عنوان الموضوع : روايه اتركوني كلهم ارجوك لا تتركني مثلهم .. -روايات رائعة
مقدم من طرف منتديات نساء الجزائر

روايه اتركوني كلهم ارجوك لا تتركني مثلهم ..






بسم الله الرحمن الرحيم

السلام عليكم ورحمه الله وبركاته
.
.
جايبتلكم اليوم روايه
وهي اول رواياتي
روايه رومنننسيه جريئه کامله بإذن الله
وبإذن المولى ستحوز على رضاكم
وعلى إعجابكم
قد كنت ادخل الى هذا المنتدى کَزٱئره لا غَير
اما اليوم سأطرح روايه التي كتبتها وسهرت عليها
.
.
.

اسسم الروايه
(اتركوني كلهم .. أرجوک لا تتركني مثلهم )
بقلم
الكاتبه :ندى محمد
اسمح بنقلها ولكن بإسمي وارجوا منكم اخواتي التفاعل معي
سأبدأ بتنزيل الروايه
غدا
12/6/1437-1436ه‍
شاكره‍ لكم
روايه رومنسيه ، روايه جريئه ، روايه اكشن ، روايه حماسيه ، روايه حزينه

>>>>> ردود الأعضـــــــــــــــــــاء على الموضوع <<<<<
==================================


تركوني كلهم ارجوک لا تتركني مثلهم
.
(البارت الاول )
بمزرعه الجد ابومحمد كانوا الشباب بالمجلس مع الجد سواليف وضحك اما الاباء فكانوا ببيوتهم مع الامهات لان الاجازه اوشكت على الإنتهاء ويبون يخلصون امور بيتهم باسرع وقت عند الجد قام وأشر لفارس احد احفاده يلحقه لبرى المجلس
فارس : سَم يبه أمرني
الجد ابومحمد: مايامر عليک عدو ي ولدي بس روح نادلي البنات خلهم يجون عندنا
فارس :ابشر تامر بشي ثاني جدي
الجد:لا
طلع فارس ودخل للفله الموجوده‍ بنص المزرعه وشاف ريما نازله من الدرج وتكلم أشرلها (تعالي ) أشرتله (اصبر شويات) عصب منها هو مستعجل وهي تسولف اشرلها مرى ثانيه (تعالي) ورفع اصابعه يعني واحد اثنين سمعها تقول : اوک حبيبتي اكلمك بعدين
فارس: سنه تكلمين
ريما : اخلص وش تبي
فارس عطاها نظره‍ تروع:ايش
ريما:ااا ... هلا وش بغيت
كتم فارس ضحكته :روحي نادي البنات جدي يبيكم بالمجلس
ريما:ٱن شاء الله
طلع فارس للمجلس وشاف فهد داخل رحب فيه ودخلوا
عند البنات
دخلت ريما الصاله مادرت الا بالمخده على وجهها تمشي مليون طلعت منها اااه تراجعت على ورى من الصدمه الصاله حوسه وكلها مخدات والبنات يرمون على بعض
ريما بصراخ:بنات جدي يبيكم برى
أروان : قولي والله
ريما: وليش اكذب
البنات طبعا م صدقوا وراحوا ركض يلبسون طرحهم (شيلاتهم)
وطلعوا للمجلس بس تفاجئوا بوجود فهد
طبعا فهد مو من افراد العائله بس صديق من 13 سنه او اكثر وكان نادرا م يجتمع مع البنات او يتكلم معم بس لاسئلوه عن اخباره ولا عن غدي وراح نتعرف عليه من احداث الروايه
تقدموا البنات والجد يدور عليها بعيونه ومالقاها
الجد:وينا
بشاير..!: ميين
الجد :جوان
بشاير :مع مهند تنومه
الجد :ناديها لي بسرعه
بشاير : حااااااااااااضر
نعرفكم على العائله الكريمه
الجد ابو محمد : طيب الى ابعد حد وما في احد بزي حنانه وكل شي ولا بنته(حفيدته) جوان يملك شركات وعقارات يديرها هو بنفسه مع اولاده بالمملكه وخارجها عنده اولاد وبنات وراح نعرفهم ابو فارس :محمد يشتغل مع ابوه واخوانه عصبي شوي بس متفهم مربي عياله على قطع الارقاب ولا قطع الارزاق
ام فارس : مي تعتبر بنات اخوانها وبنات العائله بناتها طيبه حييييل
فارس :عمره 24 له هيبه بحضوره يشتغل مع ابوه بشركه مو مع العائله له غمازه‍ بخده تججنن وتدووخ لا ابتسم جسمه معضل عصبي بس ططيب ابيض عيونه بنيه غامقه
جمايل: مغغروره ومتكبره وحقوده بس جميله مو بالحيل عمرها 23
اسامه :22 فلاوي يحب المزح والدجه اسمر وشعره اسود له غمازتين عيونه بنيه جميله و له سكسوكه
ريما: هاديه وبس تصارخ لا تكلمت شعرها اسسسود سواد الليل الى اكتافها عيونها زي اخوانها بنيه غامقه قصيره بس مو مره لها غمازه تطلع لاضحكت بس ماتطلع وهي تسولف زي اخوانها عيونها صغااار بس مو بالحيل

ابو معتز :علي همه بالدنيا عياله وسعادتهم يحب يشوف الفرح على وجيه عياله ويشتغل بشركات العائله
ام عمر : مياسه طيبه عصبيه وتحب الجمعات
عمر : صديق فاارس بالححيل اسمر ومزاجي فلاوي ويحب يعلق 24
تماضر: مففففهيه لااابعد الحدود ماعندها سالفه ابدا عمرها19 طيبه دبدوبه شوي شعرها مدرج الى نص ظهرها واللي بقلبها على لسااانها
معتتتتز: اننننسسان باارد كتوم الى ابعد حد محد يقدر ينرفزه ابيض جسمه معضل ويعطي له هبه من عرض اكتافه طوله متناسق مع جسمه له غمازه نادرا ما تطلع لانه مايبتسم كثيير عيوونه كبار عسلي فاتح حواجبه مرسومه ونظراته تخخخوف 25

ابو سااامي: كباقي اخوانه
ام سامي : عصبيه وتحب تضحك
سااااااممممي:صددددديق اسااامه الروح بالروح نفس الصفات بس انه جسمه مو معضل مره نحيف شوي وراعي مزح وفله عمره 22
سسمر :متزوجه عمرها27 عندها بنت اسمها ليين طيبه وخجوله بس تحب تنصح وتوجه اذا شافت غلط شعرها اسود كيرلي خفيف من تحت
زوج سممر عصام: 29 يشتغل بشركه ابوه يححب سمر ولين بجنون عنده شامه صغيره على ذراعه عند المرفق ورومنسي ومجنن سمر عنده اختين امل ولمى طييبات بس فيهن غغغرور
سلمى : مفففهيه لدرجه الجنننون يسمونها(برين) من مسلسل كرتوني بنكي وبرين بنكي الذكي وبرين هو الغبي عشان كذا مسمينها بررين نحيفه وتلبس نظارات
ابو تركي: مو من العائله زوجته هي من العائله جاد اغلب الاحيان وسايب عياله على راحتهمم
ام تركي : فيها تكبر خفيف ومدلعه عيالها اخخخر دلع
تركي: مغرور مايعرف يعبر عن مشاعره بالكلام كتوم لكن بيجي يوم ويفجر كل اللي اخفاه ابيض عيونه كبار وجممميل24
روان: مغروره وحقوده صديقه جمممايل مممره مو جميله مره مقبوله تحب وليد 23
اروان:عفويه قصيره بيضاء شعرها طويل تحب تكشخ عيونها صغار فتاه لا مباليه كل شي ااايزي عمرها22


__________________________________________________ __________

ابو فيصل:رجل له هيبته عصبي يشتغل مع عائله زوجته
ام فيصل: بنت ابو محمد يعني من العائله مغغغغروره ولا يعجبها شي وبس تجرح بخلق الله صارمه بقراراتها
فيصل : صديق فارس طيب وحبوب وججججميل اسمر معضل مايحب النقاشات له هيبته من شغله وسمعه اهله 24
وليد:. 22 جممميل اسسمر رياضي طويل عيونه عسليه خشمه سله سيف طيب بس عصبي يدرس ادراه اعمال شعره اسود وطويل شوي
ساارا:20 طيبه وجميله ومفهيه شعرها طويل وقزومه شوي بيضاء مهبوله ومرجوجه
ابووو فهد : مو من العائله صديق للجد من زمن بعيد
فففففهددددد: جمممممممممميل جمال يطيح الطير من السمااااء معضل بس مشكككلته بااااارد ومايبين مشاعره بديهي يعني يقدر يفكر باسرع حل ممكن ان كان في مممشكله عيونه ذهبي على بني يبان فيها انه عربي لان لونها بدوي ولجمال رسمتها ورسمه حواجبه شعره اسود كثيف يمسك اعصابه واذا عصب يبدا يتكلم بسخريه ويبتسم ابتسامه سخخخريه ونظراته تخوف صديق معتزز 25
غدي: مو مراء ولا بيضاء شعرها طويل عيونها كبار قزوما صديقه سارا وتماضر وسلمى مرجوجه ومهبوله وعنيده واذا تبي شي جابته بعنادها
ناااادر : خغرور موشايف نفسسه ونفس تركي ميه بالميه من ناحيه الشخصيه اسمر وجسمه عريض
شهد : طيييبه وعلى نياتها شعرها بننني غااامق




>> نرجع للروايه
راحت بشاير وطقت الباب مره ومرتين وثلاث ولا رد
فتحت الباااب وشافت جوان نايمه بحضنها مهند حزنت على حالها وزلت للجد
بشاير : يبه
لف الجد عليها يعني (نعععم)
بشاير : جوان ناايمه
الكل لاحظ تغير ملامح الجد اللي تتغيرت للقلق
الجد : انا رايح لها يمكنها تعبانه
سارا: الله ليتني جوان عشان جدي يهتم فيني ويدلعني واصير مستر مدلعه
الكل ضحك عليها
قالت سارا قبل ما يطلع الجد: يبه ماتبيني اروح لها بدالك
هز راسه الجد بمعنا :لا
وطلع ....... وصل لغرفتها وفتح الباب




هذا البارات الاول اتمنى يعجبكمم
ابي تفاعل وردود جزيتممم خيرر
توقعاتكم

منهي جوان ...؟
وش قصه تركي ....؟
وش فيها جوان وليش الجد مهتم فيها
دمتم بخخخير


__________________________________________________ __________

السلام عليكم
طبعا انا قررت انزل كل يومين او ثلاثه بارت
او حسب الظروف

-البارت الثاني-





طق الباب
مره
ثنتين
ثلاث
ولا رد
فتح الباب ودخل .. شاف جوان نايمه وبحضنها مهند
اخذ الكرسسي القرييب من السرير وجلس عليه
وفجأه‍
جته الذكرى الاليمه
(قبل 21 سنه من الحين كانت جوان ام سنه يعني عمرها سنه
اخذ الله امانه امها (توفت) ابوها تركها عند جدها 16 سنه بعدين تزوج
وجاه ولد سماه مهند(يعني مهند اخو جوان من ابوها) تذكر كيف لا رجعت من المدرسه تبكي تبي امها اما ام مهند فكان حملها خطر وتوفت بيوم ولاده مهند
وابو مهند توفى بعد سنتين من ولاده مهند الجد كان مربي جوان من كان عمرها سنه يعتبرها بنته ويحبهااا ححححيل مره
تيتمت وابوها مامات وتيتمت بعد موت ابوها

يتيمه لقب ما تحبه )
رجع للحاضر على صوت كحه مهند حط يده‍ على راس حفيده
وصار يسمي عليه هدت الكحه بس مهند مانام
قام ورفع راسه لجده وضل يطالعه بعدين استوعب
وقال بصوته المبحوح :جدي جوان تعبانه مرهه
عقد الجد حاجبه:تعبانه
مهند: إيه هي قالتلي نِم بسرعه انا تعبانه مره
الجد: اي عادي من الشغل والمشي
مههند: ودموعه على وشك الانهمار: جدي والله هي تعبااانه حتى شوف هاه
وصار يهز جوان : جواااان ...... جواااان ..... جوواااان
رفع راسه لجده‍ : يييبه ما ترد
الجد : خلاص انت انزل تحت وانا بجلسها من نومها
هز مهند راسه ونزل تحت
دخل المججججلس ووجهه منفخ من النوم والصياح وجلس بأخر المجلس
انتبه لدخوله 2 ريما وفهد
تقدمت له ريما ومسحت دموعه : مهند الرجال .. ليش تبككي
مهند:.....................
ريما بصبر وقلق عليه : مهندد وش فيك يألمک شي
رفع راسه على اخر كلمتين وهز راسه : جوااان
ريما : وش فيهااا ..؟
مهند : تعبااااانه
ريما: عادي بكره تطيب اذا ما اذيتها واكلت زين وارتاحت
مهند: صدددق
ريماائ: ايه ... يلا امممسح دموووعک
مهند: ان شاء الله


عند أسامه وسامممي
اسامه بصوت عالي وجاد : اسمعوا يا امه محمد عندي قصيده
الكل التفت عليه : نننننسمعک
اسامه : يمممه لا خلاص استحي
الللكل بصراخ: يلا
اسامه : لا لا استحي خلاص .. ي خي والله استحي
الككل ضحك عليه لان تعابير وجهه مضحكه
سامي : تبي مساعده
اسامه : ياليت
سامي بمزح : لا خلاص استحيت وحط اصبعه على دقنه
هههههههههههههههههه



عند الثلاثي المرح
سارا... تماضر ... سلمى
طلعوا فوق للجد وطقوا الباب
طق
طق

الجد : ادخل
سلمى : يلا ادخلي وتدف سارا
وساره تدف تماضر :لا لا انتي ادخلي
وبعد هواش تطوعت تماضر
دخلت تماضر للجد
تماضر: احححم احممممم احممم السلام عليكم
ابو محمد : وعليكم السلام والرحمه
تماضر: جدي .. تدري اني احبك
الجد : الله يجزاك خير
تماضر : طيب يبه نبي نرووووح السوووق
الجد: مع مممين
تماضر "والله هذي الووورطه: مع اخوو غدددي
الجد :فهد
تماضرر : لا نادر
الجد: روحوا بسسسس لا تتأخرون
تماااضر : من عنيييا
طلعت تماضر وشافت البنات وقالتلهم عن موافقه الجد
سلمىى : الحين بكلممممم غدي
سارا : اي بسسسرعه
اخذت جوالها ودقت جاها صوت غدي : يامرحبا بتصال خلي يوم دق وانا بمحلي عششششششششششتوووا
سلمى : اذني يالدبا ... المهم يلا متى بتجين
غدي : مساااافه الطريقق
سارا : وش تقول ذي
سلمى : اوك باي يالحبب
غدي : مع السلامه

.... عند غدددي ....
طلعت من غرفتها وتوجهت لغرفه ناااادر
وطق الباب ودخلت
غددي : نادر حبيب قلب اخته المزيونه
رفع نادر راسه ورفع حاجب : وش عندک مؤدبه
غددي : حراااام عليک طول عمممري عسسوووله يالغالي حبيب قلبي
نادر " حبيب قلبي والغالي لا الوضع ما ينسكت عنه قام من كرسيه ووقف قدامها ورفع يده وحطها على جبينها نادر: مافي حراره
غدي شافت الاستغراب على ملامحه وابتسمت : مافيني شي
نادر تنهد : قولي وش تبين
غدي : احمم انا وسارا وتماضر وسلمى نبي نروح السوووق
نادر : طيب ..!
غدي : نبيك تودينا لـ
قاطعها نادر : اطلعي برى
غديي : لا نادر تكفى
نادر : بــــَــــــــرى
غدي : تكفى .. تكفى تكفى تكفى تكككككككككككفى
نادر : لا تصجين راسي وتزنين وتحنين اطلعي برى
غدي: سوف تندم ايها المقروص
توجهت غدي للباب وقبل ما تطلع رفعت راسها وقالت له : ككككل زق
وانحاشت وهي تضحك فجأه تذكرت فهد اي فهد اخوها عندهههم
صححح دخلت غرفتها وقفلت الباب
ودقت عليه جاها صوووته : هلا
غدي : السلام عليكم هلا فهد وووشلونك
فهد ببروده‍ : بخير
غدي : فهد انت للحين بالمزرعه صح
فهد بصوته البارد اللي اكتسسسبه من سنين : اييه

غدي : امممم طيب متى بتجي
فهد : وش تبين
غدي : اذا بترجع قريب ابيك تجيب البنات
فهد : ليه
غدي : ابيهم عشان نبي نروح السوق
فهد : أوك ربع ساعه وانا طالع
غدي : فهد
فهد : هممم
غدي : احححبك
فهد : شكرا
غدي : اسمعني تراهم ثلاثه
فهد: طيب
غدي : مععع السلامه
سكرت منه وهي مستانسه فتحت الباب وبتطلع بس ........،،،،.








بأحد احياء الرياض
جالسه هي وامها بالصاله
دخل ابوها كالعاده منهك وتعباااااان : السلام عليكم
اخذت شماغه وساعدته يجلس وبدت تهمزه وتدلكه
ابوها : والله يا رغوده مدري وش اسوي لا اعرستي
رغد : يبببه اصلا لا تزوجت ابسكن عندك ناشبه بك يعني ناشبه شئتم ام ابيتمم
ام رغد : ياللي ما تستحين تكلمين عن العرس وانتي توك صغيره
رغد : يمااااه انا صغيره وانا عمممري 22
ام رغد : وبزره بعد
رغد شهقت : اويلي ويلاه وش هالحتتتسي يمهه
ام رغد: اقول ودي القهوه للمطبخ بس احسن لك من الخرابيط ذي
اخذت رغد القهوه وغسلت مواعينها وطلعت فوق تنام

عائله ابو رغد
رغد عبد الله رجال طيب طبقه الماديه جيده جددا يبي يفتح مؤسسه بإسمه
ويجمع ريال على ريال عشان يقدر يفتح شي ضخمم
ام رغد: طيبه ودايما تطير جبه رغد المسكينه لكنها حنووونه وبقوه
رغد: طوويله شوي بيضاء عيونها بني فاتح شعرها قصير بني عمرها22 وطيبه وتحب المززح


عنننند الجججد
قامت جوان وهي تعبانه وشافت جدها ابتسمت له
: جوان تبين تنزلين ولاا تناممين
جوان : لا بنزل






جوان ليش تعبانه ...؟
وش صار لغددي ...؟

...وش بصير بطلعه البنات ..؟
..واسامه وسامي هل بيلقون القصيده .؟

ادري البارت قصير بس الكتااابه متعبه


دممممتم بخخخخير


__________________________________________________ __________

السلاااام عليكم
اليوم بنزل البارات عالساعه 7-8
لا تنننسون
واللي يقرون روايتي ومسجلين بالمنتدى
اتمنى يعطوني أرآئهم بالخاص
اي صححح ترى البارت الثالث
فيه ضحك شوي وهبال

دمتممم بخخخير


__________________________________________________ __________

البارت الثاااالث



عند الجد

قامت جوان وهي تعبانه شافت جدها وابتسمت له
الجد: جوان بتنزلين تحت ولا تنامين
جوان :لا بنزل



جوان :يتيمه الوالدان عمرها 22
شعرها كستنائي عيونها بني مايل للعسلي الفاااتح بيضاء لكن مو مره جميله
جسمها متناسق ومستقيم لها رزه يكسوها البرود اذا غضبت واستفزازيه شوي
من شده جمالها اللي يشوفها يقول مغغغروره بس هي طيبه وعسل وتعشق مهند

نزلت مع الجد وعند باب المجلسس كان فهد بيطلع للبيت عشان يودي البنات للسوق وهو طالع شافها وشاف الجد >> طبعا جوان متغطيه
سلم على الجد وودعه وطاحت عينه على جوان ارتسم على ثغره ابتسامه سخريه
"عشانها قام جدي وخلته يطلع فوق وهي تتدللع عليه والحين هي زي الحصان "
اما جوان فكانت تشوف الابتساممه اللي مالت على شفايفه "وش عنده ذا يطالعني كذا خير "
الجد: ماودك تدخلين
مسكت جوان يد ابوها ودخلوا
اما فهد فطلع جواله واتصل على غدي تقول للبنات يطلعون
طلع وركب السياره ينتظرهم
دقايق وطلعو ثنتين بس (سارا وتماضر)
ركبوا وسلمو بهمس
دقيق
ثنتين
ثلاث
اخيرا طلعت السيده سسلمى
لكن وهي تنزل الدرج كانت لابسه عبايه سارا وسسارا اطول منها
فطاحت من درج الشارع عالارض
ظلت منسدحه دقيقتين تستوعب بعدين تربعت بالارض وهي تردد
"طحت بالشارع عند الرجال واخزززياه "
اما اللي بالسياره فنفجروا ضحك اما فهد فرسم ابتسامه صغيره
قامت سلمى وكانت بتمشي بس لساتها واطيه<< حاطه رجلها
على العبايه وقفت بعدين رفعت رجلها وطلعت العبايه وهي تقول : خلاص كذا تمام
ركبت السياره وهي تسمع ضحكهم
قالت بصوت عالي شوي يعبر عن غضبها: كولي تبن انتي وياها انكسرت my نظاره
سارا :: هههههههههههه لي ساعه ادوور عباااتي مدري وينها
سلمى: انتي انكتمي بس
اعطى فهد لغدي رنه يعلن فيها وصوله



عند غدي
كانت بتطلع من الغرفه بس وقفت واخذت عباتها وطلعت
فجأه امتلى وجهها مويا بااارده
شهقت وصارت تمسح وجهها فتحت عيونها وهي تشوف نادر
ماسك كاس مويا ويضحك
غدي : ضحكت بلا ضروس يالمقروص ان شاء الله

دخلت وبدلت ملابسها عالسريع ونزلت تحت
اخذت كوب مويا وشربته وانتفظت يوم سمعت صوت جوالها
غدي: اف الله يقلعك روعتني
شافت رقم فهد طلعت وركبت السياره وسمعت ضحك وفهد مازال مبتسم
غدي : وش السااالفه
سلمى بعصبيه مضحكه : وش السالفه تكرفست>> طحت <= عند درج االبيت وتكسرت نظارتي
غدي : ههههههههههههههههه اتخييل شكلك منسدحه بالعبايه كانك باتمان هههههههههه
سارا وتماضر : ههههههه
سلمى : اسكتوا وجعه توجعكم بلا
وصلوا السوق ونزلوا بدلو العبايات
ودخلوا كل محل وقششوا اغراض وهم يتمشون كان في واحد ينتضر اهله برى المحل وقاعد المسكين يفكر يعني (سهيان مسر. مفهي)
تماضر شافته يطالع بجهتهم عصبت خير يطالع فينا
اتجهت له تماضر: معليش اخوي ترى عيب تطالع ببنات خلق الله حتى لو كانوا حلوين ماتطالعهم ترى ربي بيبليك بخواتك .. ولعلمك اذا ككرتها فينا بفقع عيونك
وراحت متجهه للبنات اما المسكين (ركان) فكان يطالعها مستغرب متى قعد يطالع فيها ووش تبي اصلا
ام ركان:ركان
هلا: ركااااان
ركان: هممممم
هلا:لي ساعه انادي يلا ياخيي خلصنا
ركان: اوك طيب
ام ركان: نروح السياره
ركان: اذا كنتوا خلصتوا يلا مشنا
طلعوا اهل ركان لمكان بيتهم وركان مازال يفكر بذيك الغبيه اللي جايه تهاوش ، بتفقع عيوني اجل يصير خير
كاني سمعت اسمها تمااضر قال ايش قال حلوت انقلعي تكفين
هلا: ركااان تعديت لفه البيت
ركان يرقع: ادري بس ابي البقاله




يتبععع