الي حابه تعرف نوع جسمها تدخل -أزياء موضة
عنوان الموضوع : الي حابه تعرف نوع جسمها تدخل -أزياء موضة
مقدم من طرف منتديات نساء الجزائر
الي حابه تعرف نوع جسمها تدخل
{وهيآ 5 آشكإل }
الشكل الاول حرف الـ O
او ( التفاحه ) Your shape is... Apple
1- الأكتاف مساوية للأرداف.. و احيانا الأرداف أعرض من الاكتاف
2- الوسط منحني للخارج و ذلك يمثل شكل التفاحة
شكل التفاحه يعرف بالمنحني والعريض ,,
صفاته الخصر عريض ويصغر وانتي نازله ,,
وسيقان نحيفه ,,
Your Goals( اهدافك)
تبرزين يدين نحاف وشكل للخصر
تعملي توازن لهم مع بقيه جسمك التحتاني
( ارشادات الجزء الي فوق)
Apple Girls’ Guide to the
Top Bits
*عشان تبرزي الخصر ركزي على التوبات المخصره
والاحزمه والجكيتات المخصره
*
التوبات الي تنلف من تحت يعنى الي يكون فيها زي القماش
من تحت وانتى تلوفيها على خصرك
* التوبات الي فيها قصه او كشكشه او مديل عند الاكتاف
فكره حلوه تعطي صغر لليدين
( ارشادات الجزء الي تحت )
Apple Girls’ Guide to theBottom Line
* الفساتين الطويله راح يعمل توزان لجسمك وراح يخبي الاشياء
الي ما انتى حابهتبآن و يعطيكي شكل انك نحيفه
* التنانير والفساتين القصيره راح تبرز سيقانك الحلوه فحلو انك
تركزي عليها
* اذا لبستى تنانير قصيره اختاري الي تلمع او الوانها فاتحه
او فاقعه شي زي كيدآ
* حلو انك تكونيمن هادآ النوع من الاجسام عشان عندك
رجول حيلوه ويدن وش حلوها
*
فابرزيهم بالتنانير والتوبات الي اكمامها 4 \ 3
Famous( مشاهير )
رازان المغربي
Jade Jagger
Drew Barrymore
Kate Winslet
//
=================
الشكل التاني حرف الـ A
أو ( الكمثرى ) Your shape is... Pear
1- الأكتاف أصغر من الأرداف
2- الجذع أطول من الأقدام غالبا
من اجمل الاجسام شكل الكمثرى
يتميز هادآ لنوع من الاجسام بانو نحيف شويتين من فوق
ومخصر مع وجود ارداف اللي هيآ تطلع الخصر
Your Goals ( اهدافك )
الحفاض على جسمك
تخلي تركيز العين على المنطقه الي فوق
عشان تعملي موازنه للمنطقه الي تحت
( ارشادات الجزء الي فوق )
Pear Girls’ Guide to the
Top Bits
* لبس التوبات اللي على شكل سبعه حلو علشان يبرز
منطقة الاكتاف والصدر ويعطيها تناسق
* وبرضو حلو لبس التوبات اللي فيها مديل عند فتحة الرقبه
او الصدرمثل الاشياء اللي فيها شك او تكسير وغيرها
* حاولي تصغري المنطقه الي تحت بانك تلبسي توب مجنون
فكري بالحرير وضيق ويكون فاتح فيه تفاصيل كثيره اوقصات فيها حركه
* راح يكمل الشكل وتخلي تركيز العين على المنطقه الي فوق
لما تلبسي الجز الي تحت من جسمك غوامق
* كثير بنات الي نوعيه جسمهم كيدآ يتمنو يبانو اسمن
من فوق فممكن يلبسو الاشياء الي فيها شكشكه او
يركزو على البرا الي يكون فيها بوش اب
* اللي عندها ارداف حلو انها تركز على خصرها
* تلبس الاشياء المخصره من جاكيتات واحزمه وفساتين
علشان يطلع جسمك صح
( ارشادات الجزء الي تحت )
Pear Girls’ Guide to the Bottom Line
* ادا الارداف كبيره والوحده تبغى تصغرها تلبس التوبات الواسعه
اللي تكون نازله على الاارداف
* برضو لبس الاشياء الغامقه من بناطيل وتنانير حلو لتنحيف
المنطقه اللي تحت
* ادا الوحده اردافها كبيره وافخاذ وسيقان كبيره حلو لبس
اي شي سترج بسيط
* اللي عندها بطن شويه حلو تلبس ربطه او حزام عند البطن
او تحتهآ باصبع او اصبعين علشان يخفي البطن وعلشان الوحده ما تشغلنا عطوني مخده علشان تحطها على بطنها لوول
* البناطيل اللي فيها خطوط عموديه بالطول تطول الرجول وتنحفها
* لبس التنانير اللي تحت الركبه واللي فيها قصات عشوائيه ت
عطي نظره للبطات اقصد اللي خلف الساق والكعب
* حلو دآ النوع من الااجسام لاانو الوحده تقدر تلبس اي نوع من التوبات
والانواع التانيه من الاجسام ما تقدر علشان كيدا تلاقي
الناس تغار وتحسد دي لااجسام
Famous ( مشاهير )
حليمه بولندا
Beyonce
Christina Aguilera
Tyra Banks
\\
=================
الشكل الثالث حرف الـX
او ( الساعه الرمليه ) Your shape is... Hourglass
1- الأكتاف و الأرداف متساوية في العرض
2- الوسط مائل للداخل
يكون الجسم فيه انسياب كلاسيكي
يعني حلو زيدول البنات اللي مرتزات فوق
يتميز الجسم بصدر عريض و خصر نحيف
Your Goals ( اهدافك )
تبرز الاشياء اللي في جسمها يعني " المقررات " بطريقه
ستايل وشيك بطريقه حلوه مو اوفر وتحاول الوحده تخفي
الاشياء اللي مو حلوه في جسمها
( ارشادات الجزء الي فوق )
Hourglass Girls’ Guide to the Top Bits
* حلو الوحده تلبس التوبات الضيقه والملفوفه والفساتين
المخصره او اللي تبين الخصر
او اي شي زي الاحزمه وغيرها يعني الوحده موهيم انها تركز
على الخصر
* الملاابس اللي قماشها خفيف مو شفاف يقلل من حجم الوحده
يعني ينحفها فتركز على الاقمشه اللي مو سميكه
* الفساتين او اي قطعه اللي فيها ربطه او خيط او شريطه عند
الصدر والبرا البارزه المفروض الوحده تركز عليها
* التوبات او التيشيرتات اللي قصتها على شكل V "سبعه "
تعطي شكل للرقبه وتصغر الصدر العريض
لاانه غالبا تكون دي لاجسام صدورها عريضه فالوحده تركز على
انها تضمها او تلمها
* تبعد عن لبس التيشيرتات المقفله من فوق يعني الي تكون
فتحت الرقبه فوووق
* لبس الالوان الموحده يعني لون واحد يخللي الوحده ستايل
وتناسق في جسمها
ومع انها تقدر تلبس الاشياء الملونه او المزخرفه بس الافضل انها
تركز على الااشياء الهاديه مو اللي اوووفر
* الملاابس اللي اكمامها طويله تكبر يدينها النحيفه
والاكمام three quarter يعني لين فوق نصف اليد حلوه للي بدهآ تنحفهم
( ارشادات الجزء الي تحت )
Hourglass Girls’ Guide to the Bottom Line
* التنانير اللي على شكل اسطوانه او اللي لين الركبه وتكون
ستريت يعني قصتها على طول
او اللي خصرها فوووق يعني مرتفع حلو ان الوحده تلبسها
وتكون شويه شترتش
* البناطيل الناعمه والجينزات اللي قصتها من تحت نحيفه او وسيعه
حلوه ان الوحده تلبسها
* النوع هذا من الاجسام حلو لاانه عنده خصر يقطع القلب فبرزيها بالفساتين والتنانير
Famous ( مشاهير )
هيفاء وهبي
Jessica Simpson
Scarlett Johansson
Anne Hathaway
~
//
الشكل الرابع حرف الـ H
او (الجسم النحيف او الرياضي ) Your shape is... Slim/ Athletic
1- الأكتاف مساوية للأرداف
2- الوسط غير ملحوظ كثيرا
يكون الجسم مستقيم من فوق لتحت
مافيه بروز كتير من الصدر او من تحت
Your Goals ( اهدافك )
curves, curves , curves
يكون مخصر فيه انحنائات او تقوس
على قد ما تقدرين تخبين ها الاستقامه الي في جسمك
تخلين فيه تخصير لو شوي
( ارشادات الجزء الي فوق )
Slim/ Athletic Girls’ Guide
to the Top Bits
* من الاشياء الموهيم لبسها للنوع من هالاجسام هو الجوليهات
او البديات اللي مافيها ربطه او شريطه
واللي يكون الفريم حقها مررره صغير Strapless
* برضو لبس الاشياء اللي فيها طباعه او زخرفه بسيطه او متشابكه
والوان مختلف كويس للنوع دآ
* اي شي يزبط الجسم موهيم الوحده تركز عليه زي الاحزمه الااشياء المخصره
الربطات الطبعات واشياء زي كيدا اللي تبرز الصدر والارداف والخصر
* لبس المجوهرات الكبيره واللي الوانها غامقه وخصوصا اللي
عند الرقبه او الحلق
علشان تخلي الواحد يطالع فيها اكتر يعني يركز في الوجه
* علشان الوحده تكون مخصره حلو انها تنتبه على الاحزمه والجكيتات
اللي مخصره اللي نازله شوي عن الخصر
* الاشياء اللي مديلاتها بسيطه حلو ان الوحده تلبسها سواء الجزء
اللي فوق او اللي تحت
( ارشادات الجزء الي تحت )
Slim/ Athletic Girls’ Guide to the Bottom Line
* اللي يصنع الخصر هي الاحزمه او الاكمام اللي فيها شغل زي
الشك او التطريز او الكشكشه وبرضه التنانير
* الفساتين اللي فيها خط او قصه او شريطه او كلفه او مغاط سوء
اللي عند الصدر او الخصر علشان تضم المناطق دي
وتعطي الوحده خصر
* البناطيل القطنيه او العاديه او الجينز اللي قصتها نحيفه من
تحت تخليك مخصره وتطولك
* برضو ممكن تنتبهي على الاشياء اللي قصاتها مرتفعه من
الخصر او نازله اللي نسميها لو وست
* كمان الفساتين او التنانير اللي فيها ورود بارزه او فيها شغل
او حركات بارزه
Famous ( مشاهير )
ملكة جمال لبنان ماري جوزيه حنين
Cameron Diaz
Mischa Barton
Keira Knightley
~
=============
//
الشكل الخامس ( الصغنون الي الي يآحليله لووول )
Your shape is... Petite
يكون الجسم مرره كيوت وصغير
ونحيف زي نانسي عجرم
الاكتاف شويه عريضه
ورجول قصيره لكن فيه شوية خصر
يعني مخصر الجسم
Your Goals ( اهدافك )
لاازم تركز ين على الجسم كامل
وتحاولين تطولين حالك
( ارشادات الجزء الي فوق )
Petite Girls’ Guide to the Top Bits
* لبس لون واحد من فوق لتحت يعطي الجسم تناسق ويطول
* التوبات القصيره والجكيتات واي شي قصير من فوق يعني تحت الصدر على طول ييبين الجسم ويعطيه تناسق
* الملابس الشفافه او الشيفون يبن الانحنائات اللي في
الجسم والتخصير ويخليها اكتر تخصير
ويخللي الجسم واضح وهادا اللي دايم تلبسو كيلي
* الي جسمها بتيت تركز على الفساتين اللي فيها شيفون
واللي من تحت فيها زي الكشكشه او كلفه طالعي الصوره اللي على اليمين لابسه اصفر
( ارشادات الجزء الي تحت )
Petite Girls’ Guide to the
Bottom Line
* اذا لبستي فستان طويل او تنوره طويله تراعي انو يكون فيه
حركه او قصه او تقليمه
* بالنسبه للبناطيل تحاولي تلبسي البناطيل الضيقه او اللي
قصتها نحيفه من تحت علشان تعطيكي طول
* مهم ادا لبستي البناطيل اللي فيها صفطه من تحت انها
ما تكون تحت مررره
لازم تكون فوق الكعب او ارفع شوي علشان تطولك
* لبس الصنادل او الكعب من المهم انها تكون الوانها طبيعيه يعني
زي لونك او قريب له
علشان يعطي طول والبوت العالي نصف الساق واطول
Famous ( مشاهير )
نانسي عجرم
Eva Longoria
Kylie Minogue
Natalie Portman
~
ّ
~
من مواضيع : حلم المستقبل
حلم المستقبل
مشاهدة ملفه الشخصي
إرسال رسالة خاصة إلى حلم المستقبل
البحث عن المشاركات التي كتبها حلم المستقبل
إضافة حلم المستقبل إلى الإتصالات الخاصة بك
الشكل1.jpg (26.1 كيلوبايت, المشاهدات 34) الشكل2.jpg (28.0 كيلوبايت, المشاهدات 31) الشكل3.jpg (28.8 كيلوبايت, المشاهدات 34) الشكل 4.jpg (26.2 كيلوبايت, المشاهدات 31) الشكل5.jpg (29.1 كيلوبايت, المشاهدات 31)
>>>>> ردود الأعضـــــــــــــــــــاء على الموضوع <<<<<
==================================
زعلانه ولارد
__________________________________________________ __________
يلا تعالو شاركو
__________________________________________________ __________
موضوع رائع
سلمت يداك
__________________________________________________ __________
فعلا موضوع حلو اووووى
الشكل التاني حرف الـ A
أو ( الكمثرى ) Your shape is... Pear
وانا النوع دة بس النوع المنتشر فى العالم العربى عمتا
تسلمى اختى على طرحك المميز
فى انتظار جديدك ان شاء الله
دمتى بحفظ الرحمن
رمضان كريم
__________________________________________________ __________
الشكل الثالث حرف الـX
yeslamou sister
^o^ w enti chu tele3 ma3ek?
رد مع اقتباس
