عنوان الموضوع : آآآآآآآه بس مجابة
مقدم من طرف منتديات نساء الجزائر

آآآآآآآه بس



السلام عليكم
ممكن بكون افضفض لاني من جد مقهوره وحاسه حموت قهر,انا متزوجه واحب زوجي وهو يحبني لكن المشكله الوحيده والتي مازالت من يوم مااتزوجت وهي انو زوجي مومستوعب انو متزوج حياتو كلها امو وابو من جد طفشت ,احنا ساكنين في نفس العماره,كل يوم زوجي عندهم ,تخيلوا زوجي يدرس الصباح للظهر يجي يتغدى عند اهلوا ويلبس ويروح العمل يجي الساعه 10الليل يتعشى عندهم ويقعد معاهم للساعه12واحيانا1بعدين يطلع عندي ويسلم عليا وع ولدو وينام وانا اقعد الساعات كلها لحالي احيانا احس يمل يقعد معايا ,مع اني والله احاول كل يوم اغير الروتين ماخليت ليالي رومنسيه والعاب زوجيه وفرفشه ونكت والله حتى سويتلو عرض عن ايام الملكه والفرح قلت ممكن يحن لكن لاحياة لمن تنادي ,اقلكم لدرجة انو حتى اهلوا بدى يحسو انو مايبغا يجلس معايا ,فدحين اهلو كل ماخرجوا مكان اخدوا معاهم وانا كاني مو موجوده ,تخيلوا مره كان عازمني ع العشاء اول يوم العيد فاتصل ابوه قالوا تعال اتعشى معانا ع طول غير الطريق ورجعنا البيت ولاحتى قالي معليش حتى السفريات ناطين معانا في كل مكان والله سرت ادعي عليهم بالموووت,حتقولوا صارحي زوجك ,اتناقشوا ,اكتبي رساله,والله كلها سويتها يتاسفلي ويوعدني وبعدين ولا كانو سار شي ,اقلكم لدرجه مره سافرت مع اهلي حوالي اسبوعين كان يكلمني كل يوم ويقولي وحشتيني مشتاقلك بعدك عني عداب ,فرحت قلت اكييييييد اتغير تخيلوا رجعت من السفر والله سلم عليا كاني اختو ونزل وقعد عند اهلو ,قلت في نفسي ممكن يبغاتي اتجهز وبعدين يطلع اتجهزت ولبست واتمكيجت ,طلع متاخر قدي نمت وقضى حاجتو ونااااااااااااااام بالله موشي يقهر ,انا تعبت نفسيا وجسديا بدات اضعف بشكل مو طبيعي ,ارجوكم اددا عندكم حل افيدوني ,آآآسفه ع الاطاله
تحياتي

>>>>> ردود الأعضـــــــــــــــــــاء على الموضوع <<<<<
==================================


ودى اساعدك لكن ماعندى شئ
ادعي ربي انه يهديه
بالتوفيييييق


__________________________________________________ __________

ياعمري ياصاحبة المشكله
انا ماشايفه ناس قليلين ذوق مثل اهل زوجك
اعذريني على التعبير ولكن هذه الحقيقه
طيب من يعزموا زوجك على العشا مو كان المفروض يعزموك انت كمان؟
طيب مادام جربتي كل الطرق خليني اقول لك على اخر طريقه واجرك على الله واستحملي اقتراحي
حبيبتي كل ما يروح زوجك عند اهله روحي انت كمان معاه
مافيها شيء بحجة انهم اهل زوجك وهم الان صاروا اهلك وانت كمان تحبي تكوني وياهم
جائز اهل زوجك متحسسين منك وصار عندهم احساس انك ماتحبيهم وراح تاخذي ابنهم منهم
فصاروا هم يتصرفوا هذه التصرفات عشان يثبتوا ليك انهم اقوى منك وانهم انتصروا عليك
خلينا نشوف اخرتها مع هالراجل واهله
وطمنينا عنك الله يطمنك

تحياتيييييييييييييي


__________________________________________________ __________

انا اشوف والله لو منك
من لما يعزمو زوجي اقوله ابي اروح معاك
واروح واسولف واستانس
وكل مرة يعزمونه اكون ناطه معه
لما يطفشوا مني ويقولوا مارح نعزمه لان زوجته بتجي معاه
ويبطلوا منهم فيهم


__________________________________________________ __________

انا مع البنات اذا راح زوجك عند اهله روحي معه

وانتي اكسبيهم وحبيهم عشان هم يحبونك

وهم بعد راح يساعدونك ويقولون لزوجك انت بس جالس عندنا رح لزوجتك

انتي حبيهم يحبونك

حتى زوجك بينبسط منك

لانهم هم يحسون انك ماتحبيهم يسوو كذا

لكن انتي اكسبيهم والله يهدي زوجك ويوفقكم لما يحبه ويرضاه


__________________________________________________ __________

والله انا اشوف البنات كلامهم في محله جربي وعطينا أخبارك ان شاء الله يتعدل ويحس
اذا ماصار شي قولي لنا عشان نشوف أخرتها ويا أهله
الله يهديه لكي يارب ويحنن قلب أهله عليكي يارب