عنوان الموضوع : الله يوفق كل من تدخل وترد على موضوعي ويسعدها مجابة
مقدم من طرف منتديات نساء الجزائر

الله يوفق كل من تدخل وترد على موضوعي ويسعدها



سلام عليكم ورحمة الله وبركاته

ياليت تقراو موضوعي للاخر واسفه لاطالتي فيه ويمكن يكون غير مرتب بعض الشيء لكني مرتكبه ومتضايقه وقتها من الموضوع فاعذروني

عائلتي باختصار ابوي عمره 50 سنة , امي 41<ربة منزل, اختي 12 , أنا 19 ونص< خلصت ثانوي وفي البيت لظروف صحيه خاصه , اخوي 23< متزوج وبعد شهر يصير اب ومبتعث يدرس برا

ابوي يشتغل بالمطار بالدمام ولكن نقلوه جده 3 سنوات والان بالرياض من 4 سنوات تقريبا

طبعا نص هذي الفتره كان عايش لوحده بالغربه بعدها تزوج وعنده ولد الله يحفظه الحين عمره سنه و 8 شهور < لسى ماشفته للاسف


تعبت نفسيا جدا جدا فوق مااتخيلت ان عمري بيصير فيني هيك يمكن لاني المدلله من ابوي ومن امي وحتى من اخوي

عقلي موافق على زواج ابوي وعاطفتي مع امي اولا لأن امي رفضت انها تروح معاه بحجة

انها ماتقد رعلى الغربه ولا تبيها وعشاني انا واخوي واختي لان وقت نقل ابوي كلنا ندرس وقتها ورفضنا نغير اماكن دراستنا وكيف وكذا فهي ماراحت بسببنا وبسبب عدم رغبتها بالغربه لأي سبب مع ان ابوي دخل العناية يمكن ثلاث او اربع مرات على فترات متباعده بسبب الدخان والحمدلله ربي فكه منه ومن بلاويه اخر مره ابوي تعب فيها كان بجده اخذ اجازه ولما جا بيرجع كلم امي تجي معاه عشان صحته وقتها ورفضت وسافر وقتها وتزوج < هذا كلامه لي وانا اسولف معاه

ثانيا امي تحب تطلع برا البيت احسها تتمتع بهالشيء بشكل مااقدر استوعبه لو تجلس بالبيت يوم كامل ماتقدر احسها مكتئبه وحالتها حاله مالها خلق لشيء يعني احد تعرفه عندهم ميت تروح العزا او حرمه والد او حد مريض او حد جاي من سفر وزيارات عائليه وغيره
صحيح حلو الانسان يكون اجتماعي بس يكون اجتماعي برا بيته اكثر من داخله ؟!
وربي يحز في خاطري لما اشوفها واحنا برا تضحك وتسولف مع ذي وذي واذا حد اتصل عليها بالبيت او عالجوال ضحك وسوالف واحنا اذا جلست معانا اما بالجوال عالواتس او غيره يعني تعطي اللي برا حقهم اكثر من اللي داخل البيت

ثالثا وهذا اكثر شيء منحرجه كيف اكلمها فيه اخاف اجرحها واحرجها ولا عارفه شلون
اللي هو ان امي كل يوم تصير مثل الرجال كل يوم اكثر من اللي قبله ماتهتم بشكلها بشعرها بلبسها بعطرها الا لما تكون خارجه برا البيت لاحد اما فالبيت قدام ابوي عادي ماتهتم حتى لو ماتضبط شعرها وتكون بالبيجامه اللي ريحتها كلها بصل وطبخ وحاله حتى ريحة فمها ماتهتم كثير مثلا تجلس من النوم تجلس تسولف مع ابوي او شي ربع ساعه وبعدها تقوم تغسل وتجلس بالمطبخ والبيت وشغله يعني احسها فاهمه انها اذا عملت كذا خلاص ماعليها شيء ثاني اهم شيء تطبخ تغسل تكنس تنظف ترتب وبس حتى ابوي كم مره يلمح لها عشان تحس بعمرها مافيه اي ردة فعل احيانا حتى انا اشمئز من تصرفها فكيف ابوي مثلا تتجشأ بصوت عالي وتتثاوب ماتحط يدها ع فمها وتطلع صوت وتعطس باقوى ماعندها كانها رجال تاكل بسرعه ومثل الرجال بالضبط مادري كيف ولما تجي تمزح بيدها بعنف توجع صراحه بس استحي اقولها وربي

.. هل ممكن امي يكون عندها لخبطه بالهرمونات وهي مو حاسه ولا شنو ايش الاشياء اللي تسبب تصرفاتها هذي مع العلم ان امي طفولتها كانت قاسيه شوي هي اللي حملت مسؤلية بيت من طبخ وتنظيف وكل شيء مع ان فيه اللي اكبر واصغر منها اخوان واخوات مادري اذا هذا له علاقه أو لا

ابوي ماخبا الموضوع الا مراعاه لمشاعرنا وهو ماقصر بشيء الله يخليه لنا وهي مصره ان ابوي مايجيب لنا ولده اللي هو اخوي في البيت خايفه من كلام الناس لو عرفو او انها ماتستحمل الشيء حتى ابوي لما كلمني على هالشيء قلت له مايحتاج تجيبه حتى لو زياره يصير عند امه احسن له مادري وربي كيف طلع هالكلام مني حسيت ابوي تضايق من هالشيءمع اني احب شيء اسمه اطفال بشكل جنوني حتى العيله كلها تضرب بي المثل بحسن تعاملي وخوفي عليهم وكنت حابه اشوفه بس مادري اخاف امي تتضايق وييرتفع عليها الضغط هي معها ضغط وبسرعه يرتفع لو تضايقت وعصبت حتى ابوي اعطاني صوره له اشوفها قال عالاقل امك ماتبي تشوفينه حاليا شوفيه بالصصوره لين الله يهدي النفوس وربي جتني بكيه لما شفته مررررره يشبه لي الله يحفظه

مو عارفه كيف اتصرف مع ابوي ومع امي بهالاشياء اللي ذكرتها محتاره وابي الاستشاره من اللي اكبر مني بالسن والخبره

الله يوفقها اللي ترد علي حتى لو بدعوه ويفرج عليها كل هم وضيق

>>>>> ردود الأعضـــــــــــــــــــاء على الموضوع <<<<<
==================================


حيبتي بالنسبة لأمك يمكن هي مجروحة بسبب زواج والدك حاولي تتقربي منها..أما عشوفة أخوك خلي الموضوع يجيبطبيعته لاتظغطو عليها


__________________________________________________ __________

اولا بالنسبه لابيك ماشاء الله لم يقصر وبنظري انه شخص محترم وزواجه هي غلطه امك التى رفضت الذهاب معه خاصه وانه مريض,,بالنسبه لوالدتك واضح انها فاقده حنان ومكسورة الخاطر من زواج ابيك, ومادمتى ماشاء الله متفهمه للوضع فيجب ان يكون موقفك ايجابي ويتعدى النقد السلبي,, هناك طرق عديده لدفعها للاهتمام بنفسها,, مثلا اذا كان هناك احدي القريبات من العائله ممن هن في مثل سنها ويبدين اهتمام كبير بشكلهن ونظافتهن,, فيمكنك استغلال هذه النقطه بان تقولي لها مثلا اليوم رايت فلانه ترتدي كذا وكذا ,,لماذا لا ترتدين مثلها انت لست اقل منها,,قولي لها انها ايضا لا تزال صغيره ومن حقها الاستمتاع بحياتها,, ومن باب البنت الحريصه على امها تستطيعين توجيه النصائح من دون ان تجرحيها,,قولي لها انني لا اعرف زوجه ابي ولكنني اتمنى ان تكوني انتي اجمل منها,,ارجوك يا امي اهتمي بنفسك حتى تكونين الاجمل في نظر ابي وهكذا,,واياك ان توجهي لها اي نقد مباشر كل ما عليك هو استغلال الفرص والنصح


__________________________________________________ __________

ان شاء الله البنات يفيدوكي


__________________________________________________ __________

الله يفرج همك أختي ويسعدك يارب


__________________________________________________ __________

حبيتك من اسلوبك حسيتك ماشاء الله فاهمه وحنونه الله يحفظك .. بالنسبة لأمك مو كل هذا طلعات أحسها هي داخلها هم وتحاول تنساه بالترفيه عن نفسها تحاول تطلع وتروح وتجي ماتبي تتذكره ..خلك جنبها هي محتاجتك وانتي جيبيها باسلوب حلو مثلا قولي لها يمه شفت بلوزه مرره حسيتها تناسبك وجبتها لك اهديها عطورات وقولي لها تصدقين احسك لو تسوين كذا بشعرك بيزيد حلاك بسم الله عليك اصلا انتي حلوه واذا اهتميتي بنفسك تطلعين تجننين واذا شفتيها لابسه بتطلع قولي لها ياسلام وين مخبيه كل هذا الجمال عنا صدقيني مع المدح رح تبدا تتغير للافضل .. اقربي منها سولفي معها شاركيها كلامها وانتي تقولين انها دايم على الواتس اب استغلي هذي النقطة لصالحك واذا كنتي داخله انتي وياها في قروب احد العايله ارسلي شي عن المرآه واهتمامها بنفسها والموضه وهذي الاشياء .. وبعد خلك قريبه اختك لاتتأثر بظروفكم .. وبالنسبه لاخوك هي لحد اللحين منجرحه من ابوك لانه تزوج عليها فخلوها على راحتها ..وربي يخلي لك امك وابوك وان شاء الله تتعدل الامور وربي يسعدك ويوفقك ياعسوله.