عنوان الموضوع : ساعدونى أرجوكم -تم الاجابة
مقدم من طرف منتديات نساء الجزائر

ساعدونى أرجوكم



ازيكوا يا جماعة
انا عمرى 21 سنة كنت بحب واحد فى الجامعة زميلى وفضلنا نحب بعض اكتر من سنتين ولما اهلى عرفوا طبعا اتغيروا معايا لحد م سبنا بعض
المهم بعدها ب فترة مش كبيرة جه عمى وطلبنى من بابا لابنه بابا وافق على طول مع ان فى فرق كبير بينى وبينه فى المستوى التعليمى وفعلا بابا ضغط عليا لحد م وافقت واتخطبنا حوالى سنتين وبعدها اتجوزنا
انا دلوقتى متزوجة من حوالى 7 شهور ومن اول شهر وفى مشاكل بين والدتى ووالدته وهو طبعا بييجى فى صف والدته ودايما معاها على حسابى وحساب كرامتى
عمرى م حسسته بالفرق اللى بينا او انى مش بحبه دايما بهزر معاه وعادى جدا .. هو دايما حاسس بالفرق ده ودايما يقولى هو انا يعنى اقل منك ... هو انتى مستكترة نفسك عليا!! وكل حوالى 15 او 20 يوم لازم تحصل مشكلة بينا وغضبت وروحت عند اهلى مرتين وكل مرة ييجوا يصالحونى وعادى
طبعا انتوا عارفين ان عيد الام قرب ف روحت امبارح عند بابا بعد م هو مشى على شغله وبعتله رسالة على تليفونه انى هنزل اشترى الهدية مع اختى ومش هتأخر
بعد م رجعت فضل يزعقلى جامد جدا ولما لقانى واقفة قدامه قام وضربنى لاول مرة على وشى وضهرى (وانا حامل دلوقتى فى الشهر الرابع) وشتمنى وكمان اشتكى لعمى .. اتصلت بأهلى بابا غلطنى وقالى روحى لعمك قوليله وهو هياخدلك حقك انتى اللى غلطانة بس مش توصل للضرب عمك هيتصرف
نزلت لعمى عمى غلطنى برضو وقالى انتى اللى نرفزتيه انك خرجتى من غير م يعرف
هو دلوقتى مش حاول يكلمنى من ساعتها وكل واحد فى اوضة
مش عارفة اعمل ايه اروح لاهلى مع العلم انى كنت لسة زعلانة عندهم من حوالى 15 يوم!!!
ولا افضل فى البيت!!!
ساعدونى أرجوووووووكم

>>>>> ردود الأعضـــــــــــــــــــاء على الموضوع <<<<<
==================================


يعمل ال عاوزه الا الضرب لازم يعرف انه غلطان
وانت مادم غلط استحملي غلطك وصالحيه ولاتذهبي لااهلك
ابعتي له رساله صالحيه فيها وبعدين كلميه عن الضرب
لانك لوسكتي عن الضرب هذه المره ولم يعلم انه غلطان هيكرر الموضوع


__________________________________________________ __________



السلام عليكم


هي المشاكل بيتن الازواج وبالبيوت امر طبيعي,,,
وبس هو من ضربك غير لان تجمعت امور كثيره,,وكانت اخر حادثة,,القشة التي قسمت ظهر البعير..!!
انتي دامك ماتحبيه
ماتحبيه..!!
وتنظرين له هو اقل مستوى منك...
كيف تفكرين يكون زواجكم ينجح؟.
لنجاح زواجك تغاضي عن تصرفاته وحاولي تحبية
لاسيما لمستقبل طفلك,,
ادعي الله يهديه,,


__________________________________________________ __________

اولا انتى غلطانة انك خرجتى بدون اذن زوجك المفروض انك تاخدى اذن زوجك قيل خروجك من

البيت فالغلط يجلب غلط !!! حاولى ان تكونى مطيعة لزوجك لان بخروجك بدون اذنه يدل على عدم الطاعة

إلا إذا كنتى متعودة على كده !!! اكسبى زوجك باليونه والمحبه !!! وربنا يوفقك الى مايحبه ويرضاه


__________________________________________________ __________


__________________________________________________ __________