عنوان الموضوع : البيت وزوجي ..
مقدم من طرف منتديات نساء الجزائر

البيت وزوجي ..



السلام عليكم ورحمه الله وبركاته..
**
بنات ساعدوني بمشكلتي والله تعبت مالقيت له حل ..**
طبعا بتكلم عن نفسي انا متزوجه من 3 سنوات وشووي من ولد خالتي وكان مطلق وماعنده عيال .. والحمدالله ربي رزقناا ببنت ..
المشكله تبدا من السكن مع اهل زووجي انا ساكنه معاهم عندي غرفتين وحماام وساكن معانا بالبيت 2 من خوانه صغار مو متزوجين وعندده 2 متزوجين **اكبر منه وساكنين برا..
طبعاا زووجي قال لي بعد ماتزوجناا انو مايقدر يترك اهله لانه وعدهم **واساسا هو وعدهم بسبب انه ابوه بنى هالبيت عشان يسكن كل عياله وطبعاا الكل وافق **وايد الفكره خصوصا المتزوجين ماعاد زوجي سكت ..
المهم الي صار اتبنا البيت وسكن اخوه المتزوج ام الكبير هون ومايباا بسبب شي تافه**
الي حصل صارت مشكله برضوو تافه وطلع اخوه من البيت هو وحرمته وسكن ببيت بدون ايجار طبعا من الدوام.. طبعا صارت المشاكل كلها قبل عرسي باسبوعين**
المهم صاارت مشكله وقلت لزوجي دور بيت انا مو ماخذه حريتي ابدا بالبيت والسبب خوانه طالعين ونازلين نفس الشي خوانه الي برا كل شوي يطبون عندناا انا تعبت كله محبوسه بغرفتي وزوجي تحت وياهم وكل ما اقوله نطلع يقول عيب كيف اسيبهم بالرغم في خوانه الباقين.. **وكل شوي يقول انا وعدت اهلي ما اسيبهم وسكتت قلت مابي مشاكل.. رغم اني ما اشوفه الا بالليل بحكم شغله وكليته..
المشكله الكبيره الي حصلت انوو انا وزوجي مجمعين فلووس عشان نقدر نبني لانوو زوجي عنده ارض ومنتظرين يخلصون الخدمات الي فيها **اظن بعد شهرين بتكون جاهز..
المشكله الي طلعت لنا انوو ابووه قرر يبني جمب البيت 3 فلل والي يبي يبني يدفع انا قلت لزوجي انا موحابه اسكن بالفلل الي بتنبي لانوو ماسويت شي وقلت بعد دام الارض حقنا بتجهز خلاص نجمع بعد لين ماتخلص.. قال انا بعد مفكر كذا ..
المهم الي قرر يبني اخوه الكبير واخوه الثاني.المتزوجين. واخوه الصغير الي بعد زوجي .. وحددوو كم المبلغ وكلهم وافقوو ماعاد اخوه الثاني قال ماعندي فلووس هونت مابي ابني وابوهم عصب من المووضووع وزعل منهم وزوجي عشان يرضيهم قال انا بدفع لاخوي المبلغ نص انا ونص الثاني اخوهم الصغيير ...
اناوزوجي حارمين نفسناا من اشياا كثييره بسبب انو حابين نجمع. **
وزوجي ماقالي انوو بيدفع لاخووه طبعا المبلغ فوق ميه الف انا سمعت بالصدفه ونا نازله للمطبخ.. وانقهرت وصارت مشكله وقلت له انا الاولا انك تتطلعني من هالبيت رغم انوو اخووه عايش بدون ايجار ومرتاح **وعنده سيارتين ماشاء الله ..**
فما ادري يابنات عندي حق انو ازعل ولا لا بس انا والله مو معترضه يساعد اخوه بالعكس بس بالمعقول مو كل المبلغ الي جمعناه اصلا زوجي بعد بيدفع فلوس للكليه 70 الف ..
ونا قلت لزوجي فكر بمستقبلناا مو تفكر باخوك هو يرتاح لما تنبني فيلته ونحن لسه قاعدين بيت اهلك غرفتين وحمااام وبعدنا نجمع بهالفلوس ..

ساعدوني وش اسوي ماقدرت اشكي لحد من هلي لانوو الي فيهم مكفيهم واصلا انا بعيييييده عنهم هم مدينه ونا بمدينه ..**
**والحين انا وزوجي صارلناا 4 ايااام متزاعلين ..

الي عندهاا الحل ماتبخل والي ماعندهاا ترفعلي الموضوع..الله يجزاكم خير

بليزز نزلوو موووضوعي ...

>>>>> ردود الأعضـــــــــــــــــــاء على الموضوع <<<<<
==================================


انا برأيي انو انتي معك حق تزعلي طالما هو قادر يطلع المفروض انو يفكر براحته وبراحتك والمبلغ اللي حيدفعه لاخوه مو هين بس انتي حاولي تسايري وتتحايلي عليه
بالكلام الحلو ويعني تكوني عارفة الباب اللي تدخليله منو
والله يعينك ويصبرك


__________________________________________________ __________

وييييييييه لو اني منش حرقته

بعد اخوه مهو عجزان وساكن برا البيت ومتهني وعنده سيارتين

خييييير والله يدفع له
وانتي الي حالتك حالة في بيت اهله ومكتومة معاهم

الحل انش .. تحاولي تخليه يغير رايه
ما يصر على رايه ويعاندك
تمسكني له
و وريه شكثر ان صعبة العيشة في بيت اهله

وربي يوفقكم


__________________________________________________ __________

الله يكون في عونك
تكلمي مع زوجك و تصالحي معه و كل مرة يكون فيها رايق و مبسوط كلميه في الموضوع بلطف و ادا رفض اتركيه و عاودي كلميه بعد مدة
ان شاء الله ربي يفرج عليك


__________________________________________________ __________

مشكورين الي ردووو الله يجزيكم الخير..
...
انا خاايفة انووو يدفع المبلغ بدون ما ادري فماا اعرف اش اسووي ...؟
وحتااا لو تناقشت معاه بسرعه يعصب وبالنهايه يقول هذاا اخووي...
..


...استغفر الله ..


__________________________________________________ __________

قولي اخوك علي العين والراس بس انالي حق اشترلي راحتي وحريتي