عنوان الموضوع : اخر ماتوقعته صدمة حياتي
مقدم من طرف منتديات نساء الجزائر

اخر ماتوقعته صدمة حياتي



والله اكتب لكم وانا ماشوف الشاشه من دموعي
احس حياتي تحطمت وانتهت
واحس الحين كل اللي اسويه ضايع في الهوا
السالفه اني تزوجت العام الماضي ومن قبل مااتزوج وبنت خالتي دايم تحسدني وتقول ماشاء الله زوجك وسيم ومن عايله مرموقه وفوق هذا مهندس وانتي قريب تتخرجين ووظيفتك مضمونه .. وانا كنت ابتسم بوجهها واقول الحمدلله هذا من فضل ربي ودعاء امي ورضاها علي
وهي تطالعني بنص عين
المهم عقب ماتزوجت تخيلوا انها تتعمد تجي الشقه عشان تشوف زوجي
وطبعاانا مااكتشفت هالشي الا متأخر
المهم وانا كنت بحسن نيه استقبلها واضيفها بأحسن ماعندي وطول الجلسه تلمح على زوجي بس بوقتها كنت هبله واجاوبها على نيتي
المهم مضت الايام وحملت وبدا بطني يكبر وهي دايم تتصل علي وتقول اذا تحتاجين مساعده انا بالخدمه واقول لها مشكوره
بس هي تجي من كيفها وتقعد تطبخ وتسوي كل الاطباق وتحطهم وتطلع
وانا اقول جزاها ربي خير ونعم البنات والله
وهي كل هذا تسويه لغايه في نفسها
المهم انا ولدت بسلامه وعاد وش صار؟
كثرت زياراتها واهتمامها لي
وتصدقون اني من تصرفاتها ماكنت مرتاحه لها
كنت احس انها مسويه مصيبه كبيره وتداري عليها بالاهتمام والرعايه لي ولولدي
المهم اني انا بكل مره استغفر الله وابعد الظنون عني واقول في قلبي فوق معروف البنت اقوم اشك فيها لا مايصلح مايجوز
بس توي تأكدت انها على علاقه سريه مع زوجي
لان امس كان جواله جنبي ودق رقم ومكتوب الاسم
((عبدالله))
بس وانا اشوف الرقم حسيته مو غريب علي طالعت فيه مره ثانيه وثالثه وتأكدت انها هي ومن حرقة قلبي رديت وعلى طول قالت الو وانا اعرف صوتها لكن على طول قفلت وبديت اصيح
المهم اني للحين ساكته وماواجهته
والمصيبه انها عقب اتصالها هالخسيسه على جوال زوجي اتصلت بعد ساعه على جوالي وتقول انها بتجي الشقه وانا قلت لها بس احنا بنطلع وقامت تقول وين تطلعين بهالعصريه قلت بروح بيت اهلي قالت قعدي قعدي منتوا بطالعين ترى وقلت شدراك وتلعثمت وقفلت
وربي اني بنجن كيف كل هذا يصير وانا اشوف واسمع لكن مانتبهت الا توي

وربي اخر شي توقعته ان بنت خالتي تحط عينها على زوجي

واللي محيرني شلون زوجي انجرف وراها ايش سوت له عشان يصدقها

والله النار تحرق بقلبي و مو عارفه لمين اشكي؟

مابي اقول لاحد من اهلي عشان ماتكبر القصه

>>>>> ردود الأعضـــــــــــــــــــاء على الموضوع <<<<<
==================================


اه يا حبيبتى مشكلتك كبيرة فعلا بس عايزة عقل فى التصرف
الاول لازم تعرفى هما وصلوا لحد فين فى العلاقة بعد
وعلى الاساس دا تتصرفى بس بدون ما يعرف انك عرفتى ولا تبينى ليها انك عرفتى شئ يعنى اللى تعرفيه اعرفى بدون ما تعرفى حد منهما انك عرفت شئ
وانا معاكى عرفينا التطورات الموقف وربنا يسهل لك بحلول تساعدك عليهما
وهنمشى فى موضوعك واحدة واحدة ان شاء الله ما يتجاوز الموضوع اكتر من المكالمات


__________________________________________________ __________

يا حر قلبي حراااااااااااه والله ودي اتوطى في بطنها اللي ما تستحي ياليتني معك والله لخليها تشوف نجوم
الظهر اللي ماتستحي
والله مدري وش انصحك فيه لاني بعدني صغيره مافهم في ذي الامور بس كنت مقهوره يوم قريت
قصتك وحبيت ارد عليك

الخبيثه ياويلها من ربي


__________________________________________________ __________

اختى العزيزه وسعى بالك
ليش الاسلام ناهينا عن الاختلاط
لان الرجال نفوسهم ضعيفه جانب النسوان
المهم انا نصيحتى لك انك تواجهى بنت خالتك باللى عرفتيه وتقطعى علاقتك بيها نهائيا واطلبى منها قطع العلاقه بينك وبينها صراحة
هذا بالنسبه لبنت خالتك ام زوجك فعامليه على اساس انه مافى شى وعادى
واهتمى لهممكن العلاقه بينهم مازالت فى اولها وقطعها سهل وحافظى على زوجك
وربى يسهل امورك


__________________________________________________ __________

الله يعينك على مصيبتك صراحه صدمه بس واجهيه وحطي حد للموضوع وتفاهمي معه برجاحة عقل وانتبهي تروحين بيت اهلك ماينفع وبعدين حطي الموقف هذا ببالك وخوذيه درس لاتثقين باحد حتى اقرب الناس لك صراحه الدنيا تخوف والحسد انتشر انتشار مو طبيعي والله يسخرلك زوجك ويصبرك


__________________________________________________ __________

لا عد تصدقين احد وتثقين فيه بالسااااااااهل
انا مدري وش اقولك نس انتبهي تثقين بحد مره ثااااااانيه