عنوان الموضوع : فرجوا علي همي الله يفرج عليكم همومكم يارب الطبيب يجيب
مقدم من طرف منتديات نساء الجزائر

فرجوا علي همي الله يفرج عليكم همومكم يارب



السلام عليكم

كيفكم بنات .................

تكفون أبي مساعدتكم من بعد الله انا حيييييييييل متضايقه وصاكه الدنيا فيني

ابي أقول لكم مشكلتي مع زوجي وابي نصيحتكم


انا صار لي سنتين متزوجه وباقي الله ما رزقني عيال
ما أدري دائما أقول يمكن خيره من ربي

سبب تأخير الحمل إن عندي تكيس وانا حاليا اتعالج

المهم انا وزوجي أعوذ بالله دائما في مشاكل على كل شئ التافه والغير تافه

سبحان الله ترا قلب المرأة دليلها ودائما أكشف خيانة زوجي لي


مرة كشفت جوال في سيارته غير اللي انا اعرفه وحلف بالله إنه حق خويه نساه معاه الكلام ما يخش العقل بس وش اسوي عديتها وسويت إني مصدقه وعدت الايام .


وفيه مرة رحت معاه مزرعة ابوه ويوم دخلنا الجلسه اللي في المزرعة أخذ شئ من على الارض وشاله في جيبه وما خلاني أشوف وشهو حاولت أمسك جيبه بس ما خلاني وعلى طول راح الجهة الثانيه من المزرعه وجاء واللي كان في جيبه ما هو موجود طبعا خباه عني وصارت التمشيه نكد في نكد علما بأنه دائما يسهر في مزرعة أبوه.


وأخيرا اليوم بالصدفه دخل زوجي يستحمى وأنا سبحان الله كأن ربي يبيني أشوف خيانة زوجي لي عاد لقطت جواله من جيبه ودخلت على صفحات النت اللي في جواله تتوقعون وش لقيت’’’’’’’’’

هو ما قال لي إنه مسجل في فيس بوك وكل ما أسأله يقول ماني مسجل فيه ’’’’’’’’’’’’’’’’’’’’

المهم لقيت في صندوق الرسائل المرسلة رسالتين رسلها قبل يومين يقول فيها (( هاي ريناد انا فلان ممكن نتواصل عالفيس بوك وهذا رقم جوالي الخاص )) وحاط رقم غير رقم جواله اللي انا أعرفه ,,

ورسالة ثانيه بأسم مي وبعد مرقمها

يعني عنده جوال ثاني حق البنات


يااااااااااه يابنات ما تتوقعون وش صار فيني على طول واجهته ووريته اللي في جواله أنقهر مني وحاول يضربني بس وقفت في وجهه
وهاوشته وجلست أسبه وانا ابكي ياناس انا ما خنته انا محافظه عليه وعلى بيته ليه هو يلعب من وراي مو مستوعب إنه إنسان متزوج هو على طول انكر ويقول مدري كيف جات الرساله عندي ومافي احد يمسك جواله غيره هو أرسلها الساعة ثلاثه في الليل وكان موجود عندي في البيت

يعني التهمه لابسته لابسته

المصيبة الكبرى على خيانته لي وصبري عليه يوم جلست اهاوشه

جلس يقول لي انتي(((((((( عقيم )))))))) ويرددها كل شوي

والله يابنات طعني في قلبي ماني متخيله يخونني ويطعني في قلبي بعد

ساااااااااامحوني انا طولت عليكم

بس ابي نصيحتكم وش اسوي معه أصبر عليه ولا أطلب الطلاق وأفتك

المصيبة انا أحبه وهو ياحليله إذا كان رايق ما يقصر علي بشئ بس عيبه هالبنات اللي مو راضي يتركهم وانا مابي اكون زوجه مغفله,,

فرجوا علي همي الله يفرج عليكم همومكم يارب

>>>>> ردود الأعضـــــــــــــــــــاء على الموضوع <<<<<
==================================


مرحبا ياالغلا

بصراحه قصتكي مررررررررررره تجرح يعني المفروض زوجك يوقف معاكي مو يقولك عقييييييم وبعدين هو يحمدربه انه اخذكي وانه اللين الحين انتي صابره على كل شيء يسويه

ياعمري لاتزعلين قصتكي هذي قريبه من قصة وحده انا اعرفها

شوفي ياقلبي لاتدورين على شيء يعني لاتفتشي جواله ولاتهتمي حتى إذا كنتي متأكده انه يخونك نصيحه لاتواجهينه سوي كأنك ماتعرفي وأعطيه الثقه وحسسيه انه قدالثقه اللي اعطيتيه ياها وهو لو عنده ضمير راح يسيب هالحركات وراح يرجعلك بس انتي كمان لاتهملين في نفسك تصلحي واهتمي بنفسك اكثر وشوفي وان شاء الله راح تلاقينه زي ماتبغين واكثر يارب

واسفه طولت عليكي

وسلامتك


__________________________________________________ __________

هلا ياقلبي

شوفي بتكلم بصراحه ولو تمشين ع كلامي ممكن مراح تندمين ..
الطلاق شيلية من راسك ..
انتي مافكرتي ليش يكلم بنات وخيانه بخيانه ؟؟؟
[ لانك مقصره معاه ] وما نطق عقيم إلا انك جارحته .. بسبك !!

ياقلبي إذا كان راقي حاولي معاه بحنية عوضيه اللي فاقده موب
هوشة بـ هوشه !!
تكلمي معاه بهدوء حسسيه بوجوده موب عتب بـ عتب
من شآن كذا يحاول يلقى اللي مالقاه ......!

خليه ع مكالماته ولاتعاتبينه ابد .. أوك
بس حسسيه إنك معاه بكل صغيره وكبيرة وراح تشوفينه
يترك هـ الخرافات حبه حبه ..
بس عاد إنتي كوني معاه ريلاكس وانك تحبيه وماتقدري تستغني عنه
ارسلي رسايل بجواله حلوه حتى ولو كان بالبيت ماكو مشكله
كلميه إذا طلع خبريه انك مشتاقة له ..
موب مستسلمه .. هو لو مايحبك كان ما أنكر إنه مسجل بالفيس و يرقم ..

بس عاد الله الله بشطارتك .. وأي شي أنا بخدمتك ..


__________________________________________________ __________

ربي لا تذرني فردا وأنت خير الوارثين


__________________________________________________ __________

الله يسخر لك زوجك وعليك بالدعاء


__________________________________________________ __________

الله يكون في عونك نفس و ضعي
بس مارضى يتغير ورحت عند أهلي عشان مايضيع عمري مع واحد مامنه فايده
الله يهديه لك
دخلي اهلك لوتكلمين اخوك الكبير اذاكان متفهم او امك

بس لو ادخلين رجال احسن عشان يعرف انه وراك رجال