عنوان الموضوع : أسوء أيام ملكة بحياتي -لصحتك
مقدم من طرف منتديات نساء الجزائر

أسوء أيام ملكة بحياتي



السلام عليكم .. صح أني جديدة بالمنتدى بس أول ماشفت قسم مشكلتي قلت ان شاء الله اكتب مشكلتي وألاقي الحل هنا ..
المشكلة أني مملكة تقريبا من 4 شهور وكانت لغاية دحين أسوء ايام كنت دايما أحلم كيف تكون الميكة وكيف راح أقضي أحلى ايام عمري زي ماكنت أسمع من صحباتي ولكن للأسف ربي رزقني بزوج مايرتاح في بيت أهلي لما يجي يزورني وغير كدا مره جاه عندي وصارت حركات من أهلي وحز بقلبه ( أول يوم بالملكة أخويا الكبير دخل أطفال العيلة وقال هو اللي باقي تجلسوا لحالكم وقلهم أحرسوهوم والمرة الثانية من أبويا الله يسامحة كان زوجي جي عندي وقابل أبويا مع جارنا وسلم عليه قام أبويا قال أنت أيش جايبك عندنا اليوم ) تخيلو قدام جارنا قاله كدا مع أنه مايجيني الا في الاسبوع مرة وكمان مايتطول يعني يدوب ساعتين ونص بس بعدها زوجي قال انا اصلا ماارتاح في بيت اهلك وبعد الكلمة اللي قالها ابوكي انا متضايق من جيتي عندك ويبغاني أطلع أتمشى معاه والمشكلة هنا أهلي رافضين الفكرة سمحولي كم مرة وبعد كدا يقولو امسكي حياكي وبطلي وربي يابنات لما أخرج معاه وأرجع البيت أسمع كم كلمة من أبويا وينكد عليا ونفس الشي لما يجي عندي بس يخرج أبويا يسمعني كلمتين يسم بدني فيها وسعادتي تنقلب نكد .. بجد كرهت ايام الملكة هادي هيا قصتي أبغى شوركم ياحلوين بعد التفكير في مشكلتي أقترحت اني اتزوج بسرعه بدون ماتجهز الشقة يعني يكفي غرفة النوم والمطبخ وغرفة المعيشة والصوالين بعدين !!! بعد مانرجع من السفر نفرشها
حتى الزواج مافي عشان أنا أبغى أسافر وأنبسط أحس الزواج تضيعة فلوس على الفاضي وأنا أولى فيها على نفسي يعني الزواج راح يكون عائلي وبسيط وبعدها راح أجلس ليلة في فندق وبعدها أاسفر على طول كم يوم عسل وارجع.. على فكرة يابنات أنا تقريبا معاه كأني متزوجه يعني مو بنت وأبغى أسوي الزواج بسرعه لاني خايفه يصير شي من كثر مااسمع عن الحوادث صرت خايفه وكل يوم يمر وهو بخير أقول الحمد لله ..
وسلامتكم هادي قصتي وأبغى مشورتكم وان شاء الله ماتقصرون معايا

>>>>> ردود الأعضـــــــــــــــــــاء على الموضوع <<<<<
==================================


الله يسعدك ويوفقك عاد انا عندي نفس المشكله والله واكره ايام الملكه الي عايشتها قاعده افكر انفصل عنه من كثر المشاكل الي امر فيها وكثر الظغط يوالد الانفجار


__________________________________________________ __________

انا اشوف انكم تسوون الزواج بأ سرع وقت
وبعدين تسوين اللي تبين في البيت
وهذا هو الحل
وما فيه غيره
والله يوفقك اختي


__________________________________________________ __________

اذن مايفعلوه اهلك صح يااختي على فكرة هما حاسين باللي يحصل بينكم وعلشان كذا عايزين زوجك يخفف زيارات
المهم تفكيرك صحيح وعين العقل كمان استعجلي الزواج افضل اما بالنسبه لفرش البيت في نظري سعادتك معاه اهم وخلي في بالك مش دايما ايام الملكه حلوة والسبب الاهل في اغلب الاحيان وتاكدي تصرفهم نابع من حبهم لكي وحتعرفي باذن الله اذا ربي رزقك ببنوته وكل اسبوع عريسها طب عليها وحتخافي ان يسلبها اعز ماتملك ويمشي >>>هذا هو سبب خوف الاهل واذا عرفوا انكم عملتوها ياويييييييييييلك

انتي اسمعي كلام اهلك طالما انك في بيتهم علشان كمان ماتنزلي من عين زوجك>>حيقول مال ابوها كلمه عليها >>اوزني الامور بحكمه واستعجلي الزواج ومبروك مقدما
وطمنينا عليكي


__________________________________________________ __________

حبيبتى اتمنى من الله ان يجمع بينك وبين زوجك على خير وفى اسرع وقت
بس احب اقولك ان اللى يسوه معاك امر طبيعى فهم ينظرون كيف مرة واحدة يدخل شخص غريب على ابنتنا وتجلس معه بمفردها فهم يخافون ويغارون عليكى الاثنين معا هذا كل شئ فتحملى واصبرى وادعى الله ان يفرج همك وعجلى بالزواج فهذا انسب حل


__________________________________________________ __________

هلا فيك اختي

اللي يسوونه اهلك هو عين الصواب ولا تبيني لزوجك انهم على خطأ

حتى لو كان اسلوب اهلك مو زين بس النتيجه هي انهم خايفين عليك

وضحي لزوجك ان اهلك خايفين عليك من الاشياء اللي تصير هالايام وقولي له يعذرهم

وانتبهي تصيري معاه ضد الحركات اللي يسوونها اهلك خليه يحس انك تحبيه بس بنفس الوقت

ماتخالفي اهلك في كلامهم لانه عين الصح ولازم تعجلي بالزواج اذا انتي مو بنت مو لازم تسوون الاشياء

اللي تأخر زواجكم وهالرسميات اللي مالها داعي اهم شئ تجتمعوا وتكونو مع بعض من غير لااحد

يراقبكم والحين انتبهي لنفسك ولكل حرف وكلمه تقولينها لان بيجي يوم من الايام بعد زواجكم

وبيقولك انتي قلتي كذا وسويتي كذا ايام الخطوبه كل شئ ايام الخطوبه سواء صح او خطأ ماتحسي فيه

وهو يتجاوز عنه بس كل شئ ينذكر بعد الزواج

اتمنى اني افدتك