عنوان الموضوع : طلعوني من اللي انا فيه تكفووون الطبيب يجيب
مقدم من طرف منتديات نساء الجزائر

طلعوني من اللي انا فيه تكفووون



السلام عليكم ورحمه الله وبركاته

باتطرق لمشكلتي على طول

بصرراحه ترددت كثير قبل مااكتب بس ابي منكم تطلعوني من الحاله اللي انا فيها لاني بانجن

السالفه ومافيها دراسه وخلصتها من زمان المهم وزواج ومحد دق الباب بس المشكله كان الوضع عندي عادي قبل واقول نصيبي بيجيني وحاولت اشغل نفسي وشاركت بمنتديات كثيره ومن كثر ماشاركت خلوني مشرفه

المهم لي فتره يمكن شهور او سنه احس فيني اكتئاب وضيقه فضيعه صديقاتي كنت اكلمهم واوصلهم بفتره ملكتهم المهم تخيلوا وتزوجوا ولاعزموني ع الزواج انجنيت وبكيت قلت ليش رغم انهم عزموا البنات اللي بحارتي وقلت بالطقاق يحسبوني باحسدهم رغم اني كنت ااغطي عليهم كثير ايام الجامعه وسويت لهم اشياء كثيره هم ماسووها وانا اللي قهرني وفقع كبدي ومرارتي اعرف كم وحده من صديقاتي كانوا الله يستر عليهم بس اللي تكلم شباب واللي تقابل والله رزقهم وعايشين حياه خياليه ماشاء الله وانا بصراحه احيان تجيني افكار اقول ليش هم وانا لا واستغفر واحيان اقول باسوي مثلهم ع الاقل احس احد يتغزل فيني او يحسسني بعاطفتي واجلس اقول لا انا مو خااينه في راسي ميه كلام ومشتته وقطعت شعر راسي من التفكير والهم ونفسيتي حييل تعبانه واحنا مانطلع من البيت ابد حتى باالاعياد وانا باموت من القهر لاطلعه ولاجيه وعايشه بقريه مافيها شي واللي هبلني الحيين طلع فيني ورم بالرحم ونفسيتي زادت اكثر خصوص الدكتوره تقول مقدر اسويلك شي وانتي بنت بكيت حتى شبعت هذا وانا بنت فيني امراض من بيرضى فيني ساعات اقول المفروض اتزوج مسيار استر لي ولا امشي بدرب الضياع وساعات اقول لا اصبري ياندى وبيرزقك ربي بالاحسن منهم كلهم بس مرت سنه وسنتين وسنين وانا انتظر وطال صبري وصاحباتي عيالهم بالمدارس وش اسوي وربي صرت احس بنار تحرقني وغيره واحس اني عصبيه واكره اي وحده تتزوج ومدلعه لاتطبخ ولاشي اقول بيني وبين روحي ماتستاهل الزواج

مدري اشفيني قبل كنت اواظب ع الصلوات والقران وقيام الليل والحيين عكس اكره الصلوات وفيني وساوس واحس اني مظلومه واشوف حياتي كئيبه مو مثل غيري حاولت مااقارن بس ماقدرت

اكتب لكم وانا ابكي تكفون طلعوني من حالتي انا اتظاهر قدام الناس اني فرفوشه لكن من جوا غيرررر وش السوات

>>>>> ردود الأعضـــــــــــــــــــاء على الموضوع <<<<<
==================================


لاحول ولا قوة إلا بالله

الله يشفيكِ يارب

اختي من صبر ظفر ربي سبحانه وتعالى

يختبر صبرنا انتي صبرتي سنين طويله اصبري

وإن شاء الله راح تحققين حلمك وتتزوجين

ماتدرين لو جاكِ واحد وبس وعشتي بذل وإهانه ربي ماكتب لك تتزوجين ألحين

يمكن بكرا أو بعده أو بعد شهر يجيكِ الإنسان الطيب اللي يصونك

حافظي على الصلاة وعلى الأذكار

وربي بيفرجها عليكِ إن شاء الله

الله يرزقك بالزوج الطيب الصالح اللي يسعدك يارب


__________________________________________________ __________

يقولك ي اختي

لو اطلعنا على الغيب ما راح نــرضى إلا باللي ربــي كتبه لنــا

ارضي و احمدي الله على نعمه

ما ندري وين الخير !!


__________________________________________________ __________

ان شاء الله ربي يفرجها


__________________________________________________ __________

بسم الله الرحمن الرحيم

ي حبيبتي ي ندى

هونيها وتهون

علميني هالحين الي تزوجن وش لقن ؟؟؟

شوفي الخيانات والعذاب والبخل والضرب والاهانات وووووو

ي حبيبتي

الحياة عبر .... ممر

الي يمر فيها راكب والي يمر فيها ماشي

والي يمر فيها يزحف

هذا قدر الله علينا

مالنا الا الصبر والرضى بماكتب الله

من خير او شر

لان ببساطه اذا رضينا الله واجرنا

واذا جزعنا ماغيرنا من واقعنا شي والاجر فوتناه

وشعور الرضى اهدى واحلى من الجزع والتسخط

ي حبيبتي ي نداوي

عيشي لنفسك

موب للرجل الي يمكن لو انه جاء يمديك تعالجين بعيادة نفسيه

تأكدي ان الله حنون رحيم

يختار للانسان الاريح والاكرم له

الناس مااااااااااااااااااااااااااااااعليك منهم

الي يجيك بطيب تعالي اطيب منه

والي يجيك بردى سوي روحك مادريتي ولانتيب يمه


علميني منهو الي سلم من الناس ؟؟؟؟؟؟؟؟

الله سبحانه وتعالى ماسلم من شرهم ادعوا له صاحبه وولد وشريك وبخل وهو الله رب الارباب

الي خالقهم ومكونهم تعالى اللــــــــــه عمايقولون علواً كبيرا

الرسول صل الله عليه وسلم قالوا مجنون وكاهن وساحر وكذاب

واذايا اشكال والوان

فمابالك بالناس وبعضها

ي حبيبتي جدولي لنفسك جدول السعاده

الحياة ما تتوقف على رجل

عيشي حياتك بحدود مايرضي الله

ان جاء الله يحييه .... وان ماجاء مهيب نهاية العالم

واسأل الله ان يرزقك بالزوج الصالح من واسع فضله

اطلبي الله حاجتك واتصدقي على النيه وصلي الليل

بس لاتشقين بعمرك اما جاء والا تكتئبين وتحوسين عمرك

لا ي قلبي عيشي الجمال والدلال يكفيك انك انثى يليق الها الدلال

ولاتحسدين الناس تضيعين حسناتك على شي يمكن الناس تعاني منه وانتي تشوفينها نعمه تستحق الحسد

الله يعلم بالخوافي

وتأكدي ان كل قصه تحتها غصه

ومحد بدنياه متهني ومرتاح حتى لو ظهر للناس ذلك

خلك مؤمنه بربك تحققين الغايه الي خلقك الله من اجلها

وتعبدينه سبحانه حق عبادته وتصبرين بمواضع الصبر وتشكرين بمواضع الشكر

واحمدي الله على العافيه

الاورام فيه لها علاج بالليزر

ومو معناته طبيبه قالت لك ان م اقدر اسويلك شي

ان الحياة انتهت

الطب مايتوقف والاطباء مهاراتهم تختلف والطبيب الواحد نفسه يتطور اذا كان مجتهد ومركز

شوفي اطباء غيرها واسأل الله لك الشفاء التام

اشربي زمزم على نية الشفاء

واسأل الله ان يجعل لك من امرك يسرا

وسعي قلبك اخرتها قطعة من الخام

مافي شي يستاهل الزعل والضيقه


__________________________________________________ __________

ونا كمان طفشانه وزهقانه وابي افضفض

للاضافع على الواتس اب 0534262938