عنوان الموضوع : زوووووجة ظااااالم؟؟؟ -تم الاجابة
مقدم من طرف منتديات نساء الجزائر

زوووووجة ظااااالم؟؟؟



السلام عليكم ورحمة الله وبركاته


بسم الله الرحمن الرحيم

ياخواتي انا اشكي على الله ثم عليكن الورطه اللي انا فيها لاني لقيت منكن مايثلج به الصدر ::: انا متزوجه من ابني عمي وكان يدرس بالمرحله الاخيره من الجامعه وانا كذلك وجبت ولد ولله الحمد وتعين هو مدرس لغه عربيه والله يابنات كان معي قمه بالاخلاق والمعامله ويحب ولده بجنون المهم كانت امه واخته يمدحن عنده بنت اختها ويقولن له تشبه زينب العسكري المهم تزوجها وزادت معاملته اطيب من اول وكان قمه معي بالاخلاق لكن يشهد الله علي اني كنت طيبه معه لابعد الحدود والله حتى المهر كله له وانا اللي اخترت البوفيه وجبت له هديه ثمينه المهم انا متاسفه الان على كل شئ سويته له لكن حين لاينفع الندم وبعدنصف سنه من زواجه بدا يتغير الى الاسواء لدرجة حتى ولده والله مايطيق يشوفه ولايحبه وزوجته الثانيه تشوف خوف منها واذا غابت يحتظنه وكان يقول لي بيتك وسخ وغرفتك بها روائح شينه ولايدخلها ولايطيق يشوفني ويقول لي انت معك روائح كريهه ماقربك ولاتركبيني معي وولدك وسخ ماتهتمين به المهم والله يابنات كنت اطلبه الصابون والله مايجيبه وكان يميل لها حيل ولايلتفت بي تاركني لاخوانه وابوه يخلصون لي مهامي والله كانو يشفقون علي وصلت معه كب كاسة الشاي على وجهي وهي ساخنه من اجل نقاش بيني وبينها وكسر شرايح جوالي 2 من اجل ليش اكلم اختي يقول هي تشيشك علي والله يابنات حتى النقاش بيننا محرم من عندهالمهم وصلت معه طلعني منبيت الدور السفلي للعلوي يعني بيتها هي المهم قلت عاد انا وصلت حدي لهني وبس جاء اخوي واخذني وطلبت الطلاق لكن ماهو راضي يطلق 3 س معلقه عند اهلي لامصروف ولاسوال ولاهم يحزنون حتى ولده ماعمر مر يسال عليه ماكان له ولد الا سبع شهور بدايرسل عليه 200ريال فقط لاغير وش اسوات اذا رفعت عليه القضيه انا والا هو يكسب انا خايفه انه يكسبها يابنات نسيت اقولكن والله كان يلعن امي وابوي واخواني قدامي وانا مالي غير دموعي دلني على حل الله يفرجها على وعلى من ترد علي

>>>>> ردود الأعضـــــــــــــــــــاء على الموضوع <<<<<
==================================


للرفع


سبحان الله وبحمده
سبحان الله العظيم


__________________________________________________ __________

لا حول ولا قوة الا بالله
وش خلى للبعيد ؟؟
هذا ولد عمك ويعمل كذا ،،يعني لحمك ودمك
والله العالم انه مسحووور كل اللي تقوليه تدل على انه فيه شيء مو خالي
لما تقولي يكره يشوفني ويشم روائح كريهه ويكره يدخل الغرفه وو
دلائل سحر تفريق
حسبي الله ونعم الوكيل
ياختي انتي بعد الله يهديكي ليه مادخلتي اهلك بالموضوع الرجل اذا شاف الحرمه ساكته
شاش اكثر وتعالى وتجبر هي قصدها تستر وتغطي لكن هو يفهمها غلط
اذا تبين الطلاق غصب عنه يطلق مو بكيفه وخاصة انتي اذا قلتي للقاضي الضرر الواقع عليك
لان لحقك ضرر كبير
لا صرفيه ولا يقضي لك اغارض ولا مشاوير ولا معامله حسنه ولا يصرف على ولده ولا مبات ولا علاقه حميميه ولا اي شيء من مسؤلياته اتجاهكم
واذا عندك شهود بعد افضل راح يدعمون قضيتك اكثر
واذا حكم لك بالطلاق غصب عنه يفرض عليه القاضي صرفيه لولده بحسب راتب زوجك كل شهر واذا مااعطاه كل شهر ينذرونه ويجرجرونه
خليكي قويه وخذي حقك من عيونه كلمي اهله وطالبيهم يكلمون ولدهم يعطونه صرفيه كل شهر
واذا ماوافق روحي اشتكي عليه بالمحكمه
وتقدرين اذا حالتك الماديه كويسه تخلعينه (الخلع )
يعني تردين له المهر ويطلق القاضي ساعتها غصب عنه
لاززززززم اهلك بالموضوع خلي واحد من اهلك يروح لواحد عاقل من اهله ويتفاهمون او امام مسجد بحيهم يمسكه ويكلمه ويقراعليه بدون ماينتبه واذا مانفع والله مالك الا القضاء
وتقدري تتصلي على الاستعلامات وتطلبي ارقام محاميين في نفس منطقتك حتى يعلموكي اكثر وش تسوين
معاه


__________________________________________________ __________

الله لايووفق لاامه ولااخته اذا رجال مو حاط الزواج بباله ليش يمدحن قدامه فلانه وعلانه ليش هن يرضن ان وحده من بناتهن بتزوج زوجها

وثاني شي والله اعلم انه سحررررررررر


__________________________________________________ __________

لاحول ولا قوة الا بالله
معقولة في ناس كذا!!!!

انا رايي من راي الاخت اللي قبلي كفت ووفت الصراحه وهي ادرى بقوانينكم في المملكه
اسأل يفرج همك ويحفظ لك ولدك ويعوضك فيه ان شاء الله
موفقـه غاليـتي


__________________________________________________ __________

وعليكم السلام ورحمة الله وبركاته

حبية قلبي
يالبى قلبك وعيونك

من كلامك حسيتك طيبه مره وخلوقه
ماشاء الله الله يزيدك من فضله


يالغاليه..
والله اعلم احس انه مسحور ولانريد ان نظلم احد
لانه من العلامات الرائحه الكريهة والخ والانقلاب الفجاة\انا اقولك الله اعلم ولا ابي اوسوس لك

شوفي يالغاليه..
انتي مظلومه ودعوة المظلوم لاترد يالغلا
احتسبي الاجر ومن احبه الله ابتلاه
يعني اااختي شي يبرد القلب شوي ان ربي جعلك من احبابه ^^
ولاتدعين عليه يمكن مثل ماقلت


انصحك يالغاليه بالاتي
وبحول الله وقوته ان راح تنفرج امورك


1- التوبة الي الله من جميع المعاصي
2- قراءة سوره البقره والله يااختي لو اقولك وش لقيت من قرائيتي لها برررررررررركة ماشاء الله
صدق الرسول صلى الله عليه وسلم انه قال بركه
اقريها يوميا
وانصحك بقيام الليل تقرين فيها شهر كامل واكثر اقريها بنيه فرجه كربتك وشفاء زوجك\
(( وان حصل لك رويا والخ علمينا )) من واقع تجربه اقولها
3- قيام الليل فان سهم الليل لاتخطي ودعوه المظلوم لاترد الله اقسم على نفسه انه ينصر المظلوم ولو بعد مده
ابتسمي يالغلا بس واضحكي معك رب كريم عظيم الشأن
4- الصدقة ولو على الطيور حبات رز تنثرينها بالشباك او صحن مويه تضعينه بالحوش
ونيتك ربي يفرج همك ويرد اليك زوجك
حتى يالغلا شغلك ببيتك لو احتسبتي الاجر
5- اكثري من الااااااااااااااااااااااااااااستغفار كل وقتك خلي لسانك عليها
6- ربي ولدك واشغلي نفسك بقراءه القران لايمر يوم الا تقرين القران
7- ارجعي لهواياتك الي تحبينها
8- اعملي رياضه اقري كتب نزلي مواضيع مهمه في هذا المنتدى لو اشتركتي واحتسبي انها صدقه جاريه عنك

واشياء كثييييره لكن عقلي مقربع شوي ^^



يالغاليه وسعي صدرك واضحكي ولاتخلينه يضيق صدرك صح يحزن
لكن قولي حسبنا الله سؤيتينا الله من فضله انا الي الله راغبون
عند كل تشهد وكل حال\
والله العظيم عن تجربه فرجه لي كربه كنت ماره فيها والحمد لله
اكثري منها

ودعوات لاترد دعوه يونس عليه السلام ((لااله الا انت سبحانك اني كنت من الظالمين))
واللهم اني اسالك ياذا الوجه الاكرم والاسم الاعظم والعطيه الجزلى


مثل ماقلت اضحكي وسولفي وانبسطي مع اهلك
يالغلا صح صعب الي تمرين فيك
لكن والله لو القلب عارف وموقن ان النصر اتي
فتوكلي ع الله
صغري المشكله تصغر بنظرك
ان كبرتيها تكبر
وسعي صدرك وانبسطي واعتبريها فتره نقاهه
تجمعي مع صديقاتك اطلعي للمنتزهات
تمشي
اجلسي العصريه وسوي لك احلا حلاااا وتقهوي
انفضي عنك الحزن والالم



فان مع العسر يسرا



فمان الله يالغاليه
استودعتك الله