خلطتي للحناء -للعناية بالشعر
عنوان الموضوع : خلطتي للحناء -للعناية بالشعر
مقدم من طرف منتديات نساء الجزائر
خلطتي للحناء
بما ان وايد منكم سئلني شنو مكونات حنتج وشنو تحطين فيها ووايد من رفيجاتي واهلنا يقولونلي لون شعرج اينن وناعم حيل
وبما اني ذكرت كذا مرة اني ابيع حنة وكذا وحدة راسلتني وخذت مني
قلت بفيدكم ومابي منكم الا دعوة بظهر الغيب
لاتقولولي انكم دعيتولي ولا بالزمكم فيها
انا الحمدلله بطبيعة الحل من انولدت وشعري ناعم ناعم مثل الاجانب
حيل ناعم لدرجة تبط الجبد
قمت انا الحلوة شسويت
اصباغ على اصباغ على اصباغ
لعبت فيه لعب
صار ليييييييييييييييييييييفة
اخترب حده
قلت حق امي بس مليت من الشقار
طول عمري شعري اشقر
بحنيه
انا نوعي اموت على لون الحنة بالشعر
خمري خمري عجيب
بس امي تقول حرام الاشقر احلى
قلتلها بلا اشقر بلا بطيخ لووووووول
حنة ومابذني ماي
قمت يامحفوظات السلامة
اسوي خلطات حنة واحني شعري مرتين بالاسبوع
والله والله يابنات ان من ثاني استعمال حق الحنة ان شعري بدت صحته ترجع
وتحت الماي ماقام يتشابك مثل قبل
فينييت على النتيجة السريعة وان من اول استعمال شفت لون احمر
وداومت على الحنة مرة على مرة وصار لونه عناااااااااااااااااابي اينن اينن
يومين اسبوعيا تخيلوا شكثر حنة استهلكت
انا بعد اييبولي حنة من اليمن على طول ونقية وصافية
يعني تخيلوا شنو هالفايدة الطازجة
المهم
لون
كثافة
طول
رووووووووعة كان
الحين زبدة الموضوع واللي كلكم ناطرينها على نار
مكونات خلطتي الخمرية :
( طبعا انا اعجن الحنة بالكيلو واخليها تتخمر يوم كامل بالحر وعقبها احطهم بعلب واسكرهم عدل واحطهم بالثلاجة )
تتخمر زيادة وزيادة
الاعشاب اللي ما استغني عنها باي خلطة وصارت معروفة اتوقع والتعامل كله بالقفاش الكبار ملوت الاكل :
كيلو حنة
4 قفاش حبة سودا مطحونة
4 قفاش مرمية مطحونة
4 قفاش سعتر مطحون
قفشتين سدر
قفشتين حلبة
قفشتين حرمل مطحون ( الحرمل يخلي اللون الاحمر لون غني وغامج)
قفشة قشر رمان مطحون ( انا اجففه واطحنه ما اشتريه جاهز )
5 ملاعق قهوة تركية مذوبة بماي
علبة كاااااااااااااااااااملة ونص قرمز مخلوط مع كثيراء ( تلقونه بحواي جمعية الفيحا )
قفشتين مسمار مطحون
الحين خلطة الزيوت اللي ما استغني عنها واكون خالطتها بغرشة وكل مرة استعمل منها مقدار 4 استكانات شاي مع كيلو الحنة :
استكانتين زيت خروع
استكانتين زيت لوز
استكانتين زين النخاع التونسي الاصلي ( تلقونه بحواي جمعية الفيحا ولونه ابيض )
استكانتين من زيت النخاع ( يكون بزجاجة طويلة نفس باي الزيوت وتلقونه بحواي جمعية الفيحا ولونه اصفر )
4 استكانات زيت باراشوت الازرق
5 استكانات زيت الحبة السودا
3 استكانات زيت الجرجير
استكانتين زيت جنين القمح
4 استكانات زيت سمسم.
الحين
طبعا ممنوووووووع الكركديه لانه يفتح لون الحنة وينشف الشعر يلعن خيره
وعن تجربة شخصييييييييية يعني راح تصير حنتج على برتقالي خايس مو خمري عنابي
اما القرمز مع الكثيرا عذاب عذاااااب
صج ينشف الشعر شوي بس احنا بنعادلها بالزيوت فماراح ياثر نهائيا
كذا وحدة شعرها اساس ناشف استعملت هالحنة اللي سويها ارتاحت حيل
تقول رطب شعري وايد عن اي حنة ثانية استعملها
تاخذين كيلو الحنة وتحطين معاه كل الاعشاب اللي كتبتها لكم
وبعدين تضيفين ماي انا تقريبا احط لترين او لتر ونص وكلما كانت الحنة ثقيلة حيل ازيد ماي شوية
بس لااااااااااااازم ماي مغلي علشان تتفاعل المكونات مع بعض على طول
عقبها نعجن الحنة عدل
بعدين نضيف القرمز و4 استكانات من خليط الزيوت كلها اللي كتبتها لكم وتغطون البادية او الطشت ( انا انقعه بطشت خاص حق الحنة شاريته لان حجمه كبير وحنتي وايد )
تغطونه وتحطونه بمكان دافي
انا ايام الصيف كنت احطه فوق الثلاجة يوم وليلة
وبالشتا احطه بالفرن بس طبعا اشب الفرن اول لمدة ربع ساعة على نار عالية وعقب اطفيه وعقب احط الحنة داخل واخليها لي ثاني يوم
ما اطبخها بالفرن يعني
وبعدين لما تتخمر انتي كل 4 ساعات طلي عليها وشوفي اللون شلون اينن ودج تاكلينه
عقب ما يصير اليوم الثاني تقعدين عاد تفرغين الطشت بعلب او برطمانات كبار بالكمية اللي تكفيج حق مرة وحدة بس وتسكرينهم عدل علشان لايدش فيهم هوا لان لو استعملتيهم مرتين ثلاث من نفس البرطمان راح يدش هواء بالحنة وتعفن بسرعة حتى لو حاطتها بالثلاجة
اما لو كان البرطمان متروس لي عينه على قولتهم ويادوب تسكرينه وماكو نسم
تتم معاج الحنة 3 او 4 اشهر بالثلاجة ولا تعفن ولا تتغير فايدتها
وهالشي عن تجربة ترى بنات انا ما اتكلم من مخي
انا مجربة هالشي وقلت بنقللكم تجربتي حرفيا
طبعا تتحنين فيها مو اقل من 4 ساعات ولا اكثر من 8 ساعات
الشي لازاد عن حده ينقلب ضده مثل ماهو معروف
فهالوقت اهوا انسب شي علشان يستفيد راسج من الحنة ويتخلص من القشرة والسموم والرواسب ملوت الشامبو والبلسم
فروة راسج بتنتعش وتتنفس
عقب ماتغسلين شعرج غسليه بشامبو سدر صحت الايراني تلقونه عند الحواي بحجم كبير ( انا افرغ شوي منه واخلط معاه زيت خروع او زيت لوز قفشتين بس علشان يصير مثل شامبو مع بلسم ومايجفف الشعر )
الحين
انا انشالله برجع حق الحنة مرة ثانية لان خربت شعري مرة ثانية لووووووووووووول
صبغته وقصيته ونتفته
مينونة على قولة امي
الله عطاج نعمة ولعبتي بحسبتها لعب
يالله بنات شجعوني وشجعوا بعض
منننننننننننننننننننننننقول
>>>>> ردود الأعضـــــــــــــــــــاء على الموضوع <<<<<
==================================
مشكووووووووووووره اختي ويعطيك العافيه على هالوصفه الرائعه
الله يوفقك
راح اجربها
__________________________________________________ __________
مشكووووووووووورة اختى
__________________________________________________ __________
مشكوووووووووووره اختي الحناء
له فوايد كثير للشعر
__________________________________________________ __________
مشكوره وجزاك الله خير على النقل
__________________________________________________ __________
رد مع اقتباس
