عنوان الموضوع : عايشه مع جدتي -تم الاجابة
مقدم من طرف منتديات نساء الجزائر

عايشه مع جدتي



السلام عليكم ..
اخباركم ؟ ان شاء الله تكونوا بخير يارب؟
انا عمري 16 تربيت من صغري عند جدتي ام امي طبعا ..
وانا في قرية وامي في قرية ثانية ..
ماتجي بيت اهلي الا الخميس والجمعه واحيانا ماتجي
وطبيعي بكون متعوده ع جدتي اكثر من امي حتى اكثر من ابوي !
وابوي صار كل يوم اربعاء يجي ياخذني لآمي هناك
لان ايام الاسبوع انا ادرس هناا .. غير القريه اللي فيها هو..
وانا ما احب اروح لهم .. ومو متعوده عليها اصلا واذا رحت احس نفسي غريبه بين خواتي واخواني واصير انطوائيه وما احب اخالطهم..
اصلا ابوي نفسه مااطيقه مااحبه..
لاتقولون ما يصير بس شسوي قلبي م يحبه ولا اطيقه ومااطيق اطالع وجهه..
مره من المرات تقدم لي ولد عمي من فترة.. وابوي يبي يجبرني الا اوافق
بحكم انه له مستقبل وشهادات علياا
...
ويبي يجبرني الا اواقف عليه .. وانا رافضه بهالوقت اني ارتبط وانا
مو قد هالمسؤليه ابد.. دام انه عمري 16..
والشي اللي قاهرني انه يبي ينقلني من مدرستي اللي انا فيها وبيوديني
هناك عندهم ..
انا اعد الساعات لما اكون هناك علشان ابي الفكه وارجع بيت جدتي
فكيف اروح انتقل هناك للأبد عندهم ..
اي خطآ ارتكبه يسوي مشكله كبيره ويسوي من الحبه قبه
وياخذها حجه علشان ينقلني بس..
وهو اذا مانقلني الحين بيجبرني وينقلني اذا رحت للجامعه لانه يموت ع الفلس
علشان ياخذ مصروفي .. وهو مقصر على امي وخواتي واخواني حيل ..
وكان يهددني يقول اذا م وافقت على ولد عمي راح يبعدني عن جدتي لانه يعرف ان جدتي غاليه على قلبي حيل ومستعده افديها بروحي
شسوي انا محتاره وافكر بهالموضوع كثير اتخيل وضعي لما ارتبط بولد عمي غصب عني شلون بتكون حياتي وانا مو متقبله خوصا ان زوجة عمي مصره تبقيني بحكم انهم يدرون على الجمال وصاحبة العيون الخضر وبين فتره والثانيه تجي بيت ابوي وتملي راسه وتقول له انتبه تفرط فيها وهو يسمع كلامها الحمد لله والشكر الله يخليكم ساعدوني مالي غيركم حبيباتي بذمتكم ي اداره نزلوا المشكله انا محتاجه احد يسمعني ويساعدني..
ادعوا له الله يهديه وما يجبرني .. لاتنسوني من دعائكم حبيباتي

>>>>> ردود الأعضـــــــــــــــــــاء على الموضوع <<<<<
==================================


يااعمري انتي
مااعرف والله ان شاء الله البقيه يفيدوك
انا لو انا مكانك مااباوافق
لان اصلا اذا ماتم هالزواج بترجعي لابوكي برضوه
وانتي ادعي في صلاتك والليل الاخير يفرجها عليك وبتفترج وربي
استغفري كثير
الله يوفقك ياااارب
ويسعدك دنيا واخره
ويخليك لجدتك ويخليها لك يارب


__________________________________________________ __________

الله يكون بعونك ويفرج همك


__________________________________________________ __________

الله يكون بعونك خيتي ويهدي ابوكي لكي


__________________________________________________ __________

حياتي انتي الزواج ستر للبنت..مابي امدح ولد عمك ولا امدح الزواج,, لك رب اسمه رحيم كريم استخيريه بالامر كله ومؤكد راح تلاقين امورك انحلت وانتي راضيه تمام الرضا طالما الحل جاك من سابع سما,,خذي امورك ببساطه وحاولي تتعايشين مع ظروفك مهما كانت وحطي في بالك كل انسان ربي كاتب له رزقه وحياته وطالما ربي اللي كاتبها لنا نحمده ونشكره على جزيل نعمه..وقولي اللهم لاتجعل مصيبتي في ديني وكل الباقي يهون ياغلاهم..موفقه وربي يعطيك كل اللي تتمنينه..


__________________________________________________ __________

وينك صاحبة المشكله؟؟؟ طمنينا عليك