عنوان الموضوع : بنات لو كنتوا مكاني كيف رااح تعاملون هذي المعلمة..
مقدم من طرف منتديات نساء الجزائر

بنات لو كنتوا مكاني كيف رااح تعاملون هذي المعلمة..



بسم الله الرحمن الرحيم
السلام عليكم ورحمة الله وبركاته
كيف :حالكم يا بنات ....عساكم بخير
بسم الله ببدأ..أنا ياطويلات العمر في ثالث ثانوي ولله الحمد هادئة وخلوقة وكل بنات الفصل والمعلمات يحترموني الا معلمة وحدة فاقعة عندي المرارة من السنة الي راحت من تشوفني تقولون شايفة شيطان والعياذ بالله تخز من صباح الله خير ربي عفوك ورحمتك وانا مطنشة كل الي تسويه واسوي نفسي عمية مااشوف شي وتناسيت الموضوع لأنها تعاملني زين في الفصل مو هنا المشكلة يابنوتات المشكلة
صايرة هالسنة هذي الأبلة صارت تدرسني لكن صارت أدهى من قبل صارت علة ع القلب صرت مااتحمل حصتها تخيلوا في الحصة مو فالحة الا تخزني ولا وماتقومني الا مرة ولا تطورت صارت أبدا ماتقومني لو يصير الا يصير تخيلوا صايرة تدخل الفصل وتسلم وتطالع البنات وبس تجي الجهة الي أنا قاعدة فيها تسوي حركات بعيونها واشوي وكأنها بتقول أف ..قومي بعد وضربيني وصايرة في الفصل ابد مو معبرتني مطنشتني ع الاخر يعني حتى لمن تسأل سؤال جماعي للفصل لمن أجاوب تطنشني وارجع وأجاوب مرة ومرتين وثلاث ولا معبرتني وبس ترجع تعيد السؤال للبنات ليه يعني وش هالاسلوب ومرة طلبت مني أبلة الدين أجيب دفترهااا من غرفة المعلمات ودخلت الغرفة وكانت زحمة من المعلمات الي واقفة والي ماادري وش تسوي وشفت هذي الأبلة في وجهي قلت في نفسي خل اروح اسئلها وين مكتب الأبلة لأني ماكنت اعرفه وماتصدقون يابنات أني ندمت قد شعر راسي ليتني ماسألتها صدقوني أني سألتها بأدب واحترام ..أستاذة لو سمحتي وين مكتب أبلة فلانة؟عاااد ردت علي بأسلوب وقح الصراحة فشلتني قدام زميلتهااا ولا ولاعلمتني مكانه عدل تقولي اخر واحد طيب ياكثر الطولات وش عرفني عاااد هي حست أني ماعرفته قالت لي شوفيه ثالث واحد لا وبأسلوب معدوم زين بعد ماقامت وضربتني وطلعت من غرفة المعلمات وانا منقهرة وش هالاسلوب ليه ماتحترمتني مثل مااحترمها رغم أني شاطرة عندها ومؤدبة وتعاملني بهذي الطريقة اجل المشاغبة كيف أتعاملها والي لسانها طويل ؟؟؟؟بنات خلاااص أنا طفشت منها ومن تصرفاتها صايرة تحتقرني وتخزني وماتقومني في الحصة والحل معهااا وانا متأكدة أني ماسويت شي يستدعي كل هالاسلوب المعدوم كلمت صديقاتي كلمت إخواني ماحد فادني بشي بنات ابي حل صدقوني أنكم مثل أخواتي وإدري أنكم راح تساعدوني من بعد الله سبحانه ...وأي سؤال أنا في الخدمة وسلامتكم

>>>>> ردود الأعضـــــــــــــــــــاء على الموضوع <<<<<
==================================


السلام عليكم رحمة الله وبركاته
ياعزيزتي
ولو اني مااهتم كثير بموضوع العلاقه بين المعلمه والطالبه عدا الاحترام والتقدير واداء الفروض اليوميه واجتياز الامتحانات بشكل مرضي
ولكن مادام الموضوع يألمك ويزعجك اعتقد لو تخلين ولي امرك يجي للمدرسه يكلمها بهدوء يكون احسن
اما ان شفتي انه درجاتك ومستواك ممتاز في مقررها فرأيي تطنشين وخلاص
ماباقيلك الا هالسنه ان شاء الله وتروحين للجامعه
وبعدها علاقتك بكل المدرسات تصبح ذكرى

ربي يوفقك عزيزتي ويحميك من كل شر
امين يارب


__________________________________________________ __________

انا لو اني منك بالجزمة الله يكرمك اعدلها اسلوبها


عطيها وجهك التاني وربي تخاف وتحترمك

والله يوفقك يارب


__________________________________________________ __________

خلي امك تجي وترويها كيف شغلها


__________________________________________________ __________

انا من رايي تكلمين المرشده الطلابيه بمدرستكم

كل المدراس يحطون وحده مخصصه لمشاكل الطلابات ولهذي الامور

روحي قولي لها وصدقيني بتساعدك

وان ماساعدتك ابدا طنشيها ولاكانك تشوفينها


__________________________________________________ __________

اممممممممممم والله ياقلبي احسن شئ وافضل شئ تسوينه اذا مستواك ممتاز

انــــــــــــــــــــك تطنشينها ولا تسويلهااا سااالفة ولا تتناظرينها حتى النظر وحتى تدخل للفصل لاتشوفيلها وحاولي تركزي نظرك للصبورة متلا ولا اي حاجة

واذا سألت في الحصة ارفعي يدك مرة وحدة في كل حصتيتن حتى ولو سألت عشر اسألة ولو ماترفعيش يكون احسن

الاهم تكون امتحاناتك واختباراتك في مادتها تماام وكراساتك مية مية والباااقي طنشي

ومو لازم تكلمي احد الا اذا غلطت في درجاتك بعدين سوي شكوى وكلمي الكل واجعلي الفصل يشهدلك انك تشاركي وهيا ماتقوم فيك

بس طنشــــــــــــــــيها ولا تسويلهااا سااالفة

تحياااااتي