عنوان الموضوع : ياربي لاتفضحناااا ؟؟؟؟؟ مجابة
مقدم من طرف منتديات نساء الجزائر

ياربي لاتفضحناااا ؟؟؟؟؟



السلام عليكم
كيفكم حبيباتي
انا زواجي بعد كم شهر بس عندي مشكله تفشل واتمنى تساعدوني
بطني يطلع اصوات مدري وش تبي من جد طبعا الاصوات مالها دخل بالجوع حتى وانا توني اكله وشبعانه اسمع انواع الاصوات ولما انسدح ع ظهري تعالي اسمعي الانغام
حتى اذكر يوم رحت اسوي بروفه مكياج وسدحتني وراحت ترسم بوجهي ازعجها بطني وكل شوي هاتو شي للعروسه جيعانه
انا اهتم بنفسي وقت الدوره واشرب شمر وينسون وهالشغلات

ادري اللي فيني غازات بس وشلون ترووح وشلون اتخلص منها وربي اتخيل نفسي يوم عرسي نايمه وبطني يشاخر واصوات دوي واندلاع وش بيقول عني

انا فيني قولون عصبي ويقولو الانتفاخات من القولون
طيب وش اسوي بجد بجد فشله

الله يرزقكم كل ماتتمنوه يالغوالي

>>>>> ردود الأعضـــــــــــــــــــاء على الموضوع <<<<<
==================================


مليون مبروك عالزواج مقدمآ
عندي اقتراح ليش ماتروحي لدكتور باطني اكيد هو إلي عنده الحل الجذري لمشكلة الأصوات إلي ببطنك
حتى اخت زوجي كده بس تاركتها خاصة لمن تشرب حليب تعالي اسمعي اصوات السمفونيه إلي تطلع من بطنها


__________________________________________________ __________

اول شي مبروك الزواج مقدما ربي يوفقك

ثاني شي انا عندي نفس مشكلتك الاصوات والقالون وما ادري كيف اتصرف

مرات اقول من الببسي واقطعه فتره وفعلا تخف الاصوات شوي ولا بعد ازيدك

من الشعر بيت انا بطني تنتفخ وانا ماني سمينه تعالي وشوفي شكل بطني

الله يرحم حالنا الخلاصه حبيبتي مالها حل نهائي بس فيه حبوب بالكراويه

يوصفها الدكتور تمضغينها ثلاث مرات باليوم انا شخصيا ما اثرت فيني

وتركتها بس روحي وشوفي يمكن تنفع معك بعد الله

والله يشفي الجميع

ماقلتيلي من وين انتي؟


__________________________________________________ __________

صح كلام البناات روحي دكتور يفيدك بشئ افضل

وبشرينااا بعدينا بأنتهاء السمفوونيه ههههه


__________________________________________________ __________

اهلين يا قمر

والف الف مبررروك مقدما

زي ما قالو الاخوات روحي الدكتور احسن شيء

حتى يعرف ايش فيك بالضبط و يوصف لك شيء يناسبك

موفقه


__________________________________________________ __________

شوركم وهدايه الله
برووح للدكتور واشوف وش الحل

يعطيكم الف الف عافيه
والله يبارك فيكم

الله يسعدكم ويحقق امانيكم