عنوان الموضوع : ضروري الي تعرف احسن دكتور او دكتورة نفسي في جدة ابغى اروح بكرة مجابة
مقدم من طرف منتديات نساء الجزائر

ضروري الي تعرف احسن دكتور او دكتورة نفسي في جدة ابغى اروح بكرة



السلام عليكم
مشكلتي باينة من الموضوع
يااااريت لو اتكرمتكم
الي تعرف دكتور او دكتورة نفسي في جدة يكونو مرة كويسين تقولي اسم الدكتور وفي اي مستشفى لو سمحت
لان حالتي النفسيه مره تعبانه والله
لاتبخلو عليا باي معلومه مفيدة
وعندي كمان مشكلة يعني مين تقترح عليا ايش اقول لاهلي انا فين رايحه
لانهم ماينفع اقولهم اني رايحة دكتورة نفسيه جدا صعببب
اهلي مو مره من النوع المتشدد بقوة بس مستحيل اقلهم اني رايحه دكتور نفسي
ساعدوني كيف اقلهم
واللي تعرف في حدود كم ياخد الدكتور بالجلسة ياخدو ولا بالشهر
علما باني طالبه جامعية يعني مكافاتي ع قدي بس ان شاء الله مايكونو يتعدو 200 او 300 بالشهر المهم نفسيتييي
اي معلومة تعرفوها ياريت لاتبخلو عليا فيها
وشكرا

>>>>> ردود الأعضـــــــــــــــــــاء على الموضوع <<<<<
==================================


مع اني ماني عارفه ايش مشكلكتك لكن نصيحه لوجه الله لاتروحي لأي دكتور نفسي والله حبالهم طويله وادويتهم ادمان
عشان كذا صلي وادعي واستغفري واستخدمي بذور القطونه تلاقينها عند العطار والله انها ممتازة لكل الامراض النفسيه انا كنت اعاني من قلق فضيع وقلبي بس يدق بطريقة غريبه وحموضه ماتنقطع شفت الموت بعيوني بس من يوم استخدمتها والله ارتحت سوي بحث عنها وشوفي فوائدها والله يكون بعونك


__________________________________________________ __________

تسلمي اخت الحلم المهاجر الله يجزاكي الف خير يارب ويريح قلبك وماتشوفي شر
والله انا عندي مشاكل مو مشكله الحمد لله على كل شي
وان شاء الله بدور بالنت على الي قلتيه واشوف
بس انا فعلا محتاجه احد يسمعني تعبااااااانة مشكلتي مره كبيره محتاجه شي مو عادييي
وتسلمي
وياريت الي عندها اي معلومة عند دكتور بجدة تقولي تكفون


__________________________________________________ __________

دكتورة سناء في مستشفى سليمان فقيه ممتازه قريبتي تعالجت عندها و ما تعطي علاجات كثيره ولا تخليك تستمري عليها طول العمر و دكتورة فاتن في مستشفى الملك فهد ممتازه اختي تدرس علم نفس وكانت تروح عندها في العيادة تدرب ..
الله يشفيك و يعافيك


__________________________________________________ __________

امين ياارب
طيب بسال سوال دحين هل دا الشي ممكن ياثر بحياتي مستقبلا
يعني انه يكون عندي سجل اني كنت اتعالج عند دكتورة نفسية
يعني ايش رايك؟


__________________________________________________ __________

لا ياحبيبتي الشي هذا مايأثر على مستقبلك ولا أحد راح يدري بس بخصوص الدكتورة سناء سالم انا سمعت انها ممتازة جدا بس عليها زحمة ماهي طبيعيه ممكن تروحي وتنتظري بالساعات عندها وممكن تدخلي وممكن لأ وانتي ماتبغين اهلك يدروا عشان كذا احسها انها صعبه عليك بس انتي ياعمري ادرى بظروفك والله يشفيك ويعافيك وعلى فكرة انا رحت مع وحدة اعرفها ولا قدرت تدخل عندها