عنوان الموضوع : عايشة بجسد من غير روح
مقدم من طرف منتديات نساء الجزائر

عايشة بجسد من غير روح



السلام عليكم بنات
بنات انا حبيت بس افضفض لكم ادري يمكن مب مشكلة لانة مالها حل احس خلاص

انا متزوجة من ثمان سنين تزوج وانا صغيرة عمري 17 وقتها ماعرف شنو يعني الزواج يعني ماعرف انة ارتباط طول العمر
وللعلم ماكنت موافقة بس مدري كيف تزوجت وماخلصت تعليمي
وزوجي ما احبة وماكنت اعرف شنو يعني الحب هو للامانة طيب ويصلي وكل شي فية زين بس مدري تزوجتة وماعرف شنو يعني الزواج وكلة الوم اهلي واكلم نفسي من بعد ماعرفت شنو يعني زواج صرت اكرة اهلي بس ماقولهم بشي بس داخلي اكرهم موت والله بس الحمدالله انا طايعتهم وماحسستهم باي شي
وعندي ثلاثة اطفال يعني تقدرون تقولون زواج تقليدي ماحسيت باي شي ناحيتة ماحسيت نفسي احبة ابد ابد مع اني اطيعة واعاملة باحترام وهو بعد نفس الشي
صرت اكرة الحياة والله اللي عايشتها احس اني افتقد الحب والله لا تقولون ليش ماحاولتي تتقربي منه او تسوين اشياء رومانسية والله اسوي وكل شي بس احس من داخلي بس كلة امثل تمثيل بتمثيل ماحس من ناحيتة بحب او اي شي والله كرهت عيشتي يعني من اول ماحبة وتزوجتة غصب وكنت صغيرة ماقدرت ارفض فوق هذي اعاملة باحترام وحاولت احبة واكذب على نفسي وصار عندي عيال ومن بعد ماصار عندي عيال حاولت احبة اكثر وماقدرت
والله انا ماحس باي غيرة علية لو اشوف يكلم بنت او اي شي ماهتم ماحس بغيرة او زعل بس اتصنع الغيرة ولا عادي عندي
حتى لو يمكن اقولة يتزوج عادي بعد بس ماحب الا اني اكون انا بحياتة مو معقولة بعد كل هالتضحيات وارضى بوحدة يتزوجها مو عشان اني احبة او اغير علية لا
يا جماعة اكتب والله وانا ابكي لما اشوف اثنين يحبون بعض او توهم خاطبين اتحسر والله حتى لو متزوجين اسمع كلامهم لما يسولفون كل وحدة تقول انا ماقدر اتخيل ماسمع صوت زوجي ووحدة ثانية تقول ماقدر يمر يوم من غير ماطرش لة مسج او ماقدر على بعادة اسمع كلامهم واتحسر والله
وحتى اني اشمئز منة ااذ قرب صوبي بس اتصنع واسوي روحي عادية اسمحو لي على هالكلام بس هذي الحقيقة
مع اني حاولت اتصنع وامثل بس تعبت ماحس بشي والله اتمنى بس لو ان الزمن يرجع لورا ويكون كل شي بيدي واختياري لو كان كل شي بيدي واختياري وقتها ماراح اتحسف واندم بس كل شي مو بيدي والله
ادري بتقولون عندك عيال خلص ربيهم وعوضيهم وهذا اللي اسوية بس صدق الوحدة محتاجة حب محتاجة تبادل اللي تحبة هالشعور مو من طرف وااحد
واعرف بتقولون لي مو شرط كل الازواج عايشين بقمة الرومنسية والحب ادري بس اقولكم بالنسبة لي هالشي ضروري لو انة كان اختياري استاهل بس ماكان اختياري كل من ورا اهلي وماكنت اعرف اتصرف
يعني انا ماكتبت عشان تلاقون لي حل لاني حاولت وحاولت اضحك على نفسي ماقدرت وبنفس الوقت صعب اني افكر اتطلق شي مو سهل
بس شسوي كتبت من الغصةوالحزن اللي فيني احس اني عايشة بجسم من غير روح ماصرت اهتم بشي

>>>>> ردود الأعضـــــــــــــــــــاء على الموضوع <<<<<
==================================


للرفع ..............


__________________________________________________ __________

شوفي غناتي اول شي انتي حاطه في بالك هالشي معني اتوقع انه يموت فيك ويحس فيك انتي جربي سوي نفسك تعبانه وحاولي تصيري في بيت اهلك كم يوم عشان يحس بفراقك لان ما يحس بالشي الى الى فاقدنه وانا عندي آيات لو تقرئها بادن الله ويتغير وضعكم واااجد بس اتواصلي معاي أدا بغيتي الآيات وانا بخدمتك في اي شي أنا اصلا ما سجلت في هالمنتدى الا لأجل احل مشاكل الناس والله ولي التوفيق ارجو التجاوب


__________________________________________________ __________

(وعسى ان تكرهوا شيئا وهو خير لكم وعسى ان تحبوا شيئا وهو شر لكم)
حبيبتي مادام يعاملك كويس ويصلي ويخاف الله فيك وعندك منه عيال تعايشي معاه واحتسبي الاجر عند الله وقولي الله يسامح اهلي وحاولي تكملي دراستك وتعيشي حياتك وتشتغلي بعد لو ممكن ولا تضيعي باقي عمرك وانت تتحسفين


__________________________________________________ __________

عيشي حياتك وقولي الحمد لله غيرك كثييييييير يتمنوا الزواج ويتمنوا زوج طيب ويصلي ويخاف ربه..
رددي هالدعاء(( اللهم صب محبتي في قلب زوجي صبا وأرني دلك..وصب محبته في قلبي))
ولاتجلسي تفكري بالماضي وباللي سووه اهلك .انسي وخليها على ربك....


__________________________________________________ __________

الله يصلح شانك يارررررررررررررررب ويعينك