عنوان الموضوع : لا جئه الى الله ثم لكم... ترشدوني تساعدوني تقفون معي اللي يجي -لصحتك
مقدم من طرف منتديات نساء الجزائر

لا جئه الى الله ثم لكم... ترشدوني تساعدوني تقفون معي اللي يجي



السلام عليكم ورحمة الله وبركاته

خواتي
انا لا جئه الى الله ثم لكم
ابيكم تسأعدوني وترشدوني

تهت في امري سكت كثيرآ 3 سنوات وانا ساكته وصابره
بس وضعي وربي ماايسر
ولا وضع الخمسه اليتامى الي تحت ذمتي
من اسوى الى اسوى

وصلت لقمه العييش ايام مانلقاها وربي نتقلب من الجوع
ويشهد الله صرت اكره احد يجيني بس عشان الهلاك اللي في بيتنا مالقى
وش اطبخ لهم
وابوي متزوج وعايش مع حرمته وعيالها وهي تشفط الريال بمخباااته
وشبه ساحرته وراها مثل المسحوور

ادق عليه يجيب على الاقل لنا خبزز ويشهد الله علي يقولي مامعي تعبت اتكلم تعبت حتى كرهت اطلبهم
وحالته الماديه تعبااااااااااانه وديون عليه هدتته

ولي اخوين واحد توه تزوج كان رحوم شويه معنا ويجيب اغراض البيت
الحين صار يذلنا على الريال ويمد يده علينا احياانن ويهدد ويقفل جواله ويسبنا
واهم شي مرته ماتسمع حسنا يطلبنه البنات ولمدارسهم لا اتفهه شئ
وربي يجيني يصيحن


والثاني صغيرر

وببداية حياته يقطع لي قلبي لبس ماعنده
ماغير بلوزتين وبنطلونين يبدلهم من اكثر من كم شهر
ملابسه صغرت عليه وعساي للهم الاكثر من ذا ان كنت ابالغ
او ماقول شئ صحيح

امي كانت هي محركتنا راحت ونهدينا كلنا

بس المشكله اني لي سنتين جالسه في البيت ورطني اخوي
خلاني اسجل في مدرسه اهليه ثم سحب علي ولا دفع رسومهاا
وهو انزنق بالماااده

ونسبتي امتيااز وقبلتي الجامعه
بس هوو رفض يطلع شهادتي عشان الرسوم الناس تبي القبول بالجامعه
انا القبول جاني بس يدي غصب عني مكفوفه
وحتى الجامعه ما قدرت ادخلهأإ
المشكله ادور وظيفه وكل وضيفه تطلب شهادتي الثانويه ادق على المدرسه
اتشحذ الصوره شحااذه عطوني هي حتى على الاقل تثبت معي الثانوي
رفضوا وقفوا الخط بوجهي وربي انهرررت
وماعندي قيمة الشهادهـ حتى اطلعها واتوظف وافكي نفسي من هالذل اللي عايشته

اخرتها حطيت املي لله ثم حافزز
طلع حتى حافز يتطلب شهادهـ
حتى ادخل


انا ابي املي الوحشه اللي انا عايشه والفراغ اللي ذابحني
ابي استفيد من سنواتي اللي
اشوفها تضييع قدامي وانا اتدمر واقفه مالي حيل ولا قوه
ابي اسنع البنات اللي تحت ذمتي

هذا العيد مقبل والله والله والله وانتوا ماحلفتوني
انهن مو معيدات مثل الناس والعالم
ابي اوكلهم واسنعهن اغطي عليهن النقص اللي عايشاته
صار عليهم بعد فاه امي وزاج ابوي وتمرد اخوي علينا

وحنا مالنااي دخل يجينا ولاا شئ نقدر نعيشه
ويشهد الله يمرر اكثر من ا شهرر 10 ريال بصعووبه نجيبها
خواتي ينكسرون لا رحنا عند اي احد
كرهنا الطلعات وكل شئ اخرتها حرمه من الجماعه مدت على اختي عشره
عشانها طلبتني قلت لختي مامعي وهي تراقبنا واحنا مانتبهنا
وفهمت ولحقت اختي ومدت على اختي 10 اموت
ولا اشوف هالمنظرر واشوف نظرة اي شفقه من الناس لنأ
اختي طبعا رفضت
بس حساسه يوم رجعنا البيت ذبحتني من الصياح
ديني ولادين
احد يشفق على خواتي او يبين نقص فينا


تكفون وربي احد يرشدني كيف اسوووي
ابي اتوظف ابي ادرس ابي اوكلهن والبسهن لاكن وربي مكتفهه
ابي احس اني عايشه وربي وجهي شاااب من الهم
عمري ماوصل 25 سنه وحتى الديون فوق ضهرري
وربي خلاص مالي وجهه اناظر احد احس اني مكسورره

وربي تعبت من هالدنيا وربي تعبت من حظي وحياتي
ويشهد الله اني اكتب وعيوووني غرقت من الدمووع
واشاهق من الصيااح
قسم بالله تعبت

ابي ترشدوني تساعدوني تقفون معي اللي يجي
بس المهم اني كتبت هنا ابي ازيح لو
هم بسيط همووووووووووم قلبي



وماتركت شئ ماسويته الله يجبرني في مصيبتي
والله يجزى كل من تقولي كلمه طيبه واو تعطيني مشورره
تخليني اعرف ابدا حياتنا
او حل او اي شئ الف خيررر

>>>>> ردود الأعضـــــــــــــــــــاء على الموضوع <<<<<
==================================


رفع........................


__________________________________________________ __________

والله مدري وش اقولك حزنتيني طيب انتي في اي مدينه عشان اساعدك


__________________________________________________ __________

اختي روحي سجلي بالضمان واشرحي حالتك واخوانك ويصرفون لكم راتب شهري ان شاء الله تيسر اموركم


__________________________________________________ __________

قلبي معك اختي الحبيبه ..كلامك قطع قلبي مااقول الا الله يرزقك من حيث لاتحتسبين ويغنيك الله بفضله وكرمه
عمن سواه..

يا صاحب الهم إن الهم منفرج *** أبشر بخير فإن الفارج الله
اليأس يقطع أحياناً بصاحبه *** لاتياسن فإن الكافي الله
الله يحدث بعد العسر ميسرة *** لاتجزعن فان الصانع الله
إذا إبتليت فثق بالله وأرض به *** إن الذي يكشف البلوى هو الله
والله .. مالك غير الله من أحد *** فحسبك في كلٍ لك الله..


__________________________________________________ __________

ياحياتي صديقيني ربي بيفرجها وروحي الجمعيه الخيريه او الضمان ويارب يساعدونك حسبي الله ونعم الوكيل ع بعض الاباء
تقبلي ودي