عنوان الموضوع : زوجي انتهز فرصة غيابي بالخيانه -لصحتك
مقدم من طرف منتديات نساء الجزائر

زوجي انتهز فرصة غيابي بالخيانه



السلام عليكم


عندي مشكله وابي حلها الله يرضى عليكم

انا متزوجه وعندي بنت عمرها 6سنوات و زوجي مايقرب لي

السالفه ومافيها قلت حق زوجي انا بروح مع بتني الرياض قال كم يوم تقعون هناك قلت له نقعد اسبوع عشان والدتي تعبانه قال اوك روحو بالقطار
قلت اوكيه

زوجي قال بشتاقلكم مررررره قلت له واحنا بعد طلعت انا وبنتي وانا ضايق صدري كأن شي رح يحصل بالبيت ماعرفت ايش المهم رحنا السياره وزوجي تأكد ان حنا بالسياره ورحنا القطار بنقطع التذاكر عقب ساعه ونص زوجي دق قال ها وصلتو القطار قلت له اي الحين بقطع لي ولبنتي تذاكر لاتشيل هم
سكرت منه..الا ابي اقطع التذاكر ماليقت محفظتي وقلت لازم ارجع البيت لأني نسيت محفظتي ونسيت بطاقة التابعيه
رجعت البيت وبتني خليتها بالسياره وفتحت الباب ودخلت الغرفه اسمع صوت الا لقيت زوجي مع وحده بالفراش وانا انصدمت وطحت من طولي وبعدها قمت قلت ليش سويت ..سكت
رحت انا وبنتي بعد ماخذيت محفظتي رحت لبيت امي وابوي وماقلت لهم الي صار بس طلبت منه الطلاق ودايم يجي البيت يتسامح مني وانا كرهته ابي اتطلق بس بنتي متعلقه بأبوها بس ماتدري باللي سواه ابوها لو تدري كرهته بس هي صغيره
امي وابوي يسألوني ايش سوا عشان تطلبين الطلاق حرام
بلاهم لو اقولهم فضيحه
قولولي شسوي لو تقولو ارجعله رح ارجع له بس عشان بنتي وانا مالي علاقه فيه ابد
بس والله كارهته من يوم شفته يخوني بالسرير معاه وحده
بالله عليكم قولولي شسوي؟

>>>>> ردود الأعضـــــــــــــــــــاء على الموضوع <<<<<
==================================


هلا وغلا..~


كيفك غلاتي ان شاء الله تمام اللحين..؟؟~~


..~~


اللهم اشفي والدتها شفاء لايغادره سقما..~
اللهم اشفي والدتها شفاء لايغادره سقما..~
اللهم اشفي والدتها شفاء لايغادره سقما..~

دعواتي القلبيه لوالدتك بالشفاء العـــاجل...~~

..~~


شوفي غلاتي مشكلتك شوي صعبه .. لكن والله امس انا وصاحبتي ع المسن كنا نتناقش بموضوع الخيانه الزوجيه..!!

لانها بجد شي صعب على النفس والقلب.. ومهما كان راح تترك اثر بالنفس

!! ومافي اي انسان ممكن يتقبل اللي صار..!!


لكن غلاتي اذا واجهتك اي مشكله مع زوجك انتبهي تطلبين الطلاق..
حطي فبالك ان الطلاق عمره ماكان حل لاي مشكله.!.!

لان الطلاق بيسكر لك باب لكن بيفتح عليك الف باب بعدين..!!

راح يأثر عليك نفسيا وعلى بنتك.!.! وفكري بحالك بعد عين اهلك الله يحفظهم وش راح يصير لك..!!

وحتى لو تقدم لك شخص بكرا ماراح يرضى بوجود بنتك.!! وقتها البنت بتضيع..!!


عشان كذا نحاول نصلح الامور بحيث انك تحافظين على كرامتك..!!

ما اقدر اقول لك حبيه وهو طعنك بظهرك..! والحب والكره من الله بس لازم ترجعين له..~~

شوفي غلاتي..~~


اول شي انتي اجلسي فبيت اهلك بس لاتعلمين احد.. بسبب وجودك..!!

وحلو انك مافضحتيه((من ستر على مسلم ستره الله في الدنيا والاخره))..!!


انتي اجلسي عند اهلك فتره طويله شوي.. قدام الناس بحجة انك مشتاقه لاهلك وامك تعبانه ..!!


وهو لاتبيني له انك تبين الطلاق ..!!

ولاتبينين انك كرهتيه..!! لان هالشي ممكن يدفعه هو انه يطلقك..!!

بيقول هذي كارهتني ..!!وش ابي فيها..؟؟!!

لكن بيني له انك مجروووووووحه كثيييير وجروحك للحين تنزف..!!

خليه يحس بكرامتك لاترجعين بسرعه بس لايطول غيابك عشان مايتعود عليه..!!

اجلسي اسبوع ثاني عند اهلك ..!!

حسسيه انك مصدومه من اللي صار..!! خليه ينـــدم بمعنى الكلمه لانه اذا ماندم من قلب يمكن يرجع يسوي نفس الغلط..!!

خليه يحاول يراضيك وفهميه انك ماكرهتيه لكن كرهتي اللي سواه وانه مهما سوا راح تظل نقطه سوداء بقلبك له...! انتي قولي كذا عشان يبعد عن الشي ومايكرره..!!

وبيني لو رجعتي عشان فيه بنت وانتي ماتبين تظلمينها مثل ماظلمك وسوا سواته..!!

واطلبي منه يراضييك بشي..!! وارجعي معه بس اذا رحتي البيت حاولي اول فتره انك تبينين له ان اللي سواه مو بهالسهوله انك بسرعه ترضين وتمشين الحياة وكأن شيئا لم يكن..!! لالالا لازم يحس بحجم الذنب اللي اررتكبه..!! وانه اصعب شي على الانسان وامر شي الخيانه..!!!


..

بلخص لك كلامي..~

لاتطلبين الطلاق ابدا لانك عارفه عواقبه وحرام تضيع البنت..~~
ارجعي له بس لازم يحس بكرامتك ويحس باللي سواه..!!
بعدها اذا تعدل استقبليه بصدر رحب وحاولي تغطين الفراغات اللي خلته يحتاج لغيرك..!!
ولاتخلينه يحتاج شي.. لا من حب ولا عطف ولا حنان ولا اهتمام ولا دلع ولا جنس ولا اي شي..!!
وحاولي تشوفين ليش سوا كذا..!!

وش ناقصك عشان يروح للي ماتخاف الله..!!
..~~

وحسبي الله على كل من بنيتها تخرب البيوت..!!

دعواتي القلبيه ان الله يفرج همك ويكون بعونك..~~

ويرد لك زوجك ردا جميلا..~~

..~~


ادعي كثير ولاتستهينين بالدعاء.. ادعي الله واشكي له همك وانتي ساجده..! وابكي كثير..!!

واستغفري...! وادعي ربي يسخر لك زوجكـ ويفكه من اللي مايخافون الله..~~

..~~

قلبي معكــ..~~

.~~

واسفه ع الاطاله


__________________________________________________ __________

الله يشفي امك يارب

وانا رائي من رائي اختي طفوليه

لاتطلبين الطلاق وحاولي تعاقبينه واجلسي عند اهلك اسبوعين او 3 اسابيع

ومنها تغيرين نفسيتك شوي

وحتى اذا رجعتي لاتتكلمين معه عالطول حسسيه بالغلط اللين هو يجي يعتذر منك من قلب

واطلبي منه لايعيدها لان لو عادها قولي راح اترك بنتك عندك واروح بيت اهلي

هذا مجرد تخوفينه مو اكثر

ادري ان الصدمه قويه وربي يسامح انتي ماتسامحين وحاولي انك تنسين

هذي هي الدنيا يوم لك ويوم عليك

يعطيك العافيه


__________________________________________________ __________

السلام عليكم ورحمته الله وبركاته
اختي ماذا اقول لكي الله يعينك على مابتلاكي لكن اصبري عليه عشان المسكينه الصغيره ماتتغربل لكن انصحك انك ماتعطين له وجه ابدا حتى يحس بغلطته وما يرجعلها ابداً والله يكتبلك الخير


__________________________________________________ __________

خليكي عند اهلك فترة حتى ترتاحين وتخف الصدمة شوي
وبعد كذا قرري اللي تبين واللي تشوفية اصلح لك بس لاتستعجلي ريحي راسك وتفكيرك قبل تتخذي قرارك


__________________________________________________ __________

لا حول ولا قوة الا بالله العلي العظيم