عنوان الموضوع : شغالتي وشعري
مقدم من طرف منتديات نساء الجزائر

شغالتي وشعري



بسم الله الرحمن الرحيم

السلام عليكم

اشكرالقائمين على هذا المنتدى ومساعدتكم في وضع الحلول لاصحاب المشاكل

انا امراءه ابلغ من العمر 32سنه من الرياض لدي 4 بنات , تطلقت من زوجي السنه الماضيه لاسباب كثيره منها على سبيل المثال ( الخيانه + البخل + الكبر +3 سنوات وهوعايش لحاله ينام وياكل بغرفه لوحده مايجيني الا اوقات متباعده يخلص ويرجع لغرفته + مزاجي جدا+مايحترم اهلي + شرس مع الاطفال مع العلم انه ماكان كذا بس التغيرات هذي بعد ولاده اصغر بناتي )
قبل كم سنه كنت توني جايبه بنتي الصغيره مالها شهرين قالت شغالتي بسافر وبرجع اندنوسيه وكان عندي شغالتين كلهم نفس الجنسيه قالت بروح وبرجع المهم جهزت اغراضها انا من الحرص رحت لغرفتهن لقيت علبه مليان شعر من جميع الموجودين بالبيت طبعاً خفت مافكهن اخذت العلبه ووزيتها (خبيتها) وجت هي وخذت اغراضها وراحت للمطار انا طبعاً ماعرف الشعر هي اللي ماخذته او الشغاله الثانيه المهم سافرت وانا اقوله ان الوضع موطبيعي ليه جامعه الشعر حقنا حتى من شعره هو خصله كامله هو طبعا شعره ابيض من عمره 11 سنه وانا كان شعري هاي لايت كلها واضحه وبعد فيه شعر من بناتي خصل طويله وباينه مره المهم هو قال لاتوسوسين اذيتينا المهم انا سكت واخذت الشعر لامي وقلت لها خليه عندك المهم امي خافت وطمنتها انو الشغالات مايحبون الشعر ينرمي بالزباله عشان كذا هي جمعته سكتنا وراحت الشغاله وجلست شهرين ورجعت والمشاكل كل مالها تزيد وتزيدوخيانات وقرف وقسوة بالتعامل انا طبعا كان دوامي شفتات وكنت اغلب الوقت برا البيت مافيه الا بناتي الصغار والشغالتين وهو
صرت انا بعد ماهتم لا فيه ولا بالدين ولا بشي جاني تبلد وتعبت نفسياً لو اشوفه نايم مع وحده مايهمني صرت ادخل شاتات واتعرف واسولف واكلم ( وكنت لما اجلس لحالي ابكي واندم بس ارجع المهم راحت شغالتي الثانيه لان زوجها اصر تروح وكان لها عندي 4 سنين ونص المهم انا لسى معورني قلبي من كثر المشاكل المشكله انو احنا متزوجين عن حب ومرينا بمشاكل قبل لايجون هالشغالت وتخطيناها من كثر مانحب بعض
سألت الشغاله قبل لاتروح تكفين اذا هذيك مسويه لنا شي علميني قالت ماعرف وتتبوسم قلت انتي بتروحين وماراح ترجعين لاتخافين من شي علميني وقالت انا ماعرف شي
راحت وكثرت المشاكل بشكل موو طبيعي وانا زدت ببعدي عنه مع اني لارحت لاهلي يوحشني بشكل موطبيعي
لحد ماوصلت معه لطريق مسدود ورحت لاهلي وبعد سنتين تم الطلاق رجعت لبيتي ومعي بناتي ( البيت لي انا ) وهوراح وسكن بشقه بعدها تزوج من البنت اللي كان اصلن يعرفها لاني سبق اني كفشتهم مع بعض
راح بحاله وانا رحت بحالي وكان قبلها يما كنت زعلانه عند اهلي يقول انا كلمت ساحر بسوريا وانه يقول انك انت وزوجتك مسحورين والسحر بكراج البيت انا ماصدقته ولا اهتميت اصلن حسيته نصاب
بعد ماتزوج باربع شهور ارسل رجل لابوي يقول له ان فلان اللي هوطليقي ماتوفق بزواجته وانه يقول حتى بنتك لوتزوجت ماراح تتوفق لانه معمول لهم عمل وانه لويبي يرجعها بتوافقون ابوي طبعاً رفض رفض تام وسكتنا
انا طبعا كنت اعرف شخص وكان مره طيب انتشلني من اللي انا فيه رجعت لديني ولعقلي وتركت كل شي سئ كنت اسويه بفضل الله ثم فضله من صلاه وعبادات وخوف من ربي وعقابه غيرني تغيرتام وكنا ناوين عالزواج لدرجه انو الاهل اهلي واهله كانوعلى علم وخلاص فجاءه انقطع عني بدون سبب ولا خبر ولا شي طبعا هالشي بعد ماعرفت شغالتي بالموضوع من اقل من اسبوعين ( الشغاله للحين عندي ) ماقدر استغني عنها انقطع وقفل جواله ماعاد اعرف عنهولاااااااشي
سكت وقلت خيره من ربي يمكن ربي كاتب لي شي افضل
قبل البارح امي تفتش بدولابها ولقت العلبه اللي فيها الشعر تقول يابنتي يوم فتحتها لقيت الشعر كله معقد عقد غريبه اللي على شكل حزمه وللي شكل ورده واللي شكل فيونكه تقول اشكال كثييير وانا خفت قلت لازم اسال بس انا خايفه اني اكون ظالمتها او شي وخايفه من العقوبه لو كنت ظلمتها فيه بنات معي بالعمل قالوا كلمي الهيئه وانا خفت من المسؤليه لان هذا اتهام بالسحر مو شي عادي وبرضوا مابي هالشغاله تروح احس حياتي بتنهار لوتروح ولا ابي انصدم فيها مع اني من فتره جربت اسمع الرقيه وجلست اصيح صياح بصراخ موطبيعي واتخيل قدام عيوني بيت ام زوجي خالتي المتوفيه مع اني كنت اموت فيها وهي تموت فيني زي بنتها توفت بعد ماجتني شغالتي ب4 شهور بمرض السرطان ماكنا فيها الا العافيه فجاءه مرضت وماتت باقل من 3 شهور
من اروح له استشيره مابي احد من اهلي يعرف بالموضوع لاني خايفه من ابوي ( مايعترف بهالاشياء ) اوضاعي من سيئ لاسوء بيتي كل ماخلص من شي واصلح شي خرب الثاني وكل المشاكل اللي تصير بالكهرباء وبالاجهزة وبالاضاءه تعبت وربي

>>>>> ردود الأعضـــــــــــــــــــاء على الموضوع <<<<<
==================================


حبيبتي اول شي جيبي شيخ يقرأ ع البيت كله ..

ثاني شي لازم تروحي انتي بنفسك عند شيخ او الشيخ الي بيقرأ ع البيت يقرأ عليكِ بحضور احد اخوانك او اي احد يرضى وتثقي فيه

لانه اكييييييييييييد سحر حبيبتي ذي من اعراض السحر .. وبعدين مدري ان الهيئه تسوي شي بهالخصوص

بس اذا تسوي روحي مو ظلم ولاشي .. لانك تبي تتأكدي بس ..


__________________________________________________ __________

نسيت اضيف حاجه ان هالشغاله مررره ملتزمه بالدين دايم اشوفها تصلي وتصوم حتى احيانا يوم اثنين وخميس تصوم
احيانا امر جنب غرفه بناتي القاها تسمع لهم ايه الكرسي قبل ينامون وحفضتها لبناتي
ياعالم انا ماقدر اشك فيها
والمشكله ان روحتها الاخيره لديرتها بعد ماتزوج هو بكم شهر بحجه ان امها تعبانه وسوت مناحه لين راحت لما رجعت بعد شهرين جاتني وقالت لي يامدام ترا بابا جا لبيتنا باندونيسيا هو وزوجته انا انهبلت بس مابينت لها قلت لها ليه؟ قالت عشان يزور ماما يسلم عليها انا انصدمت وسكت
هل هالشي طبيعي ؟؟؟


__________________________________________________ __________

حبيبتي مو طبيعي ابد قلت لكَ انتي مابتخسري شي

انتي جيبي شيخ وكل شي يبين

يمكن مو هي الي مسويه سحر يمكن احد ثاني

جيبي شيخ والحقيقه بتبان


__________________________________________________ __________

اذا انتي تقراء عليك الرقيه وتصاررخي معناته سحر اعرف وحده مثلللك
ويمكن يكون السحر تفرقه بين الزوجين ,,لازم تسوي شيء
الموضوع مابينسكت عليه واهللك لازم تخبريهم عشان يتصرفوا
الله يكووون في عووووونك ,,,


__________________________________________________ __________

انوالله مافهمت شيء الخدامة هي نفسها القديمة انصحك تروحي لشيخ واذا انتي من الرياض كلم الشيخ عادل المقبل وعطية الشعر الشيخ في الهئية ورقمة اخذية من النت

الله يشفيك