عنوان الموضوع : تعبانه أرجوكم انصحوني الطبيب يجيب
مقدم من طرف منتديات نساء الجزائر

تعبانه أرجوكم انصحوني



السلام عليكم ورحمة الله وبركاته
كيفكم بنات ان شاء لله بأحسن حال.
أنا اكتب لكم مشكلتي عشان تساعدوني في حلها.. أنا متزوجه تقريبا سنه ومشكلتي زوجي متزوج قبل وعنده عيال الله يخليهم ويحفظهم.. طبعا اول ما تقدم لي رفضت لان اخر شي كنت افكر فيه اني اتزوج رجال متعدد.. جلس يركض وراي بمكالماته ومسجاته وحسيت صدق انه يبغاني.. في نفس الوقت تقدم لي شاب مواصفاته كامله ماشاءلله متخرج وموظف والكل يمدح فيه طبعا المتعدد جلس يرسل ويتصل وانا مطنشه لدرجه انه يرسل لي انه عند بيتنا ومابيتحرك الا اذا رديت عليه وانا أخاف من المشاكل مع هلي ويظنون فيني ظن السوء رديت عليه قلتله أنا مابغى ابدي حياتي بمشاكل وانا صغيره وهو عنده زوجته وعياله قالي زوجتي موافقه وعيالي مثل عيالك واحنا التعدد عندنا عادي طبعا ماكنت موافقه بس جلس يرسل ويتصل وحسيته مره متعلق فيني ويقولي اذا خذتي غيري بيصير فيني شي وهو رجال كبير بصراحه حسيت بإحساس جميل انه يبيني ويحبني قلت لأهلي طبعا ما وافقوا بس قالوا هذا قرارك وانتي تحمليه.. خطبني ومع الايام تعلقت فيه يسمعني أحلى كلام ويجيب لي هدايا. ورومانسي مره يعني كنت في حلم جميل وانتظر زواجها بفارغ الصبر طبعا زوجته ما تدري قال لي اذا تزوجنا راح يعلمها افضل لانها عدها ظروف صعبه ومايقدر يعلمها قدرت ظروفه وتركت الموضوع له وانا كملت حلمي الي ماكنت أبغى اصحى منه وكان بكره زواجنا حفله لي ولاهلي بس تقديرا لظروفه طبعا كنت اعمل كلشئ هو يقوله واتنازل حتى مهري قلتله انت بكيفك تحدده أنا مابغى اكلف عليك..ليلة زواجنا كلمني وهو منهار وتعبان وقال لي أن زوجته عرفت بزواجه وكان منهار طبعا أنا تقديرا لظروفه لغيت حفلتي وانا الي كنت اتجهز وجلست ابكي واصبر نفسي وأصبره وكلمة زوجته عشان ترضى عليه واني أختها في الاسلام وهي سمعتني أقسى كلام الله يسامحها لكن مالمتها في الايام الي بعدها يكلمني وهو تعبان ويقولي ما يقدر وانا ماني فاهمه وش يقصد والأخير قالي ماقدر اتزوجك أنا احبك وراح أبقى احبك لكن راح أظلمك.. أنا أنهرت تماماً قلتله اني احبه وترجيته مايخليني قال لي عشان العيال وراح. أنا تدمرت ومرضت وأهلي خافوا علي اسبوع ماكنت اكل لا اشرب وارجع ماكنت ادري اني تعلقت فيه لهذي الدرجة وبعد الاسبوع جا يسال عني وانه قلقان علي وأمه كلمتني وجلست تنصحني ما اضغط عليه لان عنده مشاكل مع زوجته ويمكن يطلقني وان زوجته يوم عرفت ان ابتعدنا صارت أحسن معه سكت عن الموضوع وكان يكلمني واحس نفسيته تحسنت بعد الاسبوع الي ابتعدنا فيه وكل ما أجيب له موضوع الزواج يقول لي عندي مشاكل وأنحرجت مع أهلي وجلسوا يلوموني على اختياري بس أنا احبه ومتعلقه فيه وبعدها كلمني وقال لي حفلة الزواج الاسبوع الجاي أنا ما صدقت وكنت اسعد وحده بالدنيا وسوينا الحفله وليلة دخلتنا استأذن مني وراح بيته طبعا قال لي ظروفه ما تسمح يوفر لي سكن وجلسني في غرفتي في بيت أهلي وانا وافقت لانه يكسر خاطري ومرت الايام والشهور والكل يلومني وانا مارضى حد يتدخل في حياتي كان يجيئني كم ساعه ويروح لبيته ولا ليله نام معي وانا اتجرت الالم واصبر نفسي وكل ما سالته قال ماقدر الحين عندي مشاكل وعيالي ماقدر اتركهم وهداني بالطلاق ويؤمها أنهرت ومرضت واكتشفت اني حامل ولا زلت على حالي ولا اعرف وش مصيري أنا والي في بطني. ما اكذب عليكم أنا ندمانه لأني اخترته ولكن علقني فيه وبعد الزواج تغير كلشي لا فيه حب ولا غيره واحس لو اني ماني بحامل كان طلقني. احس انه يحب زوجته وكنت أنا نزوه بحياته والحين تطلب منه يطلقني وتهدده بالعيال وانا مادري وش اسوي تعبانه مره وربي ولا ظنيت اني بتعب كذا معه لانه طمني وكنت احسب اني أنا وزوجته بتكون خوات وحتى عياله احبهم وصورهم عندي ودائما أوصيه عليهم وعلى زوجته. بس للأسف أنا الحين ورطت نفسي ولا اعرف مصيري ومصير الي في بطني هو يقولي اصبري وبسوي لك كل الي تبينه وعلى هذا الحال شهور وأخاف أولد وبكرا لاجى يعدل بيني وبينها تخيره وانا واثقه انه مابيختارني. لكن وربي شاهد علي أنا قلتله لو ام عيالك خيرتك وتبي تنفصل ماراح أرضى ولو انك تطلقني وتخليها. أنا والله ماودي اخرب بيت احد لكن على كلامه هي كانت تقوله تزوج وراضيه. أنا ماعدت احبه زي اول ولكن هو ابو الي في بطني ومابي ينظلم وينحرم من. أبوه . انصحوني يا بنات الي عندها خبره الله يجزاكم خير

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممم *.*
واضح من البداية انه كان يجذب عليج
لانه قال لج انه زوجته موافقة وبعدين قال انه زوجته عرفت انه بيتزوج وانهار
بس الحين اللي صار صار وانتي زوجته مثل ما هي زوجته وبيصير لج طفل منه
الله يعينج ويصبرج ويصلح حالكم ويكتب لج ما فيه الخير
موفقة

استغفر الله العظيم الذي لا اله الا هو الحي القيوم واتوب اليه


__________________________________________________ __________


__________________________________________________ __________


__________________________________________________ __________


__________________________________________________ __________