عنوان الموضوع : متزوج يلاحقني مجابة
مقدم من طرف منتديات نساء الجزائر

متزوج يلاحقني



مساء الخير
تعين في قسمي رجل متزوج ماسك منصب محترم في الاداره عملي مو بالاداره بس اضطر احيانا نروح نودي لهم اوراق ونسوي اجتماعات رحت لهذا الشخص عشان اوراق معينه لازم يوقع عليها و بعد ما خلصت من عنده وانا طالعه قالي حاب اقولك شي قلت تفضل قال محظوظ الي بيتزوجك قلت عفوا وش جاب سيرة الزواج قالي تملكين موصفات المراه الي يحلم فيها اي رجل قلت عن اذنك وطلعت من المكان استفزني كلامه لاني محتشمه كيف حكم وعرف شكلي عشان يتكلم قام يجي يمر من مكان شغلي ويسلم علي وعلى باقي الزملاء بنات وشباب ما افكر ارد عليه واسلم بنفسي عشان السلام واجب يحاول يحتك فيني يكلمني ياخذ مني كلمه ما ارد عليه اضطريت اودي له اوراق طلبت من زميلتي تروح بدالي قالت ما يصلح لانك انت المشرفه على الموضوع رحت له وبعد ما وقع كان يحاول يسولف يفتح مجال لسوالف بعدين سأل سؤال غبي مثله سؤاله كان الرجل الي يحس بالنقص مع زوجته وش يسوي قلت له اولا انا مو متزوجه ثانيا هذا مكان عمل وهذه ثاني مره تتكلم في موضوع ماله دخل بشغل ثالثا انت ما تعرفني عشان تسالني بهالامور قالي لا انا اعرفك زين واعرفك من زمان قلت من متى قال من وقت انت ما تعرفينه بعد سأل نفس السؤال مره ثانيه
قلت شوف الرجل المفروض يطلب من زوجته تعوضه عن هالنقص والحل قدامه وفي بيته بدل مايطلع برى بيته ويدور حلول ويسال في بنات الناس الغرب ويفشي اسراره
قالي للمره الثانيه شفتي والله محظوظ الي بتزوجك قلت صراحه انت انسان مو قادره اوصفك ولو فكرت تتعدى حدودك بعد مره بقدم فيك تقرير قال سوي الي تبينه انت عسل على قلبي
طلعت من عنده حسيت نفسي بانفجر ورحت كلمة مديري الاساسي وقلت له اني ماابي اوصل لمكتب فلان والا اكلمه سالني عن السبب قلت لانه يضايقني ويفتح مواضيع مالها علاقه بشغل قال يصير خير بعد مده حركاته بعد مستمره يجي في مكاني ويحاول يحتك بس على خفيف تعينت بنت جديده هالبنت تحاول تتقرب مني بطريقه مو طبيعه تبي تعرف عني اي شي مسفهتها ما اعطيها وجه بعدين يوم شافت الرجال نفسه قالت اوه فلان يشتغل هنا ياحليله تمدح فيه وتمدح بعدين قالت زوجته ما تستاهله انسانه حقيره وتافهه ان شاء الله ربي بعوضه بدالها كانت اول مره ادري انه متزوج سألتها تعرفينه قالت لا بس سمعت عنه من موظفات ثانيات اول مره اشوفه مافكرت اسالهاعن شي ثاني ما قلت لها شي عشان لا تحسب اني مهتمه فيه او شي واخليها تسوف وما رد عليها امس كانت ناسيه جوالها واتصل عليها رقم جيت اشوف لانه اتصل اكثر من مره وهي كانت تتغدا لقيته اسمه مكتوب استغربت وشكيت معقول هو موظفها عشان تحاول تجيب له اخبار عني غير هالشي يجني ازعاج من رقم دورت اسمه بالنمبر بوك ما لقيته بصراحه مو مرتاحه للوضع ومابي التفكير بالموضوع ياثر على شغلي

>>>>> ردود الأعضـــــــــــــــــــاء على الموضوع <<<<<
==================================


ايه عادي ممكن يكون موظفها و متفق معها عشان تجيب له اخبار عنك اهم شي انك تنتبهي على نفسك وما تعطينهم اي مجال او اي فرصه للحديث ولين حاول يسالك في شي اطلعي من عنده على طول خليه يوقع اوراقك واطلقي بسرعه عشان ما تخلين مجال للكلام


__________________________________________________ __________

هههههه يضحك عليك هو وهي ومتفقين عليك

يبغون يخسروك عملك بس انتي لا تهتمي فيهم ابدا ولاتدري على ارقام غريبه وانتبهي لانه شكله مره مصر يضيعك وضيع عملك وتتقربين من الموضفه الجديده ابدا


__________________________________________________ __________

سبحان الله والحمدلله ولا اله الى الله والله اكبر


__________________________________________________ __________

مبينه خطه حابكينها مع بعض
طنشيهم ولا تهتمي فيهم ابد
لاتخليهم يوصلو للي يبغوه
ناس فاضيه


__________________________________________________ __________

اختى صراحة عجبتين بطريقة تصرفاتك وانصحك خلك دايم ثابت لاتردي عليه طنشي لاكن اذا دخلتى مكتبه خذي اقرب وحده من صحباتك وتكون امينه مو البنت الجديده واتركيها تقف عند الباب وبسرعة اخرجي لاتلمينه اذا اتكلم اسفهيه بالكلام والبنت الجديده انصحك وانا اختك ابتعدي عنهااا ولاتتكلمين معها عنه ولاتجلسين كثير عندها حاولي تشغلي وقتك ولاتروحي مع البنت الجديده اي مكان بس لاتشكين فيها لان بعض الظن اثم لكن مجرد الحرص على نفسك