عنوان الموضوع : ارجوكم نزلوا موضوعي مشكلتي عويصة مش عارفه شو اعمل الطبيب يجيب
مقدم من طرف منتديات نساء الجزائر

ارجوكم نزلوا موضوعي مشكلتي عويصة مش عارفه شو اعمل



السلام عليكم اخواتي الغاليات مشكلتي كتير عويصة ومش عارشو اعمل والله عم موت من القهر والبكي ومو طالع بيدي شي بحكيلكم قصتي
انا امراة فلسطينية عمري 24 سنة متزوجة من سنتين وعندي ولد عمره سنة زوجي يكبرني بسنتين شاب جدا وسيم ومحبوب من الجميع وما صدقت انه حبني وطلبني للزواج مشكلتي انه زوجي قبل لنتزوج من لما كان صغير كان يحلم بامريكا والشي الي يسموه الحلم الامريكي رغم انه متعلم ووضعه حلو ووضع اهله كمان لكن كنت اعرف انه قبل ليتزوجني كانت كل حياته امريكا وحلمه يوصلها وكان يتغزل فيها كانها عشيقتة وحاول يسافر الها لكن كانوا يرفضوه فقد الامل وكمل تعليمه وهو موظف في شركة ووضعه المادي حلو طيب معي ويحبني لكن احيانا الاحظ انه يكون مكتئب ويعصب اوقات لكن اطنش وما اجادله لاني بحبه كتير هو شخص مميز بالنسبة لي وقبل لنتزوج كنت اتمناه وكانوا كتير بنات يتمنوه لكن اجى نصيبي وفرحت كتير بعشقه وما بقدر اعيش بدونه المشكلة انو قبل 10 ايام دخل على البيت وصفن فيني شوي حسيت انه في شي حكيتله شوفي ماحكى شي حكيتله قول سقطتلي قلبي مد ايده على الشنته الي كان حاملها وطلع جوازه السفر وفرجاني فيزة امريكا مطبوعه عليه كان يراسل اصدقائه هناك من ورا ظهري وطلع قابل في السفارة واعطوه تاشيرة دخول انا انصدمت كنت افكر انه نسي موضوعها حكيتله وانت شو ناوي تعمل حكالي بدي روح انا حابب احقق حلمي واعيش هناك حاولت امنعه لكن طنش وحتى ابنا ما اثر فيه كرهته بهذيك اللحظة حسيت انه اناني ما يهمه الا نفسه وكل رده انه حلمه من وهو صغير وما رح يتخلى عنه حكيتله اذا رحت انا انساني وطنش كلامي وما اهتم حكالي انت مادخلك وتغير معي وحكالي لاتكوني حساسة وانانية انا حابب روح هناك وبرجعلك بس انا متاكدة انو ازا راح هناك ما رح يرجع اولاد خالتي التنين راحوا على الامارات وحبو الحياة هناك وما رجعو كيف امريكا ؟؟ انا كل يوم ابكي من القهر ومش عارفة شو اعمل كلمت اهله حاولوا امه وابوه يمنعوه لكن مصر انا كتير تعبانة نفسيا ومش عارفة شو اعمل ما كنت اتصور انه رح يصير هيك ويروح ويتركني بترجاكم اخواتي اازا عندكم حل لمشكلتي او نصيحة تفيدوني ولو بدعوة في ظهر الغيب مشكلتي اني احبه كتير وما بقدر اتصور اني عيش بدونه ابوس رجولكم فيدووووووني شو اعمل

>>>>> ردود الأعضـــــــــــــــــــاء على الموضوع <<<<<
==================================


اختي الله يهديكي اعطيه فرصه يطلع ويشوف العاااالم ويمكن ربنا كاتبلكو رزقه هناك ,, خليه يروح ويجرب حظه وحطي ببالك انو اول ما يتقر هناك يبعتلك تروحي لعندو اذا فكر يستقر طبعا ,,, واذا بحبك وبينكو بيبي لشو الخوف انو يروح وما يرجع ,, انا رح بحكيلك شي يمكن غريب شوي امريكا بطلت متل قبل طمعه كبيره اميركا هلا وضعها الاقتصادي صعب جدااا تابعي الاخبار ورح بتصدقي كلامي غير هيك هنه حاقدين على العرب وخاصه بعد يلي صار بليبياااا ,, بس مع هيك خليه يروووووح وان شاء الله خير

ما تعندي ولا توقفي بطريقه لان هيك بيروح وما بيرجع الرجل بيحب المراه يلي بتوقف معو مو ضده


__________________________________________________ __________

اول شي لا تخليه يررروح لحالو رووووحي معو
بعدين عملية الجنسيه صعبه
لازم يتجوز وحده اميركيه كرمال ياخد الجنسيه
ازا ما رحتي معو هوه اكييييد راح يفكر بزواج من وحده اميركيه كرمال الجنسيه
وبعدين انا ما بدي حطم نفسيتك .. بس والله هاد الواقع كتير ناس راحت هناك وعجبتها العيشه وما رجعت .. لانو الشب العربي بدو يقارن بين اميركا وبين الدول العربيه
والحياه هناك شغل ومصاااااري وراحه
يعني الي بروح هناك وبتعود على حياتهم راح يضل
ديررري بالك ع زوجك وانتي روحي معو ....


__________________________________________________ __________

استخيري والله يكون بعونك


__________________________________________________ __________

خلي يروح
اقعدي ببيت حماكي
و كل ما يتصل ابكي
رح يحس اكييييييييد


__________________________________________________ __________

المشاركة الأصلية كتبت بواسطة ريف الصبا 2011
اختي الله يهديكي اعطيه فرصه يطلع ويشوف العاااالم ويمكن ربنا كاتبلكو رزقه هناك ,, خليه يروح ويجرب حظه وحطي ببالك انو اول ما يتقر هناك يبعتلك تروحي لعندو اذا فكر يستقر طبعا ,,, واذا بحبك وبينكو بيبي لشو الخوف انو يروح وما يرجع ,, انا رح بحكيلك شي يمكن غريب شوي امريكا بطلت متل قبل طمعه كبيره اميركا هلا وضعها الاقتصادي صعب جدااا تابعي الاخبار ورح بتصدقي كلامي غير هيك هنه حاقدين على العرب وخاصه بعد يلي صار بليبياااا ,, بس مع هيك خليه يروووووح وان شاء الله خير

ما تعندي ولا توقفي بطريقه لان هيك بيروح وما بيرجع الرجل بيحب المراه يلي بتوقف معو مو ضده