عنوان الموضوع : محتاره
مقدم من طرف منتديات نساء الجزائر

محتاره



السلام عليكم ورحمه الله وبركاته

انا معجبه بمنتداكم وبصراحه منتدى مميز وحلوو والاعضاء احلى

مشكلتي بكل اختصار مشكله يمكن بعضكم يشوفها عاديه بس هالمشكله محيرتني

زوجي جاف بس طيب وحنون بس مايبين طيبته وحنانه احسه حنون وطيب بس جاف امه تقول لي ان ولدها من صغره وهو جاف مو مثل اخوانه ومايضحك كثير يعني اذا تكلمنا يرد ويتكلم عادي عمري ماشفته يضحك مجرد ابتسامه ويسكت مرات يجيني ويمسح على راسي بدون لايقول شي ويسكت لاتقولون راعي خرابيط الان من صغره يصلي وابوي لمن سال عنه بصراحه كل الناس تمدحه واهله يمدحونه حتى بنات خالته وبنات عماته وعماته وخالاته يقولون اهو من صغره رزين تكانه راكد يعني يتكلم كلمتين ويسكت وبصرراحه انا فتشت جواله وفتشت الابتوبه وكل شي ولا شفت شي عليه حتى تلفونه يحذفه بصاله ويروح ينام وهالشي طمني ان مو راعي خرابيط الي اعرفه الي عنده سوالف مايخلي جواله ويروح عنه مشكلتي بكل اختصار ابي اجوف زوجي يمزح ويضحك اهو مو ناقصه شي الا هالشي مو مقصر معاي وحريص علي ولمن نطلع عيونه مو زايغه مايطالع لا يمين ولا يسار بس الي ناقصه ضحكته عمري ماشفته يضحك الا ضحكات قلييييله وحتى مو ضحك ابتسامه بس

شالحل يابنات

ملاحظه متزوجه من 3 سنين

>>>>> ردود الأعضـــــــــــــــــــاء على الموضوع <<<<<
==================================


ماأشوفها مشكلة يااختي
هذا طبعه ماراح تقدري تغيري فية
والحمد الله انو فيه صفات تغطي عن ضحكاته


__________________________________________________ __________

المشاركة الأصلية كتبت بواسطة ام عبد الله المدني
ماأشوفها مشكلة يااختي
هذا طبعه ماراح تقدري تغيري فية
والحمد الله انو فيه صفات تغطي عن ضحكاته



احمدي ربك انه عند زوج مثل زوجك غيرك ماهي محصله

ربي يخليكم لبعض يارب


__________________________________________________ __________

طبعه كذا صعب تغيرينه بس ممكن مع الأيام ياخذ من طبعك
اجلسي معه دايم وسولفي معه تكلمي معه بالأشياء اللي يحبها واضحكي معه وقولي له نكت وقصص تضحك وكذا
وان شاء الله مع الأيام يصير أحسن,,


__________________________________________________ __________

المشاركة الأصلية كتبت بواسطة مشكلتي
طبعه كذا صعب تغيرينه بس ممكن مع الأيام ياخذ من طبعك
اجلسي معه دايم وسولفي معه تكلمي معه بالأشياء اللي يحبها واضحكي معه وقولي له نكت وقصص تضحك وكذا
وان شاء الله مع الأيام يصير أحسن,,



__________________________________________________ __________

قولي الحمدلله

زوجك 100% يعني مافية شي

بس انتي موسوسة يعني الرجال مابيكون مهرج في وجهك يضحك كل ثانيه الله يهديك ويصلحك

يعني عادي مرة ابتسامة تكفي