الله يسعد مساكم يارب اخواتي الغاليات عدنا لكم من جديد
كما ذكرنا سابقا سنستمر بطرح المسابقة باستمرار
والاتاحة لاقلامكم بردودها العقلانية الداعية
راح اطرح عليكم مواقف جديدة مرة اخرى وكما تعودنا منكم التميز والاهتمام
حيّاكم الله يا غاليات
نسعد بلقياكم هنا وننتظر ما ستسطره أقلامكم الذهبية من روائع ,
كلمات من عمق الفكر ..
كلها حكمة وعقلانية ..
:
وننتظر لنرى مرة اخرى...
من ستكون صاحبة لقب حكيمة الملتقى الاسلامي..؟؟؟
لنبدء على بركة الله
راح اعطيكم نبذة صغيرة عن المسابقة للتذكير سنطرح مواقف ومشاكل بحاجة لحلول سنعطي حلول دينية لكل المواقف بأقلامكم الرائعة وان شاءالله كله بميزان حسناتنا جميعا يارب
سأطرح عليكم مشكلة بعدة سطور
وعليكم أن تضعوا لها حلول مناسبة حلول باسلوب ديني مثال
ان تضعي الحل بجواب وبجوابك اعتبري انكي داعية كيف تعالجي الموضوع بافضل حلول وبقلمك
ملاحظة....كما خبرناكم اي اخت حابة نطرح قصتها او اي موقف تعاني منه ومحتارة وتريد الحلول تراسلنا انا واختي ميسون المغربي وسنطرح المواقف بسرية تامة ان شاءالله الله يهدي بالكم جميعا يارب
الموقف الاول
انا متزوجة وعمري 39 وعندي 4بنات وولدين الله يخليلي اياهم المهم حياتي مستقرة كانت والحمدالله
والكل بحسدنا فجأة اكتشفنا اصابة ابنتي وعمرها 12 سنة بروماتيزم القلب ودخلنا مرحلة علاج صعبة جدا
وتقبلنا الابتلاء بحمد وشكر انا معلمة مدرسة وكم عانيت وتعبت على ابنتي حتى انا نزلت 20 كيلوا كنت سابقا.......اتمنى انزل وزني نزل من الهم والزعل عليها اشكر الله على كل شيئ
القصة هي انا ملاحظة تغير زوجي معي من فترة وصرت اراقبه باستمرار لاعرف سبب بعده عني وبروده
اكتشفت انه بحكي مع بنت على الايميل والتلفون وللأسف واجهته بهذا الأمر انصدم اني شلون عرفت هيك عم بصير معه وجن جنونه علي وحكالي اللي بدك اياه اعمليه واعترف ومانكر اي امر وحكالي ماالك في ابدا حلي عني انا حر حتى انه هاجرني من فترة وكارهني
هاي صدمتي الكبيرة بكتبلكم ودموعي على خدي من وجعي وماحكيت لحد من اهلي ومعي ضغط وماعم بنزل
مو عارفة شو اعمل مابدي احمل حمل جديد لاهلي بعد خروج ابي من المستشفى ولسعته تعبان ومابدي اكبرها بس انا ممكن اذا اتزوج علي اموت من القهر لانه انا كتير كويسة ومدللته وحلوة انا بحيرة يااخواتي ساعدوني لمين اروح مابدي اعمل مشاكل عشان انا مش حمل مشاكل ابدا ولو الاهل دروا في مابخلوني عنده ابدا محتارة وبطل يحكي معي باالمرة بكفيني هم بنتي يعني الامر صعب جدا جدا الخيانة مااصعبها
اعطوني حلول تريحني رجائي لكم وادعولي بهداة البال ويبعد البنت عن زوجي وشكرا
ّّّّّّّّّّّّّّّّّّّّّّّّّّّّّ
الموقف الثاني
شلونكم انا ترددت كتير بكتابة قصتي التي غيرت كل حياتي حتى لو زوجي دري اني بكتبلكم قصتي مابعرف شو بعملي بس ثقتي كبيرة بربنا وباخواتي االانفاس وميسون المغربي
انا شامية ومتزوجة من شامي وسافرنا على دبي وجبت بنتين يخليلي اياهم بجننوا زوجي كتير مزاجي بضل يتغير علي مرة بقلي بدي اتزوج عليكي ومرة انحفي يابطلقق !!بصراحة عقلي طار مني بسببه حتى اهله بخبروني انه الله يعيني عليه كنت اروح زيارات على اهلي باالشام ويجي ياخدني بعدين بعتني وماعاد اجا ولارد على تلفوني عرفت بعد كم شهر انه نزل وراي للشام وخطب عروس جديدة شامية ورجع لدبي وفاجأني وبعتلي ورقة الطلاق!!! هاي صدمتي فيه وخبرني انه مابده اياني وانه عرسه قريب يعني العروس رايحتله لدبي ابي اقنعني اجاكره ابعتله بناته لدبي وبعتن بعد عرسه باسبوع دست على قلبي ومشاعري بعتت روحي لعنده وانا بتعذب بس لأنه ظلمني كتير حكيت مابدي هنيه انه كنت مدللته متل الملك وحطيته على راسي وبحبوه كتير مر كم شهر واحكي باستمرار مع بناتي على النت وعلمهم يصبروا وضل متابعتهم وهو ماحرمني ابدا منهم لحتى اتقدملي شب كويس انا رفضت الموضوع فورا لكن اهلي بدهم يسعدوني بأي طريقة المهم صار قبول مبدئي وحكيت لبناتي عرف زوجي ولو اتشوفوا شو عمل يحكي معي ويبكي بكى لحتى ماوافق وانه بموت في واني روحه وهلأ بس اتزوج عرف قيمتي بس واذا برجعله بطلق مرته الجديدة مابعرف شو الزلمة والله تعبني كتير وانا فرحت لحتى ارجع لبناتي اول شي وربيهم مالقيته الا اسبوع وجاي وطلبني مرة تانية وسالته وين مرته قلي بتزور اهلها باالشام وبعدين ببعت اخدها لعنا قبلت انا لاني مابقدر ابعد عنه وعن بناتي وارجعت لدبي ضلينا كم شهر متل العسل بعدين مابده مرته بده يطلقها وطلعت حامل ياحرام وضله يخبرها مابده اياها جننها كمان هي مسكينة وحاليا عمر ابنه سنة وماشافه الا باالصور ومرته عم تستنى ياخدها لعنده وهو محتار يحطنا مع بعض او كل واحدة لحال
انا ماعندي مانع زعلانة عليها بس هي اللي دخلت حياتي وعرضت انا عليه يجيبها ووافقت تعيش عندي وبيجي بقلي هاي ماابتستاهل مابتحبك مابدها اياكي معها وبدها طلقك ومرة بحكيلي مشتاق لابني كل مرة شي وانا قابلة بكل شي بس بدي ارتاح عمبحمل ونزل من الزعل هو بموت علي ومابحبها قال بس بده ابنه
وماعمتزبط الي سنتين ماشفت اهلي وماانزلت للشام خايفة انزل ويرد مايطلعني يطلقني ويجيبها اه بس اه
هاي قصتي وبعتذر طولت عليكم عموت بااليوم مية مرة من التفكير خايفة على حالي وعلى بناتي ومنه ومنها ومن كل شي ساعدوني بحلول طيبة تعبت كتير ادعولي الله يخليكم حبيباتي
انا بضيقة لايعلمها الا الله وشكرا
ّّّّّّّّّّّّّّّّّ
هاي هي المواقف اخواتي نقلتها لكم كما كتبتها الاخوات الله يهدي بالهم ونترك الحلول الدينية الطيبة لكم
ننتظر مشاركاتكم ياحكيمات
تفضلوا لوضع حلولكم على هذا الرابط
الجزء الثاني..لوضع الحلول الحكيمه لمواقف ((ملتقى الحبه الاسلامي))
اخواتكم ميسون المغربي
والانفاس الصامتة
الله يوفقكم يارب
الجزء الثاني لمسابقة من ستكون "حكيمة المُلتقى" ((الاسلامي)) تفضلواّّّّ - الشريعة الاسلامية
رد مع اقتباس
