عنوان الموضوع : رأيكم مررة يهمني الطبيب يجيب
مقدم من طرف منتديات نساء الجزائر

رأيكم مررة يهمني



السلام عليكم ورحمة الله وبركاتة
انا متزوجه الخطوبة كان زوجي يدري عن رغبتي بدراسة الطب ولظروف خاصة لم استطع ان ادخل هذا المجال ودرسة فيزيا في ام القرى وسحبت من الجامعة لانني كنت مجبره عليه ولم اتقبله ولم استطيع ان احول للطب وبعد ذلك بسنه خطبة من احد اقاربي عسكري ويتيم الاب والام وليس لديه شهادة الثانوية ووافقة عليه لاننى كانت تعجبني اخلاقه وطيبة واحترامه للناس وكل من يعرفه يعجب باخلاقه ودا شي كان يكفيني
كان شرطي في عقد النكاح ان اكمل دراستي ولم احدد القسم
وبعد الملكة دامت الخطوبة سنه وفي وقت خطوبتنا كنا نخطط انا وزوجي كيف استطيع ان اكمل دراستي لان زوجي يعمل في مركز عسكري وفي الربع الخالي يبعد عن اقرب مدينة له 200 كيلومتر لمدة 15 يوم متواصل و15 يوم يأخذ اجازة ويأتي الي البيت هذا المركز منقطع عن العالم لا يوجد به حتى شبكة جوال
وانا ساكمل تعليمي في مدينه اخرى غير المدينة التي يوجد بها اهلي
وفكرنا وكان الطريق مسدود ولم نصل لحل
وقبل ان انتزوج بشهر جاء زوجي قال ايش رايك اخذ اجازة استثنائية وندرس في الخارج على حسابنا الخاص وتتلتحقي للبعثة سألته من فين نصرف لانه لو ذهبنا على حسابنا الخاص لن يكون لدينا دخل وسوف يقطع عنه الراتب وهو ليس لديه اهل وانا ابويا لن يساعدني ماديا
قال لي ماعليكي في الفلوس ولا تشيلي هم قلت طيب موافقه وهذا كان انسب حل لنا
والمشكلة زوجي لدية ديون من البنك من قبل ان يخطبني
وبعد الملكة اخذ قرض اخر واصبح عليه سداد 100 الف
وبالنسبة ليا كنت اتنازل عن حقوقي ولا اطلبه اي شيئ حتى اذا احضر لي هديه او اي شيئ اقول له لا تخسر نفسك وجمع واهم شيئ ندرس في اشياء اولى نعملها
وكنا مخططين انو ما نعمل فرح وما نستأجر شقه ولا نفرش وعلى طول نسافر لانو كل الى مع زوجي 50 الف
جات مرت خال زوجي وسار تقول لا مايسير وهذي مو من الاصول واجبرت زوجي انو يستأجر شقة وفرشتها له وضيعت الفلوس التي كانت مع زوجي في شقة وعفش تافه وكمان كتير اشياء في البيت ناقصة والنص التاني ضاع في فرح للرجال بدون نساء وانا ما قدرت اعمل حتي حفله صغيرة في البيت لان مافي احد كان متفرغ وفاضي للعروسة
وانا كان حلم حياتي زي اي بنت طبيعيه البس فستان ابيض
كان يوم فرحى ثقيل وكئيب وبكيت واضايقت كتير وشلت في قلبي وسكت وكنت اتمنى لو ان اعمل حفله صغيرة في النهار في فله صغيرة والبس فستان ابيض ناعم وبسيط اعزم فيها صديقاتي والى الاقارب واجلس مع الناس وانبسط معاهم بدون رسميات الافراح العادية في قاعات والزفه اخر الليل وما اشوف احد من المعازيم
المهيم حصل الى حصل ورحت من بيت اهلي لبيت زوجي بعبايتي ولبسي العادي بدون فستان ابيض ومعايا دبشي
وقلت ياالله مو مشكلة ربي يعوضني بإننا نروح ندرس ودا هدفي في الحياة
بعد ما دخلت بيت زوجي سار يقولي زوجي انا ما عندي شي دحين وما اقدر اسافر ولدرجة حتى فندق ما دخلت واذا قلتلو وديني السوق يقولى لا عيب وقلت حيا ويقولي لعلمك انا ما احب الاسواق والاماكن دي واذا احتجت شي مرة ضروري ما يرضى يوديني الا بالمناحله ويجلس يمنن عليا ويعدلي كم مرة خرجنا ولما يعدها كل خرجاتنا للسوق ما تتعدى 5 خرجات وكل خرجه ما تتعدى ساعتين من يوم ما اتزوجنا وكل الاماكن الى رحناها بس كم مطعم مادفع فيها اكتر من 100 ريال
مر شهر العسل وانا في البيت وكأنو سجن و زوجي دائما يقولي انا مشغول يخرج الصباح ويرجع الظهر يتغدى ويجلس الين اذان العصر ويخرج يصلى وما يرجع الى الساعه 11 او 12 الليل وينام وهادي حياتنا لليوم ما ادري ينشغل بايش وهوا ما عندو دوام غير العسكرية وانا افضل في البيت لحالي كأنى في سجن ويرجع بعد 15 يوم لما تخلص اجازتو يوديني بيت اهلي ويروح لعملو وانا اجلس على اعصابي قلقانه عليه المكان الي هوا فيه خطير ولا اقدر اكلمو ولا اقدر اعرف اخبارو الين يرجع
دحين مرت سنة ووضعنا زي ما هو لا يبغا يحاول يساعدني بخصوص الدراسة وكل ما فتحت الموضوع قال دراسة مافي ولا اسمعك تفتحي الموضوع دا تاني ويتناسى كل وعودو ليا
ويسكتني بعصبيتو واحيانا يجلس يسدها في وجهي كل ما اقولو على حل يقولي لا ما ينفع
احترت معاه انا لسه معطيتو فرصة انو يدرسنى اتخليت عن اشياء كتير مهمه بالنسبه ليا ومن حقى زي اي بنت بس عشان دراستي استغنيت ودي الاشياء والله انها جالسة تحرق في قلبي ليل نهار تاكل وتشرب معايا

>>>>> ردود الأعضـــــــــــــــــــاء على الموضوع <<<<<
==================================


تاااااااااااابع للموضوع الاول رأيكم مرة يهمني
كنت احلم واتمنى انو ادرس القسم الى انا احبو و انو اعمل فرح والبس فستان ابيض واروح شهر عسل والاقي الزوج الي يحبني واحبو الى اذا ضحيت عشانو يقدر ويتجمل منى مو يتكبر عليا ويظلمنى بس ايش اقول غير لاحول ولا قوة الال بالله
في النهايه الرجال ما ينعطو وجه الى تبغا تسير طيبة معاهم الله يعينها على الى يجرالها
ما يبان فيهم معروف والي تعمل معاهم معروف ينقلب عليها ويترد المعروف لهيا منكر
وانا افكر لو استمر الحال على كدا راح اطلق منو لان مو مقدر قد ايش انا مستحمله بعدو عنى بسبب عملو وما يصرف عليا زي الناس مستحمله انو كل ما اقلو اعطيني يقولي ما عندي انا عندي ديون ويستخسر فيا كل شي وكل ما قلتلو ابغا اروح مشاوير ليا ضرورية يقولي انا مو فاضي خلي اخوانك يودوكي واخواني ما فيهم خير وعارف انهم ما يرضو يودو ولا يجيبو دبلتى حقت الخطوبة ضاعت اقولو اشتريلي بس دبله يقولي اشتريتلك دبله وانتى ضيعتيها ايش اسويلك حتى انو مهري كان قليل والباقي من مهري سلفتو لزوجي ولا عندي فلوس كنت اشتريتلي دبلة بدون ما انحوج لو
حتى حافز مو راضين ينزلو ليا لان جامعة ام القرى مرسلة اسمى لبرنامج حافز انو انا طالبة ادرس و منتظمة في الجامعه وانا اصلا ساحبه ملفي من عندهم من زمان واكلم حافز يقولو روحي ام القرى ودى الجامعة زي البلى ما شوفت منها خير ما رضيو يعطوني اثبات انو انا سحبت ملفى من عندهم ويقولو انتى اسمك مو مسجل عندنا واحنا اعطيناكي ورقة الانسجاب والورقة ضاعت ودي مو مشكلتنا وكلام كتير
و حسبي الله ونعم الوكيل
وكمان اكتشفت انو يدخن وانا ما اطيق الدخان بس ما يدخن قدامي ولا يدخن في البيت واكتشفت انو يستخدم مادة غريبة اظن انها الشمة او النشوق ودايما يريق بسبة الشي دا المعفن بس ما بينت انى عرفت
يقول انو يحبني ومن قبل ما يتزوجني بس مدري طبعو غريب وعجيب وعنيد وانا احترت معاه حبيتو بس افعالو معايا تكرهني فيه ومن كتر ما استحمل منو اشياء كتير طفشت وتعبت
وللمعلومية انا بنت ربي اعطاني جمال الحمد لله واخلاق ومتربية و بالذات لانى بيضا كنت انخطب كتير من الدكتور والمهندس والمدرس والطيار والعاطل ومن كتير اجناس بس النصيب سبحان الله
ولو اتمادى اكتر راح انفصل عنو وما راح اقدر اصبر عليه اكتر وانا تعبت من حياتي والله لو انى درست طب من قبل ما اتزوج ما كنت فكرت اتزوج في حياتي
وسامحونى طولت كلامي بس حبيت افضفض واسمع رئيكم


__________________________________________________ __________

الله يعينك أختي بجد خليتني ابكي ، سبحان الله قسمتك ونصيبك من الدنيا ،،، فعلاً الرجال ما إلهم امان ، الله يفرجها عليكِ يا رب ،، اجلي دراستك لحد ما يزبط وضع زوجك المادي ممكن ديونه هي الي واقفه ضد دراستك والشغلات الي ذكرتيها ،، اصبري وتوكلي ع الله ، الطلاق مش سهل ، بكره بجيك ولد وله بنت وبستقر وضعك انشالله......


__________________________________________________ __________

ربنا يفرجها عليكى


__________________________________________________ __________

الله يعيينك ويفرجك.همك


__________________________________________________ __________

بصراحة انا من اول ما قريت انو كنتي تقوليلو ما تجيبلي هدايا و ما نسوي عرس ولا شقة و لا شي عرفت انو راح تتعبي بعدين؛لان اغلب الرجال لما تتنازلين لهم ما يعرفون قيمتك؛الا القلة القليلة؛بل بالعكس يتطاولون اكثر و يطمعون اكثر و اكثر،يعتبرونها ضعف بدل ان يعتبروها موقف اصيل من المرأة؛مررت بتجربة مماثلة في زواجي السابق للاسف؛و الحل الان هو التكلم بهدوء مع زوجك و اذا مثل انه عصب لا تخافي و لا تبكي بل كوني قوية و اكملي كلامك بهدوء،و بيني له انك تنازلتي عن اشياء كثيره و لست مستعدة للتنازل اكثر؛اقل القليل يعدك خيرا،اما ان يقول انسي الدراسه و هي شرط في العقد هذا الشي حرام ما يجوز؛الزواج ميثاق غليظ و ليس لعبة و ادعي الله بالفرج؛الله يفرجها عليك