عنوان الموضوع : ضربني والسبب عزومه....؟ الطبيب يجيب
مقدم من طرف منتديات نساء الجزائر

ضربني والسبب عزومه....؟



السلام عليكم ورحمه الله وبركاته

خواتي الغاليات الله يعلم اشكثر احب هالمنتدى

مشكلتي انا اجتماعيه حيل واحب العزائم والطلعات والتعارف اتمنى يكون عندي صديقات من كل الدول
تزوجت من سنتين واكتشفت انه زوجي ما اجتماعي ابدا ويكرة شي اسمه عزومه يعني انا من تزوجت لحد الحين ولا شخص عزمناه في بيتنا والسبب هوو ..
كلمته اكثر من مرة وقلتله لازم نطلع عند الناس والناس تجي عندنا عشان نعرفهم ويزورونا ونتعارف قال لا
قلت عيل اريد اعزم ربيعاتي عشان يشوفوا بيتي وعشان ازورهم لاني انا ساكنه بعيد عن اهلي
قال لا
طب ليش ؟
بس كذي
ما يصلح انا مو متعودة كذي انا بنقهر اشوف الجيران كل يوم والثاني يجوهم ضيوف وانا لا
ويرد عليي ويقول وانا ايش دخلني

تعبت والله معه

حاولت اقنعه بكل الطرق بس ما رضى اخر مرة كنت رايحه بيت اهلي في الطريق قلتله ايش رأيك نعزم اهلي وايد وناسه قال لا

وصرت اصارخ عليه حتى اهلي ما تبيهم وكذي اتنرفزت ما اشوفه الا وقف السيارة وقام يضربني وقال لا عاد تجيبي سيرة العزومه هذي

بالله عليكم ايش اسوي

تصدقون اقرأ كل يوم سورة البقرة وادعي ...

يا عزيزاتي الغاليات انا بصبر ولو اني ما قادرة اتحمل اكثر بس باكر بيكبروا اولادي اكيد بيحبوا يعزموا ربعهم وانا ما اقدر اعملهم شي غير

>>>>> ردود الأعضـــــــــــــــــــاء على الموضوع <<<<<
==================================


الله يعينك


__________________________________________________ __________

لاحول ولاقوة الا بالله الله يفرج همك ليش ماتتكلمي معه بتفاهم تقنعيه يقنعك ممكن توصلو لحل

الله يساعدك يارب


__________________________________________________ __________

الله يعينك حبيبتي انشاء الله حيقتنع بالتفاهم والكلام الجميل حاولي بس تعرفي كيف تقنعيه وانشاء الله حيصير خير


__________________________________________________ __________

الله يعينك ويسخرلك زوجك


__________________________________________________ __________

عزيزتي
لي صديقه نفس مشكلتك هيا جدا اجتماعيه وهوا لا
لكن هيا بعد صبر طويل قدرت تغير منه
حاولي باسلوب غير مباشر
يعني قولي له صديقاتي بيجو عندي انا ما ادري شنو اسوي
اخجلت اعتذر منهم
وهكذا لين ما يتعود