:÷: رنين الحنان :÷: .... من تأليفي -رواية
عنوان الموضوع : :÷: رنين الحنان :÷: .... من تأليفي -رواية
مقدم من طرف منتديات نساء الجزائر
:÷: رنين الحنان :÷: .... من تأليفي
/
بسم الله الرحمن الرحيم
Welcome
(الحلقة الاولي )
هففف هففففف
ترمي رنين شنطتها ع الكرسي و جسمها ايضا بدوره ع الكنبه
امها (حنان) : ايه يا حبيبتي .. مالك بتهفهفي ليه بس ؟؟
رنين : مش قادره يا ماما من الشغل للجامعه لبيت الست انجي ..
حنان و هي مستغربه : روحتي لخالتك النهارده ؟؟ اشمعني يعني ؟؟
رنين : اصل انجي قالتي عايزة محاضرة النهارده ضروري .. و بعدين كمان كنت عايزة اسلم ع خالتو و احمد بالمره
حنان : طيب كويس .. و انجي عملا ايه دلوقتي بقت كويسه ؟؟
رنين : واللهي يا ماما هي زي الفل بس بتدلع شويا و بعدين حضرتك عارفه خالتو (غاده) مدلعه انجي زياده عن اللزوم
حنان : معلش ياحبيبتي ، ما انتي عارفه ان بنتها الاولانيه ماتت بعد شهرين من ولادتها و دلوقتي هي معندهاش غير انجي و احمد يعني هياخدو كل الدلع
رنين : اااه .. عارفا الموال دا انا هدخل انام شويا يا ماما و بعدين اصحي اتعشي
حنان : ماشي يا حبيبتي .. تصبحي ع خير
____________________________
ترررررررررررن ترررررررررررررن ترررررررررن تر ترن ترن
حنان : ايه ايه ياسي حازم ماعكش المفتاح ولا ايه
فتحت حنان الباب و دخل حازم ابنها الاصغر
حازم : هاللو ايفري بدي
حنان : وعليكم السلام و رحمه الله و بركاته ياخويا
حازم : احم اااه سوري يا ماما اصلي النهارده طاااااير من الفرح
حنان : خير ان شاء الله ؟؟ فرحني شويا ؟؟
حازم : كلمت مروه يا ماما كلمتهااااااااااااا اخيرا
حنان :بجد .. و عملت ايه ؟؟
حازم : هي بنت مؤدبه اوي و اتاكدت من كدا كمان لما رفضت تخرج معايا
من غير ما يكون بيننا ارتباط رسمي
حنان و هي متحمسه ك بجد طب كويس اوي // يعني مش كل البنات
الحلوين قللات الادب هه ؟؟
حازم : لا دي حاجه تانيه خااالص خاالص و بصراحه هي كمان مستريحالي
حنان : هي قالتلك كدا ؟؟
حازم : لا هي مصرحتش بس انا حاسس
_________________________
ااااااااااااه اه هاااااااااااااااوم
رنين : يااااااه اليوم النهارده كان متعب بجد
و ظلت تشكي لامها متاعبها اليوميه من كليه الطب حتي شركه رنين للاستعراضات و منها الي بيت خالتها
حنان : يارنين .. ما انا قلتلك قبل كدا احنا الحمد لله مش ناقصنا اي حاجه
و كل حاجه عندنا و باباكي الله يرحمه سايبلنا كتير اوي يبقي ليه الشغل
رنين : يا ماما انا قولتلك قبل كدا الشغل دا مش عشان فلوس لا عشان
انا بحبه و ببقي مبسوطه و انا بعمله و كمان حاجه بتفكرني بطفولتي
حنان : يعني انا غلطانه اني خليتك تتعلمي الباليه و انتي صغيره
رنين و قد همت باحضار اطباق لتتناول عشاها : لا طبعا يا ماما
اولا انا بحب الباليه جدا لكن بما اني محجبه فمينفعش اكمل عشان كدا
فتحت المكتب دا للاستعراضات و اهو بقي شركة كبيره بتقدم استعراضات
محترمه هه يا ماما محترمه في اعياد الميلاد و المسارح و النوادي
حنان: يا حبيبتي انا مقلتش حاجه بس برضوا دا كتير عليكي
رنين و قد حشرت ورك فرخه في فمها : ههههههههه ما تخافيش عليا
يا ماما لا تعب ولا حاجه دا كلوا رايح جاي بالعربيه و بعدين يعني لو متعبتش دلوقتي حتعب امتي بس
^^
دا كان نموذج من يوم في حياة اسره (حنان) والي ليها اخت واحده
وهي ( غاده ) الي عندها احمد و انجي // و انجي صديقة مقربه جدا
لرنين و هم في نفس الكليه كليه الطب // حنان ارمله و لكن غاده مطلقه
و هم يحبان بعض كثيرا
............ تابعوا معنا ..............
>>>>> ردود الأعضـــــــــــــــــــاء على الموضوع <<<<<
==================================
( الحلقة الثانيه )
انجي : الو ... صبحا الخير
رنين و هي شبه نائمه : الو .. ازيك هااااااااااو .... اه .. انجي ؟؟
انجي : ايوا طبعا انا اومال هيكون مين يعني بيتصل يصحيكي من النوم ..
رنين و قد استيقظت من احلي نوما : واللهي انتي رايقه .. بتجيلك المحاضرات لحد عندك و ما بتتحركيش من سريرك
يعني هتعوزي ايه اكتر من كدا
انجي بنبره سخريه : ما انتي عارفه يا نونا يا حبيبتي انا ماينفعش اتحرك الا اذا حسيت اني رجلي بقت كويسه
رنين و قد بدأت تتعصب : انجي ماتستهبليش دا انتي مش بس صحبتي انتي كمان بنت خالتي
يعني فقساكي فقساكي
انجي : ههههههههه .... طيب طيب ... قوليلي هنخرج النهارده ؟؟
رنين : اه غالبا ...... بس اسمعي انا ما قلتش لماما لازم اقولها الاول
انجي : طبعا طبعا انا عارفا خالتو قلبها طيب و مش هتقول لا
____________________>
و راحت رنين لتستأذن امها بعد الافطار
حنان : رنين هاتيلي الاطباق دي واللهي
رنين : حاضر ياماما .....
حنان و هي تغسل ما تبقي من اطباق : ايه نظامك النهارده ؟؟
رنين : انجي اتصلت بيا الصبح
حنان : و ايه الجديد في كدا ما هي كل يوم تلفونات هنا و هناك
رنين : ااااه ...... هي .. كانت يعني .. عايزانا نخرج النهارده ؟؟!!
حنان : مافيش مشكلة روحي بس فين ؟؟
رنين : المول انتي عارفا رمضان قرب و طبعا بعدو العيد و طبعا هي لسه متحجبه جديد يعني
هتروح معانا تصلي العيد ف عايزا تشتري عبايا عشان تروح بيها معانا انا و انتي و خالتوا و احمد و حازم
حنان و قد فتحت فمها : ياااااااااااا ... تصدقي انجي دي فايقا و رايقا
رنين : هههههههه .. انا عارفا الموضوع دا من زمان
حنان : هي بتفكر من دلوقتي هتلبس ايه بعد شهر ..........ز
رنين : معلش بقي يا ماما هي كدا من يومها
حنان : طيب ع العموم مافيش مشكله روحي وخدي حازم معاكي اهو يونسك
رنين : ماشي يا قمر .... كدا احسن اصل احمد كمان جاي
____________________________________
وصف المشهد : فتاة ترتدي بنطال اسود ع الموضه .. و بادي ابيض مزركش و جاكيت اسود و طرحه
لتتقدم ناحيه مجموعه من الفتيات في نفس كليتها و في نفس مظهرها تقريبا و يمسكون حقائب و بها
كتب كثيره
رنين : هاي يا جماعه
خلود + فاطمة + هنا + رهف : هاي يا رنين .....
رنين : ها ايه اخبار المحاضره بدأت ولا لسه
وقبل ان تنطق اي منهم كلمه
هنا : عن اذنكوا يا جماعه انا هقوم
فاطمة : ايه يا بنتي ماحنا قاعدين مستنين المحاضرة لما تبدأ
هنا : لا معلش انا لازم امشي دلوقتي ...
رنين باستغراب : ايه يا هنا اول ما جيت قومتي يعني في ايه يا بنتي ؟؟
لم ترد عليها هنا و سحبت نفسها من كرسيها و ذهبت
خلود : ع فكرا يا رنين البت دي مش بحبك ومنفسنه اوي من ناحيتك
دا احنا كل ما نقول رنين اتأخرت تقول ايه يا جماعه يمكن مش جايه
انتظروا تكمله الحلقة الثانيه غدا باذن الله
__________________________________________________ __________
تكمله ( الحلقة الثانيه )
صوت اجش : و بكدا نكون خلصنا المحاضرة دي // و احب احزركوا قصدي احب
اكرر عليكم البحث ان شاء الله يكون ع مع كل واحد المره الجايه
و بعد انصراف الطلاب عن المحاضرة
رهف : يااا اما الدكتور دا غلس بشكل
فاطمة: حرام عليكي يا شيخه هو الي يركز في شغله و في المحاضرة يبقي غلس
خلود : يا جماعه ...... الراجل قال كل واحد يجيب البحث يعني هو عايز بحث من الولاد بس
رنين : ايه الزكاء دا
ههههههههههههههههههههههههههههه
رهف : رنين حبيبتي هي الي هتنصفني ... ايه رأيك في الدكتور دا يا رنين ؟؟
رنين : هقولكوا كل حاجه بس نروح الكافيتريا نشرب حاجه الاول عقبال ما المحاضرة الاخيره تبدأ
و بعد موافقه جماعيه انطلقوا جميعا ع كافيتريا الجامعه
رهف : ها ما قلتيش رأيك يعني ؟؟
رنين و هي ماسكه كابتشينو : مممممممم ... بصراحه انا ما يهمنيش في اي دكتور غير شرحه
و اسلوبه في تثبيت اي معلومه و الصراحه دكتور رسمي اسلوبه حلو جدا و بفهم منه لكن بقي موضوع
صوته و لبسه و ما الي ذلك يا ست رهف فهو مايهمنيش بالمره
فاطمة : اهو دا الكلام و الا بلاش
هههههههههههههههههههه هههههههههه ههههههههههه
و قطع ضحكاتهم صوت هنا : رهف ...... رهف تعالي ثانيه واحده
رهف : عن اذنكوا يا جماعه
و وقفا بجوار بعضهما يتهامسان
رهف : في ايه يا هنا مش قاعده معانا ليه ؟؟
هنا :لا معلش انا عايزة ابقي لوحدي
رهف : هنا ... في حاجه ؟؟ في مشكلة مع باباكي ولا حاجهه ؟؟ ما تخبيش عليا احنا صحاب
هنا : لا مشكلة ولا حاجه .. بابا مش بتاع مشاكل
رهف : اومال في ايه ؟؟ غلبتيني معاكي ؟؟
هنا : لا مافيش حاجه عادي ...... انتي عارفه اني مبكرهش رنين بس برضوا مبحبش اشوفها قدامي خالص
رهف : طيب ..... دلوقتي عايزة ايه ؟؟
هنا : عايزة نمره تليفون فاطمة .. ممكن ؟؟
_________________________________
انتظروا الحلقة الثالثه باذن الله
___________________________________
__________________________________________________ __________
( الحلقة الثالثه)
واشمعني انا يعني
صرخ حازم في وجه رنين ............
ولما جات الام
حنان : ايه ..... رنين حازم ... ايه صوتكوا جايب لاخر الشارع ؟؟ في ايه ؟؟
حازم : شايفا يا ماما مش عايزاني انا الي اسوق العربيه احنا اتفقنا انها بتاعتنا احنا الاتنين
و بعدين دي خروجه معانا احمد و انجي يبقي لازم انا الي اسوق
رنين : و بعدين فيك ؟؟ انا الي هسوق يعني انا الي هسوق
حنان : باااااااااااااااااااس .. حرام عليكوا بس شويا ... رنين اخوكي هو الي هيسوق و مافيش مناقشه
___________________________
وصف المشهد : مول فخم جدا لا يتماشي مع الطبقة المتوسطه التي تنتمي اليها رنين و انجي
و فتاتان محجبتان بملابس خروج يقفان امام احدي المحلات و يمحلقان في المعروضات بينما
تمسك احدهم كوب في يديها الاخري مهتمه بالمحل
رنين و هي ترشف بعض القهوه : ع الفكره انا مش شايفا انها حلوة خاالص
انجي : بتقولي ايه .....؟؟
رنين : بقولك مش حلوة خااااااالص
انجي : ليه دي محتشمه جدا و كمان ليها طرحتها و شنطتها يعني كامله من مجاميعو و بصراحه
المحل دا باين عليه جميل اوي
رنين : طرحه ايه و شنطه ايه انا بكلمك ع القهوه يا بنتي
انجي بغيظ : يارب ارحمني .. يا رنين فوقي معايا شويا بليز
ما تعصبينيييييييييييش
رنين : طيب مش كنتي تجيبيلي من Cinnabon انا طول عمري مابحبش starbucks
انجي : اففففففف .... هجيبلك كل الي انتي عايزاه بس تعالي ندخل نشوف العبايا دي الاول
بائعه المحل : تفضلي .. دا المقاس المطلوب
رنين وهي تمسك القهوه : اه ميرسي اوي شكرا
رنين : انجي انجي ...... امسكي يا بنتي العبايا اهيه يلا شوفي كدا دي هتيجي ع قدك
و من ناحيه اخري
وصف المشهد : شابان يجلسان في محل Games لكن لا يلعبان يشاهدان احدي الماتشات فقط
احدهما طويل بعض الشيء ( احمد ) و الاخر اقصر منه بقليل ( حازم )
احمد : و انت عامل ايه دلوقتي ف المزاكره يا حازم
حازم : الحمد لله بدأت اتقد شويا بشويا انت عارف طبعا كليه الهندسه مش سهله خالص خالص
احمد : اااااه .. يا بختك
حازم : و انت ؟؟
احمد : واللهي مش عارف انا معرفش حاجه خالص عن المنهج انا ميييييييح
حازم : طب وليه يابني دا انت في سنه تانيه اعلام يعني لازم تخد بالك شويا انت دلوقتي تاني مره تسقط
احمد بحزن شديد : انا ...... انا مبحبش الكليه دي مبحبهاش و ... كمان انا .... يعني مش مركز خالص
حازم بجديه : ليه ؟؟
احمد : عشان ... انا .. يعني بص عايز اكلمك في موضوع
حازم و قد اندهش : ايه ... قول يا بني ما تخافش ؟؟
احمد : انا كنت عايز اخد رأيك في موضوع ؟؟ انا عايز اخطب
حازم : يااااااااااا .. بجد ..... طب دي حاجه كويسه اوي و لقيت بنت الحلال بقي ؟؟
احمد : رنين
حازم : ايه ...... رنين ؟؟ هه ؟؟ ااه
احمد : قلت ايه ؟؟
حازم : واللهي انا معرفش يعني اقولك حاجه في الموضوع دا خالص ؟؟ في الاخر دا رأيها هي ؟؟
احمد : المهم ؟؟ انت موافق ؟؟
حازم : انا عن نفسي معنديش اي مانع ؟؟ لكن .....يعني لازم تفاتح ماما برضوا
احمد : هسيب الموضوع عليك انت صاحبي الوحيد
(((((((((((((((((((((((())))))))))))))))))))))))))
و اخيرا اشترت انجي العبايا و لكن لم تنتهي رنين من القهوه بسبب انشغالها بمقاسات العبايا و ازواق
الشنطه و الطرحه الخاصة ب انجي
رنين : اظن نروح نجيب كاكاو بقي من cinnabon لحسن القهوه دي وحشه قويي ... يعععع
انجي : بجد انا عجبتني العبايا اوي .... ميرسي ع تعبك معايا يا رنين
رنين : انتي اتهبلتي ولا ايه ... ميرسي ايه و بتاع ايه احنا اخوات يا بت ... يعني مفيش بيننا
لا ميرسي ولا شكرا ... دا احنا مع بعض من كيجي ون
انجي : ربنا يخليكي يا رنونه ..... و تعالي بقي يا ستي عشان نشتريلك الجزمه الي قولتي عليها
رنين : مواااااااااه ... يا حوبي انتي ... الاول نجيب الكاكاو ههههههههه
و بعد شراء الكاكاو و جزمه ايضا لرنين
انجي : يلا بقي نروح للولاد الي هيقتلونا دول ... قوليلي صحيح اشمعني حازم الي سايق النهارده
رنين : ههههههههه ... عادي .. دا انا دبيت معاه خناقه وماما كالعاده قالت هو الي يسوق
انجي : طيب احنا هناخد تاكسي بقي بلاش نتقل عليكوا
رنين : يووووو ... بطلي بقي الغتاته دي و بعدين انا وعدت ماما و خالتوا اننا هنوديكوا و هنرجعكوا
بالعربيه و مينفعش اسيبكوا ترجعوا في وقت زي دا
:::::::::::::::::::,.,.,
رنين : ايه .. يلا بقي يا شباب نمشي ؟؟
حازم : ايه اشتريتوا حاجه ؟؟
احمد : اشترتي حاجه يا رنين
رنين بعفويه : اشتريت احلي جزمه فيك يا مول
احمد : الف مبروك عليكي ... يا بختك الجزمه
رنين و قد رسمت ابتسامه ع وجهها المرهق : اههههههههه ... ميرسي يا حماده
انجي : و انا كمان اشتريت عبايا و شنطه و طرحه كمان
احمد و حازم : مبروك عليكوا يا جماعه
و لاحظ حازم الحاله التي سادت حازم عندما ظهرت رنين و لكنه لم يلاحظ اي انجذاب او حتي قبول
من رنين كله كان مجرد مجاملات لكلام احمد لها
و في منزل حنان
يااااااااااااه
حنان : رجعتوا يا ولاد ..... ايوا ايوا طبعا لا لا مقدرش يا فندم المستشفي اهم اه اه طبعا
رنين : ماما ...... بصي شوفي جبت ايه
و اغلقت حنان التليفون لتأتي
حنان : حمدلله ع السلامه .. انبسطوا ؟؟
حازم : اااااااااه ع الاخر يا ماما بجد .....
حنان : طيب كويس ... وصلتوا انجي و احمد ؟؟
رنين : اها طبعا .... بصي يا ماما // و اخرجت جزمتها الجديده
حنان : يااااااه .. ماشاء الله ....... دي حلوة اوي يا حبيبتي مبروك عليكي
و بعد العشاء ذهب حازم لامه لمحادثتها بالموضوع قبل عرضه ع رنين
تك تك تك تك
حازم : ممكن ادخل يا امي ؟؟
حنان : اتفضل
حازم : عايز اكلم حضرتك ف موضوع ؟؟
انتظروا الحلقة ال4 باذن الله
__________________________________________________ __________
الحلقة الرابعة
و بعد عرض حازم الموضوع ع امه .. و شرح لها كل الملابسات و كل ما يخص الموضوع من لا مبالاه
من قبل رنين و انجذاب احمد الشديد لها
حنان : مممممممم .... طب قولي يا حازم غاده اختي تعرف الموضوع دا ؟؟ احمد قالها يعني ؟؟
حازم : اه هو قالي انو هيعرض الموضوع علينا و لو وافقت هيجي طبعا , بس هي عندها خلفية عن الموضوع
حنان : ااااااااه ، بس ... بس انا بصراحه معنديش مانع ..... لكن انت عارف طبعا ساقط لغايه
دلوقتي مرتين .. و رنين طول عمرها ناجحه و بتكره السقوط و بتعشق الدراسه اوي
حازم : احنا نقولها و هي عليها الاختيار ....ز
حنان : هو كدا صح
______________________
وصف المشهد : فتاة ترتدي بيجامه ورديه و الكمبيوتر بجوارها مفتوح بينما هي تتمشي ف الغرفه
و بيدها كتاب و تقرأ منه بصوت منخفض قليلا و الغرفه مرتبه الي حد ما باستثناء الاسدال الذي يستلقي
ع المكتب بجوار الكمبيوتر
تك تكت تكت تك تك تك
صاحت رنين : ايوااا .....
حنان : ازيك يا نونا
رنين : ايه دا يا ماما انتي لسه ما نمتيش ... انتي نسيتي ان ععندك شغل بكرا
حنان : لا يا حبيبتي ما نسيتش بس عايزه اخد رأيك كدا في حاجه
رنين و قد وضعت الكتاب ع المكتب : اتفضلي ياماما ...
حنان : اه ..... بصي يا رنين يا حبيبتي كل بنت مسيرها للجواز و لبيتها
رنين بنبره مزاح : ايه دا ايه دا ...... انتي جايبالي ع......
و قبل ان تكمل كلامها
حنان : ع ر ي س
رنين : وااااااااااو ..... مممممم .. و دا مين بقي ؟؟ و يعرفني منين و شافني فين ؟؟ و ازاي ؟؟
حنان : حيلك حيلك عليا ... انتي هتطلعي عينو من دلوقتي
رنين : طيب اديني سكت اهو يا ست ماما
حنان : احمد
رنين : احمد مين ؟؟
حنان : احمد ابن خالتك انتي خلاص فقدتي الذاكره ؟؟
رنين بحده : ايييييييييييييييييييييييه ؟؟؟؟؟ احمد ؟؟؟؟؟؟!!!!!!!!!
حنان : اه احمد مالك قلبتي ليه ؟؟
رنين : يالهوي ....... ماما انتي بتهزري ولا ايه ؟؟
حنان : و هي الحاجات دي فيها هزار يا بنتي ؟؟
رنين و قد عقدت يديها في حزم : لا لا لا نوووو وووووي ..... و انتي ياماما ازاي تفكري في حاجه زي دي
حنان : و ماله بس يا بنتي ....... ابن خالتك و بعدين انا مفكرتش هو الي عرض الموضوع ع اخوكي
رنين و هي تضحك : هههههههه كمان يااااا دا واخد الموضوع بجديه اوي
حنان : المهم .. قولتي ايه ؟؟؟؟؟
رنين : لا طبعا مش موافقه احمد ايه و بتاع ايه ..
حنان : ليه طيب ؟؟
رنين : هو حضرتك بتسألي كمان ..... اولا احنا متربيين مع بعض ولا يمكن افكر فيه كزوج ..
ثانيا انا خلاص قربت اخلص كليتي و حضرته سقط مرتين و الله اعلم هيفضل كدا لحد امتي
و كمان انفصال باباه و مامته عملو مشاكل نفسيا كتير دا مش بارادته طبعا بس انا مش ذنبي دي انجي
بتشتكيلي منه مر الشكوي
حنان بنبره انهزام: مممممم ...... واضح انو مافيش فايده ....
تصبحي ع خير يا بنتي
و انتي من اهله يا ماما !!!
و مرت ايام و حنان تماطل في اختها غاده لكي لا توضح رفض ابنتها لابنها
و تماطل و تماطل و تماطل ............
و ايضا في الجامعه تتحاشي رنين فتح الموضوع مع صديقتها المقربه و ابنه خالتها انجي
كما لا يحتك حازم ب احمد !!!!!!
حتي همت غاده بزياره لاختها حنان و لكي تسأل رنين عن رأيها في ابنها ؟؟!!؟؟؟!!؟!؟!؟
تررررررررررررن ترررررررررن تررررررررن
رنين من امام التلفزيون : حازم افتح الباب و اللهي
حازم : اوك ..... انا جاااااااي
تك
غاده : مفاجأة ههههههههه
حازم بارتباك : اهلا اهلا خالتو غاده اتفضلي اتفضلي
غاده : السلام عليكم
رنين و التفتت لخالتها : اهلا وسهلا ..... و عليكم السلام و رحمه الله و بركاته
غاده : ازيك يا حازم يا حبيبي واحشني اوي اخص عليك يا وحش
حازم : معلش يا خالتو و اللهي المزاكره و الدراسه واخده كل وقتي
غاده : ربنا يوفقك يا حبيبي ..... رنونه حبيبتي عامله ايه يا روحي اموااااه امواااااااه ( قبلات )
رنين : الحمد لله نحمده و نشكر فضله كلو تمام
غاده : اومال فين اختي ...... انتوا مخبينها ولا ايه ؟؟
رنين : ههههههههه ثانيه واحده اندها لحضرتك اتفضللي اقعدي
غاده : ميرسي يا روحي
رنين و هي تنغز حازم : روح شوف عندنا ايه يتشرب ولا يتاكل و انا هروح انادي ماما
بصوت منخفض : ماما ..... يا ماما ..... ماما
حنان و هي تكمل نشر الغسيل : ايه في ايه مين جه و موطيه صوتك كدا ليه
رنين : دي خالتو غاده !!!!!!!! ممكن تيجي تقابليها بقي
حنان : يا خبر غاده ..... طيب طيب انا رايحالها دلوقتي حالا
( انتظروا الحلقة الخامسه )
__________________________________________________ __________
الحلقة الخامسة
همست حنان لابنتها : كملي نشر الغسيل مش فاضل كتير عقبال ما اغير هدومي و اروحلها
رنين بقلق شديد : حاضر حاضر ...
بعد تغيير ملابسها
حنان : اهلا اهلا ...... انتي لسا فاكرا البيت ......
غاده و هي تحضن اختها : انتي عارفا واللهي لو عليا اجيلك كل يوم ههههههه
حنان : اتفضلي اتفضلي ..... شربتي حاجه ولا لسه
غاده بامتنان : اها .... حازم جابلي كيك و شاي تسلم ايدك
حنان : ههههه بالهنا و الشفا بس الحقيقة رنين هي الي عملاهم
غاده : مممممم .... ماشاء الله .... نفسها حلو اوي ...
حنان : .... اه .... ربنا يخليكي
غاده : وعملا ايه ف الشغل و ف المستشفي و ف الجنان دا
حنان : هههههه طول عمرك بتقولي ع الطب النفسي جنان .... بس صدقيني كلنا محتاجينو
غاده : لا يختي الحمد لله انا مش محتاجاه
حنان : هه ........ اه اه طبعا .... انتي هتقوليلي ... و انتي عملا ايه ف شغلك ؟؟
غاده : مقولكيش ..... يويوويويويوي .... مكتب المحاماه دا فظيع بقعد اهش فيه دبان
حنان : ياااااااا للدرجادي طب اعملي دعايا
غاده و هي ترشف من الشاي : اه ماهو دا الي بدأت فيه ..... المهم ...... ايه الاخبار
حنان : هه ؟؟ ..... اخبار ايه ؟؟
غاده : اهي ..... اخبار عروستنا ؟؟
حنان : الحقيقة .... انا يعني .... بصي يا غاده ... انا كنت بقول اننا محتاجين شويه وقت عشـــ،،
و تدخلت رنين بسرعه
رنين : لو سمحتي يا ماما ..... خالتو غاده ... انا ..... بصراحه كدا ... مش بفكر ف الجواز
و طبعا احمد اي بنت تتمناه لكن انا اتمناله حظ اسعد من كدا
غاده بحزن واضح و قد وضعت الكوب من يدها : كلام ايه دا يا رنين ؟؟؟ بقي انتي مش موافقا ع احمد ؟
حنان : بصي يا غاده خدي الموضوع ببساطة
غاده : ليه ؟؟؟ هو ابني يتعيب ؟؟
رنين : انا مقولتش كدا يا خالتو ....... بس يعني ..... ف النهايه لازم يكون في قبول م الطرفين
و انا مش موافقه !!!!!!!!!!!!
غاده : ممممممم .. طيب عن اذنكوا بقي
حنان : استني بس يا غاده ....... اقعدي لما تتغدي معانا
غاده : لا متشكره ..... سلام
طك ( غلق الباب بواسطة غاده )
حنان : هففففففف هم و انزاح من ع كتفي
رنين : ماما ...... هي زعلت ؟؟
حنان : انتي بتسألي ؟؟ دي اختي و انا عارفاها .... زعلت طبعا
____________(((((((((())))))))))
عادت غاده الي منزلها و اخبرت اولادها بما حدث
غاده : فاهمه لو اشوفك مع رنين دي تاني ..... هموتك و اكسر دماغك
انجي باستغراب : و انا مالي بس يا ماما ..... و بعدين ايه يعني ما دا كان شيء متوـــ
قطع كلامهم انسحاب احمد الي غرفته بعصبيه
و اسرعت امه وراءه
احمد : ليه ؟؟؟ ليه يا ماما ؟؟ انا بحبها .... و طول ... طول عمري و ... وانا شايفها قدام عيني
و عمري ما اذيتها ف حاجه .... يبقي ليه ترفضني ؟؟؟ هه ؟؟ ليه ؟؟
غاده : ولا يهمك يا حبيبي ... بكرا اجوزك احلي منها مليون مره
احمد بتألم : ياماما ... انا بحبها بحبها ..... مقدرش استغني عنها ..... ليه ؟؟ ليه ؟
بدأ احمد ف البكاء
غاده : لا لا لا يا حبيبي لا ......
و بدات هي ايضا تبكي معه عليه
احمد و هو يمسح دموعه : ماما ..... من فضلك ... اخرجي و سيبيني لوحدي ... ارجوكي
غاده : لا .. مش هسيبك ف الحاله دي لوحدك
صاح احمد بقوة : لو سمحتي بقولك عايز اقعد لوحدي شويه
غاده و هي تزرف المزيد من الدموع : هيء هيء ... حاضر يا حبيبي ... انا ... انا ماشيه
××××××××××××××××××××××××
في صباح تاني يوم
حنان بملابس النوم : رنين ..... رنين ... اصحي يا نونا هتتأخري ع الجامعه
رنين و عيناها مغلقتان : اووووووووه .... شويا يا ماما شويا
حنان : قومي بقي بلا شويا بلا بتاع يلا
رنين و هي تحضن المخده : حاضر يا ماما حاضر خلاص بقي
حنان : طيب ...... قومي يلا
نهضت رنين من سريرها و اصطدمت بامها لانها مازالت نائمه
حاسبي يا بنتي حرام عليكي
حنان : رنين ..... حازم ..... يلا يا ولاد عشان الفطار جاهز
تقدمت رنين بملابس الجمعه و الجزمه الجديده و كتب في يدها و الموبايل ف اليد الاخري ثم القت
بهم ع الكرسي // و حازم ايضا بملابس الجامعه و جزب احد الكراسي و رمي نفسه عليه
جلسوا جميعا لتناول الافطار
رنين : تصوري يا ماما ... بكلم انجي عشان نروح الجامعه مع بعض اوصلها يعني زي كل يوم قالتي لا
حنان و هي تشرب كوب ماء : لعلمك بقي انا مش مستغربه خالص
رنين : ازاي يا ماما ..... احنا صحاب ايه علاقة دا بموضوع احمد ؟؟
حازم : هو انتي مش عارفا خالتو و لا ايه ؟؟؟ هي كدا من زمان ؟؟
حنان : هي انجي هتفضل كدا كام يوم و بعد كدا هي الي هتقولك ممكن توصليني ...
رنين : الغريبه انها عايزة تيجي معايا بس بتقولي خالتو مانعاها من اي اختلاط بيا حتي ف الجامعه
حنان : معلش .... عادي
رنين بحزن : لا ياماما انا زعلانه من انجي بجد
حنان : اولا انتي معملتيش حاجه غلط دا جواز يعني لازم يكون بالاتفاق ثانيا .. انجي لازم تسمع
كلام مامتها ايا كان ...... المهم انتي هتروحي الشغل النهارده ؟
رنين : اه طبعا
حنان : طيب عايزاكي تعدي عليا ف المستشفي تاخدي مفاتيح العربيه
رنين باستغراب : اييييييييه ؟؟؟ هو انا مش هروح بيها الجامعه ؟؟
حنان : لا معلش اصل النهارده عندي مشاوير قبل الشغل و محتاجاها...
حازم : هاهاهاهاهي .... ايوا كدا يا ماما
رنين بغيظ : حاضر يا امي حاضر ... اعدي عليكي الساعه كام كدا ؟؟
حنان : حسب محاضراتك ...... عموما انا هكون ف المستشفي ع الساعه 11 كدا
رنين و هي تبلع بيض : مممممم طيب ...... اعدي 3 كدا كويس ؟؟
حنان : ماشي حلو ..... عدي عليا خدي العربيه و روحي بيها
حازم باستعطاف: طب ما تعدي تاخديني معاكي ؟؟
حنان : واللهي فكرا ... لو محاضراتكو زي بعض ليه لا ؟؟
رنين : لاااااااااا حراااااااام ..
حنان : رنين ... اخوكي ... وصليه يا حبيبتي ماشي ؟
رنين : امري الي الله ...... و انت هتخلص محاضراتك امتي ياسي حازم ؟؟
حازم : ممممم ع الساعه 1 كدا ..
رنين : ياربي ..... قلت هترحم من انجي يطلعلي حازم
( انتظروا الحلقة السابعه )
رد مع اقتباس
