عنوان الموضوع : بعد كل الي فقدته .. انا لي الحق اني انتقم من كل شي
مقدم من طرف منتديات نساء الجزائر

بعد كل الي فقدته .. انا لي الحق اني انتقم من كل شي



السلام عليكم

انا طول عمري مافتحت قلبي لأحد بس لي متى بتم مقيده نفسي وساكته!!

مابي اقول اني انا انظلمت كثير لاني ماحب ادافع عن نفسي يمكن اذا شفت

اني انا قاسيه وغلطانه اقدر اعاتب نفسي لكني انا عمري ما أذيت احد

الي قاعد يصير بهاي الايام انه الضروف كلها صارت ضدي صديقتي المقربه

خانتني وتركتني بدون اي سبب والي كنت احبه خانني بدون سبب وامي

وخواتي يكرهوني بدون سبب قمت احس اني مافي اي قيمه لي وكرهت نفسي

الضروف كلها ضدي

لكن الحين انا لازم انتقم حق هذول كلهم وماني عارفه شلون اقدر ابرد قلبي

الي يحترق كل دقيقه بس فعلا انا لازم انتقم منهم وابكيهم الدم

هم عيشوني بحسره وندم وانا ماسويت اي شي

ممكن تشوفون موضوعي بايخ .. الا انه انا مالي حد غيركم ابدلا ام ولا اخت ولا صديقه

>>>>> ردود الأعضـــــــــــــــــــاء على الموضوع <<<<<
==================================


okhti alah ysbrek matkoli hik mafi oume mathibe awladha


__________________________________________________ __________

عزيزتي ..

كيف علاقتك مع الله ..؟؟
هالسؤال اسألي نفسك هو .. وبعدها راح تفهمي مقصدي ..

نجي لسالفة الأنتقام .. انتقمتي منهم طيب وبعدين .؟؟
ايش راح تجني .. ولاشي أكيد .. ولا راح يبرد قلبك ..
خذي حقك وإنتي بمكانك .. تعرفي كيف ..؟
( بَ الدعاء ) .. تذكري (وعزتي وجلالي لأنصرنك ولو بعد حين) ..
شوفتي نصر الله للانسان المظلوم .. اذا هما ظلموك .. راح ربنا ياخذلك حقك ..

..

حطي في بالك .. الصديقه معوضه .. وبدالها كثير .
واذا على أخواتك .. حآولي تصلحي علاقتك معاهم بدل سالفة الأنتقام ..
واللي كنتي تحبيه .. ماذا ترتجي من علاقة حب ..؟؟
صدقيني كلها فشل × فشل .. لانها بنيت ع بــاطل ..
بالعكس المفروض حالك اللي انتي فيه الحين تقلبيه .. للأحسسسسن ..

تصححي علاقتك مع الله .. وتذكري .. من عرف الله بالرخآ عرفه بالشدهـ
اتوضي وصلي ركعتين .. وإدعي الله يصلح لك حالك .. ويعوضك .. عن كل آمر حدث لك بحيآتك
استغفري الله كثير ..
كرري دائمما .. اللهم أجعل التسسسامح غذاء قلوبنا


أسأل الله ان يريح لك بالك .. ويهديك ويصلحك .. ويسخرلك للخير ..

موفقه يارب

..


__________________________________________________ __________

الي خانج ما يبيج كيفه

ورفيجتج هدتج ششي راجع لها


واهلج يكرهونج يا اختي المحبه من الله


كيـــــــــــــــــــــــــفهم

غصب يحبونج ويهتمون فيج

لا مو غصب

مثلج انتي تحبين ناس وتكرهين غيرهم

اهم بعد نفس الششي


بس اول شوفي نفسج اكيد فيج ششي غلط خلى الكل ينفر منج
راجعي مواقفج واسلوبج مع الناس


__________________________________________________ __________

الله يفرج همك ياااااااااااااااارب


__________________________________________________ __________

الله يفرج همك

بس صدقيني سالفه الانتقاام موحل ابد !!

ادري انك تقولينهاا بلحظه غضب وعصبيه بس ان شاء الله تهدين


انا قبل مريت ببعض هالاشياء كنت اتخانق مع اهلي كثير وماكانت علاقتي فيهم مره كويسه

بس انتي عليك تدعين الله يحبب خلقه فيكي وان اهلك يحبوونك ويحنن قلوبهم عليكي

اما من ناحيه صديقتك لاتزعلين عليها كثير صاحبات يسون كذا وعودي نفسك ماتزعلين على احد لآن كثير ناس كذا يتغيرون عليكي من غير سبب واللي جابها يجيب غيرها ان شاء الله واحسن منهااا

اما حبيبك كمان مايستاهل قولي الحمد لله يمكن لو ماخانك استمرت علاقتكم وصار شي اكبر مثلا يدورون اهلك او انو يسوي فيك شي مو كويس او او بس الحمد لله انها جات على كذاا
صدقيني اكيد اللي صار لك هذا خير من الله واسمعيها من كلام وحده مجربه انا قبل كنت زيك ابكي واقول ليش يصير كذا وكذا بعدين تعودت اقول الحمد لله واكيد هذي خير من الله


ماادري انتي تدرسين او موظفه

بس اذا ماكنتي تدرسين او تشتغلين انصحك من كل قلبي انك تدورين وظيفه تشغلين نفسك فيهاااا وان شاء الله تتعرفي على بنت احسن من صديقتك اللي تركتك

والله يعوضك بزوج صالح يحبك افضل من حبيبك اللي خآنك ..

الله يسعدك دنيا واخره

ودايما ادعي الله وخلي عندك يقين انو الله بيستجيب لك ان شاء الله