عنوان الموضوع : حرب من الشياطين
مقدم من طرف منتديات نساء الجزائر

حرب من الشياطين



السلام عليكم ورحمه الله وبركاته
اذيكم يا رب تكونوا بأحسن حال
طبعا كلكم مستغربين من عنوان الموضوع
االحقيقة اني اكتشفت سر تعاستي انا والكثيرين من المسلمين
اللهم ارحم قلوبا وأجسادًا تتألم ولا تدري ما بها ولا تتكلم

قصتي اني تعرفت بشاب وقتها كان عمري 19 سنة حبيته وحبني
وكان غريب جدا معايا وتصرفاته طايشة
كنت انا اللي بطلب انه يتقدملي وبعد كلام كتير وافق وجه كلم ماما ووافقت
بمجرد جبنا سيرة كتب الكتاب سابني بلا سبب


في هذه الاثناء واحده عملتلي سحر الله يسامحها وبعد 3 شهور فسد وبقي خادم السحر معايا
شيطان غبي متخلف عقليًا يؤمن بالله ولا يريد الإسلام حاولت معاه كتير بلا فائده
وكنت استغرب ازاي رغم التزامي يحصل السحر ويدخل الشيطان لمجرد تركت صلاة عشاء ليوم من سبع سنوات مستمرة علي الصلاة
وفهمت ان الله عز وجل له حكمة في كدا سبحان الله ليعلمني شيئا لا اعلمه .

ولأن الشخص ده حب عمري كله انتظرته وتوجهت الي الله عز وجل بالدعاء والصلاة
في كل اوقات واماكن اجابة الدعاء ادعي وكل ما حزن قلبي ادعي
ادعي برجوعه وكان يتصل بيا من وقت لتاني علشان يقول انه ندمان وبيحبني وبس
وكنت انا دايما اسكت علشان يتصل تاني كنت انتظر رنه منه
وكنت اشوف رؤيات وبشريات كتير وسبحان الله مجيب الدعاء رجعنا لبعض

لما رجعلي اعترفلي بحبه وكان بيصرف بطريقه افضل شوية
وبعد فترة بقا يتقلب ويقول كلام عجيب انا مش ح تجوز حد ابدا
واتصل اعرف انه نايم كتير ومش بياكل يتضايق لو شم ريحه بخور يدوخ لو سمع قرأن
قولتله انت فيك حاجه زعق ورفض يتكلم لكن كل يوم كنت بحس انها موجوده وبتسخر مني

بدئت احاول اعرف ليه مش عايز يتجوزني انا عيبي ايه ؟
كنت فكراه الكلام ده منه طلعت هي عملاله وسواس قهري
فترة يقول شاكك لمراته تخونه ويكون ده عقاب ربنا علي افعاله المشينه
وفترة يقولي تخينه وفترة انتي مش بتلبسي كويس
وفترة اصل اجتماعيًا غير كفئ , وفترة اصلها فقيرة ومكان سكنها علي قد حاله
وفترة يتدخل احد اصدقائه ويهاجمني ويطلع فيا القطط الفاطسة ويحرجني علشان لبسي مش اوي
ويحاول يفهمه اني مش قد المقام يعني .

وبفضل الله بقيت احاول احسن من نفسي وحتي من محل سكني ومنطقتي كمان
وقولتله يكفيني اني اشوفك واسمع صوتك مش مهم الجواز خد راحتك قال ماشي سيبيني براحتي
قولت ماشي
بقيت اتفاجئ هو اللي يفتح سيرة الجواز ويخطط ويفكر
بقيت افرح واسكت واقول يارب تمم لنا بخير
في هذه الأثناء تأكدت انه مريض بالمس العاشق
واللي معاه قوية ومسيطره علي تفكيره بشكل يرثي له لدرجة يخليه يفكر انه ح يموت قريب او عيان بمرض خطير

اتكلمت معاه بصراحه رفض الموضوع ورفض يقتنع مع انه شبه مقتنع بس مش عايز يصدق
عايزين الحق هي مسئلة متتصدقش ولولا اني عندي خلفية قوية عن الموضوع كنت انا كمان مصدقتش

فاتح اهله في موضوعي وبعدين اجله سيبته براحته
وقعد يهزر ويقول قريب قولت ماشي وعدي وقت طويل

اتغير فجأة مع انه كان كويس اوي معايا بقا ما يتصلش ولا يفكر يقابلني الا اذا طلبت منه

اتفاجئت ان اهله بدؤا عايزين يجوزوه وبدئوا يجيبوله عرايس
المفاجئة بقا انها خلته يفكر يتجوز غيري علشان تزحني من طريقها
تزيح اللي بتقوله صلي واعمل عمره

خلته يعاملني بجفاء محدش فيكم يتخيله وبتمد ايدها من غير ما يعرف واقوله ليه يقولي والله ما عملت حاجه او ما شفتش
خلته فتح الفيس بوك بتاعه علشان اعرف حكاية العروسة الجديدة

مماخبيش عليكم ولعت نار مقدرتش اتحمل وانا بسئله يقولي وانتي مالك
بعد 14 سنة ونص يقولي وانتي مالك قولتله خلاص نسيب بعض
بكي لدرجة عنيه احمرت وحسيت انه بيحبني بس زي المتلجم

قولتله عايز العروسة اتجوزها بس اتجوز لقيته اندهش وداخ
طبعا الشيطانه ماكنتش تتصور يكون ده ردي بعد العاصفه اللي عملتها

قالي انا مش ح تجوووووووووووز
قولتله مش ح فضل اقابلك كدا انا مش بتاعت كدا لكن ممكن اصب الي اخر يوم بعمري
لكن يكون المبدء مافيش جواز لاء انا مش كدا
ايه رائيكم حاجه محدش يصدقها صح
بس انا عشت عمري كله فاهمه ان اللي بحبه ندل
وطلع مش كدا خالص طلع مريض بشيطانه خبيثه بتبوظ كل جوازه تلاقيها اوشكت تتم
والمصيبة انها اتفقت مع الشيطان اللي معايا في جسمي
حذائي الله يكرمكم يتقطع فإيدي علشان منزلش وحاجات تانية اغرب
اقوله بلاش نتجوز دلوقت نخليها بعدين يقولي انا بتعب من الكمة دي
اقوله طيب يالا نتجوز دلوقت يسكت , اقوله مالك
يقوليييييي انا مش عارف فيا ايه مش عارف مالي
اقوله انا قولتلك فيك ايه وعرفتك كل حاجة الاقيه مش مقتنع اجيبله منين حد يقنعه يارب

اعمل ايه قولولي اعمل ايه في عفريته دمرت عمري وعمره ومنعاه يتجوز منين جت معرفش كل اللي عرفته انها معاه من سن 12 سنة
اعمل ايه لو كانت انسانه كنت قولت كل شيئ نصيب واتمنيت له السعاده
لكن بجد دي شيطانه وقالتهالي مرة لا انتي ولا غيرك
حضرت علي لسانه مرة وهو سمعها بودنه وانكر بعد كدا فاهم اني عايزة اجننه واقسم لكم بالله عايزة اساعده ونفسي يتعالج صعبان عليا وهو بيتلعب بيه الكورة منها وبتتدخل في تفكيره
وخرباله صلاته وصيامه وسائر عباداته
انا مش عارفه اعمل حاجه غير الدعاء لله
وحاسه ان ربنا سبحانه وتعالي مش ح يسيب شيطانه تنتصر علي مسلمة
مش ممكن ربنا سبحانه وتعالي يتخلي عني وانا في كرب وابتلاء زي ده
اللي رجعهولي قادر يبصره بحقيقه مرضه واللي زرع حبي في قلبه سبحانه قادر يتمم جوازي منه غصب عن ابليس وجنوده كلهم
انا صبرت كتير علي اذاها من قبل ما اعرف بوجودها وهي عذبتني كتير 14 سنة بتعذبني بكل طريقه ربنا ينتقم منها ويخرجها من جسمه انت علي اللي يظلم المسلمين يارب
يارب زوجني منه وارزقني اولاد صالحين يااااااااااارب

متتسرعوش في الحكم علي الناس لعل في خبايا محدش يعرفها سوي الله عز وجل , زي ما حصل معايا
لو كنت قدرت انسي الشخص ده ومقدرتش اتحمل تصرفاته ومكنتش صبرت يمكن مكنتش اكتشفت اللي مدمراه ومدمراني معاه
جزاء صبري اللي شفته ان الله عز وجل اطلعني علي الحقيقة
ربنا يعافيكم من البلايا

انا مش طالبه غير دعائكم ليا وله بظهر الغيب أن ينصرني الله عز وجل عليها وعلي كل شياطين الجن والأنس
وأن يشفينا مما نحن فيه وأن يتمم لنا زواجنا بخير ويرزقنا ذرية صالحة اللهم امين
وجميع المسلمين , ربي قد وهن العضم مني واشتعل الرأس شيبا ولم اكن بدعائك ربي شقيًا يارب بلغت 34 من عمري اللهم انت من خلق الشياطين وانت قادر وحدك عليهم فإنه لايعجزك شيئًا في الأرض ولا في السماء ربي اني قد مسني الضر وانت ارحم الراحمين وحسبي الله ونعم الوكيل حسبي الله ونعم الوكيل ,حسبي الله ونعم الوكيل



>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممممم *.*
الاختصار في بعض المشاكل افضل
بسأل سؤال : انتي كيف عرفتي انج انسحرتي وعرفتي منو سحرج وغيره
الزمي قراءة سورة البقرة
الله يفرج كربتج ويشفيج
موفقة

استغفر الله العظيم الي لا إله إلا هو الحي القيوم و اتوب اليه


__________________________________________________ __________

الله يوفقج واستغفري ربك
وحاولي تتقربين منه اكثر وصلي كل صلوااااتك في وقتهاااا


__________________________________________________ __________

الله يشفيك ويرفع عنك يارب


__________________________________________________ __________

"وما هم بضارين به من أحد إلا بإذن الله"صدق الله العظيم
حافظوا على طهارتكم وكونوا على وضوء فى كل أحوالكم أسأل الله أن يرفع عنكم ما بكم.
ونصيحتى لكى يا أختي اقطعى علاقتك معاه لا خير فيما يغضب الله .


__________________________________________________ __________

جزاك الله خير