عنوان الموضوع : تعبت وربي تعبت ابي الحل ساعدوووني -لصحتك
مقدم من طرف منتديات نساء الجزائر

تعبت وربي تعبت ابي الحل ساعدوووني



السلام عليكم ورحمه الله وبركاته


انا اليوم ابي حل لمشكلتي لانو وصلت لدرجه ابي اتطلق فيها

زوجي اخلاقه زفت اعذروني على الكلمه ذي
دايما معصب واخلاقه في طرف خشمه ومو ضارب لاحد حساب
نفسيتي تعبت وربي انا مو مقصره في اي شي وربي اللي خلقني مااكذب

شايله بيتي ونظيفه ودايما الكل يمدحوني الا هو الكلمه الطيبه مااسمعها منه لا واللي زاد من حده انا صار يفرش وينام في الارض احسه معاه نفره مني ولا تقولي صارحيه كم مره اصارحه ايش اللي مضايقك مني واقوله وربيي ماراح ازعل يقلب وجهه ويقول روقينا بالله
وكل شوي بعذر كله عشان مايجيني مره ركبي تعبانه ومره ظهري يعورني .......الخ لا ولما يدقوا عليه اصحابه الضحكه والمزح ولا قفل يرجع ميه ثمانين درجه

لا والله فجعني اخر شي انو شفته نايم ورميت نفسي في حضنه لاني افتقدته استغربت يبوس ويحضن وانفتحت نفسه وجلس يتمتم بكلام مافهمته الا قرب من اذني يهمس لي بصوت منخفض يقول لي من انتي؟
من انتي؟
كان احد صفعني انا مصدووومه مررره مصدومه وقمت وهو يسحبني شكله صحصح الاخ يقول وش فيك قلت انا مين قال ليه تشوفيني شارب شي بس مره كرهته وربي ونفسي اتطلق

تخيلوا مره اقول له ايش رايك في الليالي الرومانسيه اللي اسويها لك يقول احس مالها معنى وماتعني لي شي مدري انتي يمكن تنبسطي منها انا احسها خرابيط اهـــ وربي قاهرني

اشوف ازواج صاحباتي غير وذا بصوته العالي عليهكانوا اشتراني بمهره حاولت اعاقبه كم مره بس مافاد ارجوكم ابي حل
انا بموت الى اخر مره السياره كانت مسرعه واحنا نتخاصم فتحت الباب والله ماحسيت بنفسي قولولي حل للعلم انا زوجي اكبر مني ب13 سنه لكن وربي ماامدح نفسي احس عقلي اكبر من عقله ...


ابي حل الله يوفق اللي تساعدني ويستر عليها دنيا واخره ..

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة الا بالله
الله يفك كربك عاجل غير اجل


__________________________________________________ __________

تبين الحل؟

سورة البقره والاستغفار هي الحل استغفري كثيرالف مره باليوم اواكثر وربك كريم

وتبين الصراحه زوجك شكله مسحور لازم تودونه لشيخ يقرا عليه ويعرف اذا هو مسحور اولا ضروري لاتتركونه كذا على حالته


__________________________________________________ __________

ياختي روحي يم اهلك هذا يبيله احد يضع له حد ولا راح يتمادا يمكن بعدين يحسبلك الف حساب سبحان الله بعض الرجال يحبون الحرام مهما زوجته سوتله ولو هي اجمل ماخلق الله وبنات الحرام يسوون اشياء ماتخيلينه لهم عشان يكسبونهم وخرتها امراض وبلاوي وتصبح الزوجه ضحيه لاتصبحين مثل الشغاله عنده وتجلسين تربين اطفال فقط وهن لهن المتعه والحب والدلع قولي له اما انك رجال تحترمني وتعطيني حقوقي كزوجه ولا كلن بطريقه يمكن ينخرش لان الرجال يحبون الزوجه الي قويه شخصيتها مايحبون المراه المستسلمه الضعيفه وذا ضروفك ماتخليك تروحين لهلك مثلآ طنشيه وعيشي حياتك وكانه غير موجود ولا تحطين ليالي رمانسيه ولا شي نامي لوحدك ولا تسألينه وين رحت وين جيت راح تتعبين بس اكيد راح يكون فيه نتيجه بس اهم شي لاتبكين كلمي صديقاتك ونتي تضحكين عشان مايتهرب من البيت ويقول نكديه احقريه فقط الله يكون بعونك ونتبهي لاينقل لك امراض منهن الله يستر عليك


__________________________________________________ __________

شوفي ياقلبي الرجل يمر بفتره
زي زوجك بس معصب واخلاقه
زفت وزيد تعصيب اذا قربت
زوجته منه بها الفتره يعصب
ويكرهها بعد بس انا اقولك
ابعدي عنه خليه يختلي بنفسه
نامي لحالك لاتجلسي معه
لان كل ماقربتي كل مانفر
وكل مابتعدتي كل مافقدك
ورجع لك ‏

بس لاتطنشينه مره يعنى غدا
عشا فطور اجلسي معه
وانتي مبتعده عنه بيني له
شوقك مثل نامي بغرفه ثانيه
وحطي صورته على صدرك
اذا شفتيه ابتسمي بلا تكلمين
خليه يشتاق لصوتك اهتمي بالبيت
حتى لويحطمك وانتي مو مقصره
اسكتي عنه لأن بها الفتره يبغى اي
مشكله وكل ماسكتي واحترمتيه
وهو يعاملك بجفا صدقينى بيرجع
لك ويحبك على رجولك لانه فعلا اشتاق
لك اهم شي ابتعدي

يارب يارب تسخره لك وترجعه
لك احسن من قبل ‏

والله لأدعيلك كل ماتذكرتك
من قلب بس انتبهى على نفسك
وهاذي حاله عاديه تصيب كل رجال
بس تختلف من رجال لرجال
طمنيني عليك قلبي

اختك إيشوريا


__________________________________________________ __________

اختي كان الله في عونك
اكثري من الاستغفار
افتحي سورة البقرة في البيت باستمرار
كوني لهو السهل الممتنع
يارب افرج همها والمهمومين من المسلمين