عنوان الموضوع : فضفضه وشويه حكي مع الغاليات -تم الاجابة
مقدم من طرف منتديات نساء الجزائر

فضفضه وشويه حكي مع الغاليات



بنات حبيباتي انا ماعندي مشكله الا هي نقص الحنان يلي عندي
انا متزوجه وعندي بنت وولد وزوجي قاسي جدا يعني معاملته قاسيه يحب بدون مايبين يهتم فيني اذا كنت مريضه بس بالادويه اما بالكلام الحلو والحنان والحنيه هو قاسي كتير ابوه متوفي كان ابوه قاسي جدا مع امه امه دايما تتكلم وتقلو ابوك هيك كان وابوك هيك كان وهو يحاول يقلده كتير لانو يشبهو بشكلو
عندو كتير اسرار مايحبني اتطلع عليها مسوي لجوالو باسوورد وللاب توب
وعندو كمبيوتر تاني مسويلو باسوورد
حتى شنطته الخاصه عاملها باسوورد بس مره جلست عليها وقت طويل حتى فتحتها ومالقيت شي مهم الا اوراق حب وغرام مطبوعه عالكمبيوتر متل اشعار وهيك ولم قريتها اتذكرت انو كان يبعتلي منها رسايل وئت كنا مخطوبين ويقلي انو هي خواطر من عندو
مابعرف شي عنه اخاف يكون مخبي شي عليي بس حاسه انو مو بتاع نسوان وهالحركات بس ليش التحفظ
هو يحب يعرف كل شي عني اصغر التفاصيل
يحب يدقق بكل شي بكل كبيره وصغيره
يحن على ولادو كتير بس الي مايحب يظهرلي الحنيه
تخيلو حتى بالعلاقه الحميميه صار كل وقت طويل حتى يطلبها انا بعرف انو مشتاق لي بس مايبين يحبني انا اجيه واقلو تعال مشتاقتلك
هو بحبني بس مشكلتو القسوه من باب انو ما اتطاول عليه او اطمع
انا حلوه وصغيره بالعمر دوبني دخلت العشرينات
وكتير لم بطلع لبره برقموني الشباب وكنت ما اقول له مثلا كوني جالسه بالسياره يرمو الرقم لي وكذا فأنا كنت آخذ الارقام وامزقها قبل لايوصل بس مره عطيتو الرقم قام اتصل عليه وسبو بتعرفو حسيت باحساس حلو انو يغار عليي
وكنت حابه اوصلو اني لسه مرغوبه من الناس
وبفكروني عزبا بعد ولدين بتعرفي وئت بسمع كيف كلام الحب والغزل بشتاق انو حدا يقلي هالكلام
حدا يتغزل بانوثتي يحسسني اني انثى والانثى مابيرضي غرورها الا الكلام الحلو
مو منقصه عليه شي بالمره بكل شي عاطيتو حقوقو
احيانا بحس حالي مابقدر حن على اولادي واعطيهم حنيه لانو فاقد الشيئ لايعطيه
انا بغربه وبقالي تقريبا سنه ماشفت اهلي
اذا مرضت مافي حدا يقلي كلمه حلوه او يعطيني الدوا
كلو بنفسي احيانا بوسوس لي الشيطان انو مره اتصل على شي رقم اذا حدا من الشباب عطاني رقمو لاني بحب اسمع كلام حلو بس بعدين بقول مابدي خون زوجي الحمدلله انا طايعه ربي ومابدي ربي يزعل مني بس الشيطان شاطر وانشالله بكون اقوى منو
ادعولي الله يسخر لي زوجي ويهديلي ياه
وشكرا عالاستماع وآسفه عالاطاله ياغوالي

>>>>> ردود الأعضـــــــــــــــــــاء على الموضوع <<<<<
==================================


اوعك تخلي الشيطان يسيطر عليكي وتخوني زوجك
مابقدر الا ئلك الله يخليلك زوجك ويسخرلك ياه


__________________________________________________ __________

لآ اياكي تفكري تخونيه هاي الغلطه راح تبقى محفوره
وماحتنسيها ابدآ عشان هيك أنتبهي تغلطي

وكوني قد حالك ادعي ربي صدقيني راح يكون زوجك
زي ماتبين واكثر

الله يسخره لك


__________________________________________________ __________

الله يسخره لك استغفري وانشالله تنفك العقده

((فقلت استغفرو ربكم انه كان غفارا يرسل السماء عليكم مدرارا ويمددكم بااموال وبنين اخيرا ))


بنتك ,,


__________________________________________________ __________

((فقلت استغفرو ربكم انه كان غفارا يرسل السماء عليكم مدرارا ويمددكم بااموال وبنين ))


__________________________________________________ __________

يآآآآآآآآآآآاي
يآآآآآآا سبحان الله وكأنك بتحكي في قصتي وأن كأني أنا الي كاتبة الموضوع .كلمك كله والله منطبق علي تمآمآآآآآآا إلا إنتي عندك ولدين وأنا ولد.يا سبحان الله
أتمنى من العضوات ينصحونا شو نقدر نسوي والله أنا حاسة إنو بيتي حيدمر...
وفقنا الله لما يحبه ويرضاه.....آمين