عنوان الموضوع : شلون أتصرف ساعدوني؟ -لصحتك
مقدم من طرف منتديات نساء الجزائر

شلون أتصرف ساعدوني؟



صباحكم فل وياسمين
شخباركم
جمعه مباركة يارب
عندي مشكله صغيرة وابغيكم تساعدوني ماقلت لأي احد عن هشي

انا تزوجت واحد جدا كريم وهو ساكن في شقه لحاله من لما كان عزوبي واخوه وزوجة اخوه ساكنين في الطابق الثاني

وشقته ماشاءالله كان فيها كل شي مأثثه
مرة جيت بنظف الشقه اسأله ماعندك مكنسه ابي اكنس رد عليي بلى عندي قلت له وينه هي الا يقول لي عند اخويي يستخدمونها قلت لها انته عطيتهم وياها قال لا بس يستخدمونها وظلت عندهم فترة ومارجعوها قلت له انزين ابغيها قال لا هم مارجعوها خلاص
المهم رحت لمرت اخوه وقلت لها ممكن استخدم المكنسه وبرجعها قالت ماعليه ونزلت المكنسه وقلت مابرجعها بخليها عندي لانه مالتنا اتصلت لي الا تقول وين المكنسه ابغي استخدمها

الا مستغربه منه ماقالت لي انه المكنسه مومالتها استملكتها
المهم بعد جم شهر زوجي واخوه راحو السوق واشترى زوجي مكنسه لي صغيرة واخوه بعد اشترى مكنسه والله اعلم اذا هو مادفع لفلوس واستانست بالمكنسه وقالت مكنستها القبليه الا هي مكنسه زوجي قبل بتوديها بيت ابوها والمكنسه كشخه وكبيرة ومن النوع الغالي

انا موعارفه شلون ارجعها

وحتى كاميرته عند اخوه ومارجعها بعد ديجيتيل


وش اعتبر هتصرف ابي ارجع المكنسه بس موعارفه شلون

وماقالت لي انه المكنسه مولهم ليش؟؟

ساعدوني

انا موبخيله او شي ع مكنسه بس بعدين بياخذون شي اكبر والله اعلم

اكتشفت انهم قبل ياخذون من عنده اغراض وماتترجع

ومشكورين

>>>>> ردود الأعضـــــــــــــــــــاء على الموضوع <<<<<
==================================


صعب الحين تطلبيها المكنسه .. وهالشي بين الاخوان .. ممكن من بعدها تصبح حساسيات بينهم

اذا مصرهـ لمحي لهم .. او خلي زوجك يطلبها .. مع انه ماله داعي

..

ماراح ياخذوا شي اكبر لانه انتي حاليا موجوده بالبيت وانتي اللي راح تديرينه بطريقتك

واغراضك خليها عندك وحافظي عليها بنفسك

والاشياء اللي راحت لزوجك عندهم معوضين فيها خير يارب

الله يسسسعدك بحياتك يارب

ودي لك ِ

.. .. ..


__________________________________________________ __________

دام زوجك سخي وعنده مال ومو بخيل عليك

خليه يفيد غيره

مو ضارك شي


__________________________________________________ __________

خلاص حبيبتي مادام هذا الشيء حصل وانت لساتك ماموجوده مشيها ولاتبحثين بامور صغيره
حتى لو اعطت المكنسه لبيت ابوها معناتها محتاجينها
يابخت من كان ميسور ويساعد الناس
واهي اصلا قديمه ومستعمله والحاجات الكهربائيه اولا واخيرا ليها عمر معين
يعني لو ترجعيها ماراح تبقى عندك دهر
خليها عندهم واللي يستفاد منها صحتين وهنا على قلوبهم
ربي يرزقكم ويعوضكم خير

تحياتي وتقديري


__________________________________________________ __________

انتي بيتك لكي ولزوجك من يوم ما تزوجتي وحطيتي رجلك فيه قبل ذلك انسي يعني انسي المكنسة والكاميرا قولي لزوجك انك محتاجتها الان حافضي على بيتك ومال زوجك والشيء الي كسبتيه انك تعرفين انه زوجة اخو زوجك من النوع الي يستولي على املاك الغير و كوني ذات شخصية قوية لكي لا تتجرا عليك وفي نفس الوقت كوني ذكية وحكيمة لكي لا تكوني السبب في التفرقة بين زوجك واخوه


__________________________________________________ __________

انا راي من راي البنات انسى المكنسه واعتبريها صدقه
واذا طلبة مره ثانيه حاجه منك حاولي انك تصرفيها بطريقتك ...لان مثل هالاشكال ماينفع معاهم غير التصريف وهي بعدين تفهم وتبطل تطلب اي اشي ثاني منك..وخلي علاقتك معهاه عااااديه كانوه ماصار شي
والله يوفقك بحياتك ويرزقكم الولد الصالح يارب