عنوان الموضوع : للحين الموقف بعيني وبالي صعب امحيه الطبيب يجيب
مقدم من طرف منتديات نساء الجزائر

للحين الموقف بعيني وبالي صعب امحيه



السلام عليكم ورحمة الله وبركاته
كيف البنات

انا ماعندي مشكله كبيره بس مريت بموقف قبل امس وربي للحين يتكرر بكل تفاصيله بمخيلتي وربي تمنيت الارض انشقت وبلعتني ولا صار اللي صار

القصه ومافيها اننا وبيت عمي ساكنين جنب بعض والبيتين داخل سور واحد والفاصل جدار بس فيه باب وطول الوقت مفتوح وعادي متعودين هم يجونا احنا نروح لهم وعادي جدا

الى هنا حلو صح؟

المشكله يابنات ان احنامزينين حوشنا وحاطين بركه صغيره حقة اخواني وعاد مرات انا من الملل انزل فيها يعني مو كل جسمي بس رجولي ابرد عليهم واتونس

المهم اني قبل امس كان الوقت ليل ع الساعه 2 ونص وصدق عطله بس خلاص تطمنت ان محد نازل من عيال عمي لبيتنا عشان اخواني واخواني بعد مهب طالعين للحوش ورحت فصخت ملابسي بس بقت الملابس الداخليه ونزلت اسبح وانا مستانسه وشوي سمعت صوت ومن الرعبه ماعرفت شسوي قمت بسرعه من الماي ولا اشوف بوجهي ولد عمي داخل بيتنا وحامل بيده كيس وصار يطالعني وهو مصدوم وانا بعد جمدت بمكاني ماعرفت اتحرك من الصدمه وشوي هو مشى وانا شلت نفسي شوي شوي واحس رجولي مو شايلتني من الفشيله وقمت اصيح ولبست بسرعه وانا مبلله ودخلت وخواتي يقولون شفيك تبكين واقول لهم ماابكي انا وجهي مبلل بالماي بس عيوني من جد كانت حمره

وللحين مادري عن ولد عمي وش صار فيه وخبر مين او يمكن نسى الموقف بس انا بعده محفور في بالي

مدري شلون الحين بحط عيني بعينه او بتواجد بنفس المكان اللي يكون هو فيه والله اني اتمنى ننقل من بيتنا بأسرع وقت ممكن

والله خايفه انه ياخذ عني فكره غلط
ادري اللي سويته يمكن غلط بس ماني عارفه شلون ارقع لنفسي

احسه طول عمره بينظر لي نظره اني فلتانه و وسخه

تهقون اكلمه واوضح له ولا اترك السالفه والايام تمحيها؟؟

بجد انا متفشله من وضعي حتى من يومها ماقمت اكل ولا اشرب مثل الاوادم ودايم فكري شارد وخواتي يقولون وين الضحكه الحلوه والفرفشه وانا بقلبي غصه

ومشكلة ولد عمي خاطب وقريب يتزوج واحس اني طلعت بحياته بوقت غلط

اكيد فهمتوا علي

>>>>> ردود الأعضـــــــــــــــــــاء على الموضوع <<<<<
==================================


يؤ اللهـ يعينك ..,’
بس موفقك يعني مو ذآآك الزود ..,’ بمآآ أنه ملك لكم و آآهلك عآآدي عندهم فـ من حقك تسبحين ..,’

المهم إذآآ كنتي عريآآآنه مره و شوية ملآلآبس عآآد هذه غير قويهـ .,’

لآلآلآ لا تكلمينه و توضحين الموقف ..,’ يعني ايش بتقولين ؟ كنت طفششآآنه و أتسبح ؟ خخخخ آآصلآ مآآفيه كلآلآم غير هذآآ ..,

هو مممآآآضنتي بيقول شيء بنفسسسهـ ..,’ لأنك مو قآآآصده شيء .,’

آآآنسي و ريحي بآآآلك بكرآآ تكبرين و تنسين << قولي والله هع


__________________________________________________ __________

حبيبتي لا تكلمينه .. اذا كلمتيه السالفه بتكبر .. و هو ان شاء الله ما بيحط شي بباله !!


__________________________________________________ __________

اعتقد بيترك خطيبته وبيخطبك ههههههههههههه

صح قويه بس ماتدري يمكن هالموقف خير لكي


__________________________________________________ __________

وعليكم السلام ورحمة الله وبركاته

مثل ما نصحتك الأخت ...مافي داعي لا تتصلين ولا توضحين ، لأنك بهذا الفعل تصبحين كمن يقول
هل شفتني او لا؟

خلاص الموقف حصل وانتهى امره لا تعيدين التفكير فيما فات فهذا من نقصان العقل فليس بيدك تغيير
ما حصل
ولكن نصيحه مني ...في المره القادمه عندما ترغبين بالسباحه اقفلي الباب الذي يفصل بين منزلكم ومنزل
عمك على الأقل للفتره المحدوده التي ستسبحين فيها وعند انتهائك تقدرين تفتحينه واعتقد هذا من حقك

الله يسترك دنيا وآخره انتِ وجميع بنات المسلمين ان شاءالله


__________________________________________________ __________

حتى لو كان الموقف صعب دة ابن عمك يعنى انت عرضة فاهمة وهو مش هيحط انك فلتانة ولا توضحى شى ومررى الموضوع وهو مش هيحكى لاحد ويمكن فعلا الموقف يكون خير رب ضرة نافعة