عنوان الموضوع : ساعدوني واحد يهددني ابغا حل سريع((رجاء لاتحذفو الموضوع )) الطبيب يجيب
مقدم من طرف منتديات نساء الجزائر

ساعدوني واحد يهددني ابغا حل سريع((رجاء لاتحذفو الموضوع ))



السلام عليكم ورحمه الله وبركاته
انا بنت عمري 19 من جده تعرفت على شاب من النت من 7شهور والبداية كان زي اي بنت تتعرف على شاب تمام معايا وانا ارتحت له وحبيته ووثقت فيه لاني كنت هبله واعطيته صور ليا تقريبا 50 صوره كلها باين وجهي وجسمي
الله يستر عليا المهم بعد مااعطيته الصور صار ياخد راحته بالسب واللعن فيا
ويغلط على اهلي وشرفي وصار ياخذ مني فلوس انو يستغل اني طيبه بس يقول انا مديون وانا اعطيه من نفسي لما خرجت معاه مره وكان مره قليل الادب بس ماسويت شي الحمد لله ووصلت معايا اني دخلتو البيت تقريبا 5 مرات واهلي نايمين مايدرون عني وادق بجوالات اهلي عليه لما يخلص رصيدي
الين مااهلي عرفو وشكو اني اكلم شاب وصارت الثقة معدومه منهم ويضربوني بس انا مااتوب ادافع عنه وارجعله وجابلي جوال حطه تحت الباب واخذته
قعدت معاه لما حسيت بغلطي وحبيت اتوب واتركه بس هوا مارضي يسيبني يقول انتي تغيرتي اكيد تعرفي غيري شكاااااااااك مررره واحسه مريض نفسي
قال انا دحين له مستحيل يسيبني راح يتزوجني ويأدبني غصبن عني بس انا والله خلااااص ماابغاااه كرهته تبت لربي
لجأت لاهلي وحكيتهم اهلي الله يعافيهم وقفو معايا وقالو ماعليكي لاتفكري بس ادعي ربك انو يستر عليكي ويخلصك منه طبعا بابا مايدري الوحيد في البيت لانه لو دري يقتلني ويتبرأ مني
المهم اخر مره كلمت الولد قال اعطيني جوالي وفلوس انا طبعا ماعندي فلوس من فين اعطيه يبغا حق سكوته وانو يستر عليا لانو مايشتغل اكيد محتاج
اخويا تفاهم معاه بهدوء قابله بمكان واعطاه جواله وهوا من وقااحته بعد دا كله يدق على جوال امي يقول لاخويا ابغا اكلمها اقولها كلمتين
كلمته واخويا جنبي قال نسيتي الفلوس
يبغا يكلمني عشااان الفلووووس
المهم قال والله مااسيبك وانتي ليا ومستحيل تكملي دراستك بالجامعه وانك تروحي لغيري
وقال لاخويا انا عندي صور اختك واقدر افضحها اخويا قلو استر على العار اكيد انتا عندك عار
قال والله مااسيبها قلو خلاص اذا تبغاها بعد سنه سنتين لما تقدر تعال ونحنا نشوف قال اوعدني طيب قال اخويا ماادري ايش يصير بدي السنين الواحد مايضمن نفسه
كرهني حياتي صرت مااعرف اكون طبيعيه بالبيت من التفكير مو عارفه ايش اسوي بس يهدد ايش ممكن اسوي دا واحد مايتفاهم ماينفع معاه التفاهم بهدوء المشكله هوا شخص مو سعودي يعني لو كلمنا الهيئه عنه يرحلوه على طول وانا كمان مو سعوديه يمنيه بس بنت اصل

يانااااس انا صغيره وماني عارفه ايش المصيبه الي حطيت نفسي فيها ادعولي بالستر وانو ربي يخلصني من المصيبه والمحنه الي انا فيها لاني والله تبت ومستحيل ارجع لهدا الطريق تاني

>>>>> ردود الأعضـــــــــــــــــــاء على الموضوع <<<<<
==================================


الله يستر علينا وعليكي يارب
انا اول وحده راح تحكي بمشكلتك موعارفه بصراحه شو اقول
بس تقريبا دام اهلك عارفين الحقيقه خلاص لا تشيلي اي هم
وخليه متل الكلاب يهوهو وماتعطي اي اهتمام ولا حتى تفكري
انتي لسه صغيره وتحملي نفسك هموم على الفاضي وتتعبي نفسك
شوفي حبيبتي الكل يغلط المهم مانستمر بالغلط
نصيحتي الك لا تكلمي فتره كبيره جدا وماتردو عليه لان
الطناش لوه فائده جدا كبيره وغير هيك فيكي ترفعي عليه قضيه بالمحكمه
وامك واخوكي يروحو معكي
وباذن الله ماراح انساكي من دعاويه بس بليز قبل ماتعملي اي شي فكري
والمهم لاتعبي نفسيتك اكتر لان ماهتجيبي نتيجه الي كاتبه الله راح يصير
وجهي وجهك لله وهوا ماراح بتركك لان الله لساتو موجود وحسبي الله ونعما الوكيل على كل شب هيك بعمل ببنات الناس الله يسكر الدنيا بوجه من كل الطرق يااااااارب ويسدها بكل خواتو ويلقاها بجورتو كمان


__________________________________________________ __________

اذا كنتي بالسعودية يا اختي عاادي كلمي الهيئه
وراح يسترون عليك ويتعاملون مع الموضوع بسرية تااامه
ويجيبون صورك وحتى اذا رحلوه الله لا يرده
اهم شي سمعتك
والله يعينك


__________________________________________________ __________

شوفو ايش رسلي ع الايميل واحد مريض مره يهدد مره يقول احبك ياربي استر عليا ويفكني منه

السلام عليكم كيفك يا *** طيبه وحشتيني موت والله
اسمعي اول شئ انا صراحه ما ابغى اخسرك ولا ابغى اخونك ولا ابغى غيرك بس انتي بينتي انو عندك واحد غير لانك اول شئ غيرتي
رقم السري حق الاميل وانا تاكدت ميه في ميه انوفي احد غيري في حياتك بس واله يا *** انا ماراح اسكت انا اخليكي تندمي لو ما ترجعيلي
زيما فارقتيني اخلي ابوكي يفارق امك يا *** رجعي المويه لمجاريها احسلك ولا تندمي يا *** وانتي حره وبعدين انا ابغى فلوسي احسلك يا *** لانو اخوكي ما عطاني الا جوال والله
تاكدي من كلامي لاني والله احوبك وانتي حره في قرارك يا ***
انتبهي على نفسك توحشيني موت


__________________________________________________ __________

حبيبتي بجد طنشيييييييييييييييييييييييييييييييي

هدا غبي راح يتعب ويدور غيرك لاتحلقيه

والله انتي الخسرانه لو كلمتي


__________________________________________________ __________

اه صحيح كمان غيري ايميلك كله ولا تدخليه
واحذفي من عندك ومن حياتك كمان