عنوان الموضوع : اللي احس فيه حب او صداقه ؟؟؟!!!! مجابة
مقدم من طرف منتديات نساء الجزائر

اللي احس فيه حب او صداقه ؟؟؟!!!!



السلام عليكم ,,

أبي اقولكم قصتي انا كنت احب من 4 سنوات تقريبا شخص كان من العايله لكن من بعيد وكان بوقتها بيننا تواصل استمرت علاقتي معاه تقريبا 5 شهور كان اول حب بالنسبه لي حبيته حبيته مثل الطفله اللي ماتدري وين مصلحتها فيه شفت مميزاته لا وبعد ميزت عيوبه !!
كنت اشوووووووووووووووووفه رجل شهم كريم برغم انه فقير ومتزوج وبخيل على زوجته بس كنت اشوف انها هي اللي ماتراعي !!
لحد يقولي كيف حبيتي متزوج و و و الخ لاني ورب الكون ماكنت عارفه وين مصلحتي ولا كنت عارفه الا اني احححححب شخص محسسني بالوجود كان عمري 18 سنه وهو بالثلاثين وجا وخطبني من ابوي وابوي رففففض

لما رفضه ابوي ماتصدقون كيف كنت اعييييييييييش لا ليلي ليل ولا نهاري نهااااااار كنت حيل متعلقه فيه وابيه لانه كان يعاملني مثل طفلته وكنت صغيره تحكمني مشاعري وماعندي خبره بالحياه المهم مرت سنتين وانا اعععععاااااااااااني اقطع علاقتي فيه وارجع اكلمه او هو يرجع يرسل لي و و و و و و اشياء كثيييييييييييره الله لايعيدها من ايام بعدين قطعت علاقتي فيه تماما لاني عرفت انه نسونجي وقطعتها بصعوبه كنت ابكي ليل ونهار كنت معتبره فراقه نهايه كل شي حلو بحياتي برغم اني ادري انه كذاب حتى لو خطبني وطق الباب هو كذاب مايعرف يحب !!

المهم انا غيرت رقمي وابتعدت عن كل مكان يوصلني فيه وللحين انا ما ادري وين داره بعدها عشت بسلام وتعديت مرحله حزني احس اني بعد هالالم نضجت فهمت عقلت وصرت اشكر ربي ان ابوي رفض واني ماتزوجته لاني كنت جاهله كثير بالحياه لان ابوي كانت نظرته ابعد وعينه شافت شي انا ماشفته لقله وعيي الله لايحرمني منه وربي اني كثر ماكنت متضايقه منه كثر ما انا عقب هالسنتين ودي اشكرهه واشكر ربي واحمده ان ابوي رفض : )

المهم بعد السنتين مرت الايام كنت فيها لحالي فارغه من داخلي وكنت اقول لـ اختي ياحلو الحياه بدون حب !! راحه نفسيه وهدوء ولاتحتاجين لـ احد احس اني طلعته من قلبي ف بقى كل شي داخلي هادي ومريح برغم احساسي بالوحده لان مالي صديقات مقربات كثير اعتبرهم زميلات المهم مرت سنه وانا لوحدي مافيه حب بحياتي الى ان وصلني في يوم من الايام اعجاب وحب من شخص قريب مني كنت اشوف تصرفاته وكان يثير فضولي لا اكثر ولا اقل وكنت حاسه بوحده ماعندي احد قريب مني وفي يوم ارسل لي مارديت مع ان رسالته رسمت ابتسامه بوجهي وكثرت مسجاته من غير رد لكن الشيطان شاطر وجا اليوم الي رديته عليه وصرنا نتراسل انا كان كل شي هادي فيني عادي كنت ارسله افضفض احكي له وتطورت لمكالمات كان يحكي لي شكثر هو يحبني واعتمدت عليه بشكل كبير بحياتي بقراراتي بنصايحه بتوجيهاته بمشاكلي كنت الجأ له سنتين من عمري كنت معاه ما اذكر يوم واحد فيه ماكلمني او راسلني كان وجوده يعطيني دافع لانه كان ينصحنننننننني ويوجهني حتى اني رجعت ادرس بعد ماكنت تاركتها لانه كان يعطيني دافع وتخرجت وهو معاي تخرجت بيوم فراقنا : )
افكر بيني وبين نفسي احيانا اقول جا لحياتي دخلها علمني كيف انجح وراح !!!!!!

ماتفرقنا بمشكله ولا خيانه بالعكس كان يبكي با اخر مكالماتنا لانه كان بيدخل دوره عسكريه لـ 45 يوم ومابيكون معاه جوال وبعدها بيكمل كل الاسبوع ويطلع خميس وجمعه وهكذا لمده 3 سنوات !!
وانا الحين لي عنه اكثر من 20 يوم الغريب يا اخواتي واللي مخليني مستغربه من نفسي انا احس اني اححححححبه وربي واموت بوجوده بحياتي كنت لما عرفت انه بيدخل الكليه ابكي ابكي وربي وتعبت نفسيتي وبيوم فراقنا وبعد اخر مكالمه بكيت بالبدايه بس وبعدين خلاص !!
صح احن اتعب لما افكر فيه او اشوف صوره لذالك ماعاد افتح صوره ولا اشوفهم عشان ما اتعذب وشوي شوي صار يقل تفكيري فيه وصرت الحمدلله بخير صح يطري علي لكن ما ذبحت نفسي عشانه ولا سهرت ابكي لفقدانه فهمتووووو علي !!!!!! الحمدلله اكلي كويسونومي كويس
برغم اني احسب الايام انتظر خروجه بعرف اخباره وبقوله اشتقت لكك

ومره كنت احكي لصاحبتي الموضوع فقالت لي انتي ماكنتي تحبينه كنتي محتاجه حد مثل الصديقه يعبي هالمكان بنصايح بوجود وووووو الخ لما فقدتيه فقدتيه ك صديقه مو ك حبيب وانتي توهمين نفسك انك تحبينه خص انه جا بوقت كنتي فيه ماتبين حب تبين صداقه !!!!




^ هل كلام صاحبتي صح بعد الي قريتوه : ) عجزت افهم نفسي
بقولككم شي انا الحين التزمت اكثر وصرت اصوم واحافظ على صلاتي والاستغفار ادعولي بالثبات واني ما ارجع له اذا طلع

>>>>> ردود الأعضـــــــــــــــــــاء على الموضوع <<<<<
==================================


مافيه صداقة بين رجال وبنت
بس مو شرط احساسك له حب
يمكن مجرد شخص تعودتي عليه
عموما الله يكتب لك اللي فيه الخير


__________________________________________________ __________

هذا شي إنتِ تحدديه لو كان حب أو شي ثاني
احنا مهما قلنا تبقى مجرد توقعات او تكهنات
إنتِ أدرى

لكن نصيحة ابتعدي عنه ابتعدي والله لو كان يحبك راح يدق باب بيتكم
هو الحين تعود عليك مثل ماتعودتي عليه و لو كان شاريك فعلا و جاد بيرجعلك بالحلال
اتركيه .. أرسلي له رسالة ووضحي له إنتِ حابة تصححي غلطك و تبتي الى الله و لو يباكِ بالحلال
فيجي يكلم أهلك .
صدقيني لو كان انسان محترم بيتحرم رغبتك و بتكبري في عينه و ماراح يتردد لحظة يختارك شريكة حياته


__________________________________________________ __________

غريب !!!
اعتقد انتي من سعودية صح اذا صح والله شئ غريب نحن في مجتمع محافظ وكل فترة مع احترامي لك طايحة مع واحد يختي انتي مو في تركيا
ركزي ...
بالله عليك مافكرتي بسمعتك ولا عادي؟

حبيبتي فكري في هالموضيع بذات بجدية فهمتي قصدي

الله يثبتك يارب


__________________________________________________ __________

غريب !!!
اعتقد انتي من سعودية صح اذا صح والله شئ غريب نحن في مجتمع محافظ وكل فترة مع احترامي لك طايحة مع واحد يختي انتي مو في تركيا

خلينا واضحييّن وصريحين ..
اغلب اللي يغلطون من السعوديه بنات ..
والبنت حبها الأول مُراهقه وكل بنت تمّر بهالفتره وتعدي
والحلو انها عَدت هالمرحله بسلام ..


صاحبة الموضوُع ..
انا مابزيّد عن اللي قالوه قبلي

هذا شي إنتِ تحدديه لو كان حب أو شي ثاني
احنا مهما قلنا تبقى مجرد توقعات او تكهنات
إنتِ أدرى

لكن نصيحة ابتعدي عنه ابتعدي والله لو كان يحبك راح يدق باب بيتكم
هو الحين تعود عليك مثل ماتعودتي عليه و لو كان شاريك فعلا و جاد بيرجعلك بالحلال
اتركيه .. أرسلي له رسالة ووضحي له إنتِ حابة تصححي غلطك و تبتي الى الله و لو يباكِ بالحلال
فيجي يكلم أهلك .
صدقيني لو كان انسان محترم بيتحرم رغبتك و بتكبري في عينه و ماراح يتردد لحظة يختارك شريكة حياته

هالرد كافيّ ..
الله يوفقك ويثبتك ويصلح حالِك ..


__________________________________________________ __________

اختي والله حاسه بكل كلمه قلتيها ااه بس .. لكن شوفي هالمقطع ‫ظ…ط§ ظ‡ظˆ ط§ظ„ط**ط¨ ط§ظ„ط**ط±ط§ظ… - ظƒظ„ظ…ط© ظ…ظˆط«ط±ظ‡ ظ„ط´ظٹط® ط¹ط¨ط¯ط§ظ„ظ…ط**ط³ظ† ط§ظ„ط£ط**ظ…ط¯‬‎ - YouTube