المال لشي معين وصاحب المال وافق على هالشي بس وفقط والدليل انه طلب فواتير منه حتى مايخذ منه زياده عن اموال المحتاجها بالمشروع!؟
صح؟؟
يعني هو بهالطريقه أخذ اموال بطرق غش وصحيح رح يسددها نهايه المطاف بس الحين اخذها بالغش؟؟

مابعرف شو حكم الشرع بالأمر أخاف افتي ولكن هذا مش خلق الإسلام
ومن غشنا فليس منا

ما اعرف هل يعتبر أكل مال حرام بهالطريقه او لا بس اعرف انه هذا يسمى غش

واسألي مشايخ واستفسري والله يهدينا للحق وإذا عرفتي الجواب من شيخ ثقه ياريت تردي وتخبرينا شو طلع الجواب
خلينا نتنور معك

موفقه